碼頭上魚

營業中

休息中

今天下午因為公事走咗入元朗，眼見形點好多食肆偏貴和多人，所以就近近地行去一天橋之隔的雞地覓食。慢慢散步發現多間曾食過的食肆已經結業，咁唯有改變策略，找一些陌生，記憶中應該沒有見過，應該是新開張的店鋪食晚餐。抬頭一望見到這間店的名字幾得意，再看一看餐牌，食材價格幾抵食，決定入去一試。先決定窩底，鴛鴦鍋我擔心是辣，所以沒有叫，鰂魚鍋138元應該是最穩陣的選擇。隔咗一陣侍應變相未放湯的鍋底材料，一眼見曬，真係有原條鰂魚喺度㗎。唔錯唔錯。食得魚湯火鍋，當然以魚類食材做主打，因此再點了龍躉片。另牛肉當然也是必要之選。快速地再叫多兩款手工餃，以研判這間店廚房的手藝質素如何。魚湯非常濃郁，深海龍躉片非常多件抵食。至於牛肉擺盤精緻夠份量，肉味濃，質量不俗。零意外驚喜就是手工餃，煮熟後外皮非常之薄，不會搞到成口粉皮。曾試過一些火鍋店，它們的餃皮厚度好似粉果咁，異常難食，要回吐。這間店絕對不會，相中可見餃皮薄幾好食。最後，送上幾張靚靚室內裝飾相，圍爐飯聚好地方！

▫️碼頭上魚元朗鳳攸南街9號好順利大廈1座1樓2號舖碼頭上魚主打新鮮熬製的魚湯火鍋，以及各款手工火鍋食材。我們點了鴛鴦鍋($148)，包括店內主打的鰂魚鍋及麻辣鍋。鰂魚鍋用原條鰂魚去熬製湯底，奶白色的魚湯滾起後，再配上鮮甜的魚肉味，一試難忘。打邊爐前喝一口熱湯，能品嚐到湯底原汁原味的鮮甜味。🍽 深海龍躉片($168)龍躉片肉質好細嫩，啖啖肉，十分肥美，份量也非常多！🍽 安格斯肥牛(半份) ($118)肥牛有大理石般的紋理，脂肪分布均勻，蘸一點特製醬料再放入口中咀嚼，入口即化，沒有化渣的感覺。🍽 鮮蝦雲吞(半份) ($38)蝦肉十分新鮮，很有咬口，爽口彈牙！🍽 大連10頭鮑魚 ($28/隻)鮑魚鮮味十足，很有咬勁但又不會太韌。🍽 鮮血旺(半份) ($33)鴨血惹味又有咬口。