夢工房西日料理 (已結業)

好友生日，見佢喜歡食放題，便揀左公司附近的夢工房西日料理。這裡地方濶落，裝修光猛又整潔，座位也舒適。 還未到七時已有很多食客入座， 相信我們來對了地方。中華沙律新鮮爽口。新鮮菠蘿鮮甜多汁，又帶點點微酸，清新開胃。三文魚刺身肉質軟滑， 色澤新鮮。生蠔刺身雖然細細隻，但新鮮有光澤，淡淡的鲜蠔味，帶给我們驚喜。有別於一般放題的梅酒，梅味重，酒味芳香。清酒煮現也不錯，細細粒脹卜卜的蜆肉，吸收滿了清酒味。鹽燒雞軟骨，香軟中帶爽，調味剛好，非常惹味。紫心甜薯，軟淋又香甜。 日式餃子，皮薄肉鮮， 只是外皮略乾。鹽燒秋刀魚，剛離骨不會太乾，魚味香濃。火焰三文魚反卷， 壽司飯軟熟，火焰三文魚香稔。羊架肉質軟嫩又惹味， 沒有羊羶。 在這裏食放題，不但食物唔錯，服務也有水準。 加$8８有任食即開生蠔，生日又有88折，埋單每人200多元，吃得開心，又抵食！

今日嚟到葵芳，估唔到葵芳竟然都有日式放題，價錢仲好抵，閒日19:00前入座價錢係$158位⋯⋯嘩！呢個時勢呢個價錢真係好難得！未食過都好，一試無妨啦！ 店內都算寬敞，裝修有點兒西式化，似食西餐的架局！ 近門口位有飲品自助吧，仲有甜品自助吧！ 同一般的放題無異，都係劃紙仔，簡單易明！食放題，首輪一定係揀刺身啦～店員好有禮貌地接過我們已劃好的order紙, 等了五分鐘都未到，令人唾涎的刺身拼盤好快便呈上⋯睇得出師傅真係好俾比機喎，因為個刺身拼盤堆砌得真係好吸引，而且有發光裝置，仲有噴煙特效！！勁呀！未食都先俾個like先！ 另加$78/位仲可以任食生蠔同松葉蟹段！生蠔係至愛，唔加錢任食就對唔住自己～ 生蠔真係好大隻，有手板咁大！而且仲肥嘟嘟，肉好厚！松葉蟹棒雖然每次上少少，但蟹肉鮮甜，口感實在喔！甜蝦size有手指般大隻，肉質鮮甜，唔錯！其他刺身都可以。 食完一輪刺身，跟住就到熱食，熱食選擇都幾多，蟹粥、炸蠔、串燒、天婦羅、清酒煮蜆⋯⋯出面一般放題有的食物，基本上夢工房都有！ 其中最特別，竟然有自選火鍋一欄！有三個自選湯底，想食咩湯自己話事！熱辣

開始轉季，好友小C約了我放工跟她一起去到我們的老地方葵涌廣場買秋裝。一輪瘋狂購物後，是時候醫肚。葵涌廣場確是我們的老地方，中學時我們已約在這裏行街，所以這附近很多食店我們都吃過。醒目的小C在前一天預約了一間我們未試過的餐廳，位於附近葵芳花園好爵中心商場的夢工房西日料理吃日本放題！這裏的放題選擇很多，好像單是放題紙都有十數張，而且價錢又不貴（星期一至四 7:00-8:30成人$168, 小童/長者＄118；7:00前入坐：成人＄138，小童/長者＄108；8:30後入坐：成人＄148，小童長者＄118；星期五六日同一時段加10元）。另外，這裏還可以每位加$68，仼食生蠔及松葉蟹腳，我同小C計過食2－3隻應可以翻本吧，所以我們便加了這個plan...（後記：我們共吃了10隻生蠔及數隻松葉蟹腳，抵呀～）劃好放題紙後不久，刺身拼盤便來了！我們叫了的刺身有吞拿魚、三文魚、立魚、鮮柱貝丶鮑魚丶墨魚丶松葉蟹捧等等。各種刺身都算新鮮，我最喜歡的是吞拿魚及鮮柱貝，食放題吃到的吞拿魚肉質有時會霉霉淋淋的，這裏的吞拿魚卻有意想不到的新鮮及爽口，好味呀！當然唔少得就係我哋嘅生蠔啦，個人覺得頗鮮嫩和creamy

好少去呢頭，上一次黎已經係三年幾前去玩十米氣步槍既時候！今日媽咪約左我去行街街，不勝腳力既我行到攰，當然就係提議去勁食番餐啦今年都仲未點食過日食，加上天氣熱，好想食下凍ya，所以就去左附近食放題喇！好像有成年無去食過放題喇，同媽媽都有兩年幾，所以佢都無異議！講真，平時唔會好馨去食放題，總覺食物質素麻麻，製作一般，但錢又俾左，於是無視濫於充數既出品，照單全收，但今日真係0咬爆頭，去到一個完全陌生既地方唔知食乜，所以就openrice一下搜尋搵食先！講樣秘密你知，小妹係開飯既超級fans，九年幾前，遠在澳洲，平時唔食都要睇曬十七頁更新既食評先滿足，咁當然回到香港要日日跟住去飲飲食食啦！！！平日既晚餐時間去，地點好好找，商場行去兩分鐘就到，全部台坐滿，好彩又唔洗卜位就有得入姐，目測有過百個位坐，裝修係西餐廳咁既，播住細細聲既流行歌曲，不過餐廳多人，有點嘈吵，唔太聽到音樂！呢度既卡位坐得超舒服，媽咪都大讚夠寬落！媽媽話呢度食得好自在，無拘無束喔！！ 每次食放題，最開心係係咁畫畫畫嗰一下，而媽媽乜都無所謂，無乜唔食，所以又係我揸曬主意，叫乜佢食乜真好！見到食物選擇幾多下，唔止魚生壽b，自助飲品甜