華姐清湯腩

營業中

休息中

咁岩經過天后，唔知有乜好食，就隨便入一間鋪頭試下，最後揀左呢間華姐清湯腩，原來係米芝蓮推介，盛惠$58。味道黎講都OK，但未至於有乜野亮點。一般清湯腩河就賣緊四十幾，而呢度要成$58，明顯有$10以上係因為米芝蓮推介。真係食過一次就夠，明顯唔值呢個價。另外呢度既用餐環境都幾劣，更加唔值呢個價。

中學時期常去銅鑼灣、天后一帶，吃過不少間粉麵店，記得係銅鑼灣渣甸坊有間食牛腩既都唔錯，放學後食個牛腩河係指定動作，好可惜敵唔過貴租已經拉閘。近幾年都無遇過一間牛腩河係覺得要翻兜，直至果日食完華姐清湯腩。去花市擺檔前約左朋友係華姐門口等，雖然未到午飯時間，但已經有一條短既人龍，但好彩好快已經入得去。嗌左個清湯腩，好快已經到，首先試一下個湯底，好清甜，感覺唔似用味精煮出黎，起碼食完無口渴。跟住咬一口牛腩，夠入味又夠腍，面層痴住薄薄既牛膏，入口即溶，又唔會覺得油膩。而最重要係牛腩無痴牙。如果有箍牙既朋友一定好怕食牛腩，因為怕牛腩絲會痴牙，感覺周身唔聚財。極速食左碗牛腩，又係時候博殺啦。

華姐清湯腩真係foodki既最愛,由以前中學已經成日去食,當時仲係好似23蚊碗,而家已經加到40蚊。當時既我,華哥仲會送杯豆漿比我飲,而家我老啦,無豆漿飲啦。當時仲會見到華姐坐係到看舖,而家已經見佢唔到,希望佢身體健康,長命百歲啦。啲野食真係加價加得好犀利,好掛住以前既價錢華姐清湯腩@天后清湯腩河(7.5/10)($40)foodki真係好鐘意食佢,咁多年味道都無乜變。牛腩賣相超靚,牛腩紋理清晰,一睇就知燜超腍到無朋友,咬入口真係好腍,而且有超香牛腩味。湯底超清,呢到就睇到華姐既既功力,湯底超清但又唔會淡,清甜好味,非常好飲,配上河粉真係一絕!!

華姐清湯腩今日下午去天后食晏, 想食D湯湯水水既,所以走了去華姐清湯腩因為有少少餓,所以點左一個醉雞, 一碗切腩河同埋一蝶油菜醉雞份量十足, 雞肉入口有陣陣酒香, 但又唔會完全蓋過雞味, 頗具水準油菜, 菜心來貨唔錯, 唔會老切腩河, 淡淡的清湯, 配上有咬口又唔會韌既切腩, 亦係水準之作值得一讚既係, 雖然都算係名店, 但伙計依然非常有禮貌, 招呼周到又醒目, 唔會好似某D出左名既食店唔憂做, 伙計又無反應.有水準既食物, 相宜既價格, 加上優質既服務, 正是名食店應有既風範

今日既第一餐, 選擇咗久違既華姐清湯腩.下晝一點鐘左右都要排一陣隊.入到去, 其實好多人, 地方的確唔算舒服, 但係為咗清湯腩都無所謂.入到去, 叫咗碗清湯腩河.平時食開好重味既腩河, 今次食清湯腩去挑戰一下自己既味蕾.清湯加咗幾粒蔥花, 只有淡淡的一點味清湯味.牛腩好瘦, 只帶有一點點肥肉, 令口感咬上去更淋.牛肉味從清湯裡嘗出簡單的美味.可惜今天沒有吃蘿蔔. 下次再戰吧!

清湯腩好多人都食過，可是唔係間間都咁好食，由其是特別出名那些，偏偏這間就例外，而且更勝過那些名店，每日門口總是排著一條長長的人龍，入面每人都食著清湯腩既麵。華姐這個名字與大利從不間斷，有千絲萬縷的關係，兩間平排而開，活像一對門神般守護著天后的清湯腩生意。這裡的清湯腩，湯底清澈，味道鮮甜，燉煮的時間和火喉真是十足，那坑腩肥瘦適中，肥位甘香，瘦位軟稔，兩者相間，滋味非常。今次叫了肥腩，當食完所有肥腩後，整碗湯都要一併乾下，十分滿足。這天加了菜飯，令我更加飽肚，菜飯都ok，唔會油淋淋的。除了清湯腩之外，不能錯過那碗腩汁蘿蔔，清甜無渣，用上湯去炆煮，將所有湯既精華滲入蘿蔔內，使蘿蔔更加好吃，價錢都只是賣十元一碗，食夠兩碗都係20元，抵食。而且其他食物都不錯，價錢都十分相宜。而且可以選配伊麵底，一碗瘦腩配伊麵，真的是非常好的一餐。特別要讚的是伙記態度親切，完全沒有架子，會主動招呼，收拾碗碟時都特別小心，完全顧及客人的衣物，真的十分細心。香港咁多間之中，清湯腩都可算是表表者，山長水遠都必定要來一試。更多資料：http://hk.myblog.yahoo.com/zysk-c/article?mid

嘩!有同朋友去銅鑼灣....今次我地尊登去天后站附近華姐開飯一坐落負責落單叔叔好 nice......對住個個都hello, 我地落單緊係叫清湯牛腩la咁出名, 我地叫左碗牛腩麵, 叫左碗牛腩河, 跟住加多碗蘿蔔食湯麵湯河最緊要試試湯底......嘩!好清夠味, 河粉幾滑, 麵(我朋友覺得麻麻), 因為唔夠彈牙, 牛腩好入味同夠淋, 不過, 湯底咁夠味蘿蔔都應該浸透湯味, 雖然都係好淋, 但係一淡湯味都無, 我自己就唔鍾意囉, 唔知你地試完會唔會同我同一想法, 還有一樣就是食完牛腩河同麵, 之後個咀比d肥油漿住, 有點唔舒服.唔知食過華姐d fans有無同感呢!