雪山冰廳

營業中

休息中

是日放工後去深水埗逛逛，再帶伴侶來到雪山冰廳食晚飯。偌大的餐廳，店內食客卻不多，7時多的晚市時間也不用候位。選坐卡位，座位夠寬闊。餐牌選擇非常充足，不限於港式茶餐廳食品，還有喇沙、上海菜飯、漢堡包等等，而我們點的是滋潤燉湯二人套餐 ($188)。是日燉湯是茶樹菇燉赤肉，一人一盅燉湯，熱焫焫的。燉湯的用料足，有茶樹菇、杞子、瘦肉，清甜滋補。套餐有兩道菜，是日海上鮮/酸菜魚/半隻雞＋季節小菜，海上鮮可以加$10轉煮法，以涼瓜/茄子/枝竹炆。是日海上鮮有5至6款鮮魚選擇，選了豉汁蒸鯧魚，鯧魚大條肉厚，蒸的火候恰好，魚肉鮮嫩。豉汁味道不會太鹹，適合用來撈飯吃。季節小菜有十多款可選，想要吃點蔬菜多於肉，選了窩貼鮮蝦小棠菜。本來以為清清淡淡的吃點小棠菜，見識少的我們完全不知道這道菜是經油炸的，原來這是一道傳統功夫菜，為數不多的餐廳有供應這道菜式。以腐皮包裹彈牙的蝦膠及切碎的小棠菜，外層炸得酥脆，口感豐富，香口得來不會太油膩。飲品要另外加錢，既然熱飲都要加$6，倒不如加$15要杯港式茶走紅豆冰。茶走香滑，奶與茶的比例平衡，不會澀。茶走的底部有粒粒紅豆，香甜綿密。雖然茶走以煉奶沖調，但加入紅豆後，整體

雪山冰廳始創於1956年是一間擁有60年多歷史的茶餐廳。在香港有兩間店在深水埗和長沙灣，而這次就來到深水埗的分店。由港鐵深水埗D2出口步行約6分鐘就到達。餐廳裝修比一般茶餐廳更為時尚和光明，提供的食物種類也很多元化，例如傳統茶餐廳美食，季節小菜，南洋咖喱飯，川味風情美食，全日小食等。❈ 始祖椒鹽豬扒飯 (炒底) HK$72這碟椒鹽豬扒飯光看已經覺得非常有鑊氣。連骨豬扒肉質鬆軟入味，帶點微辣。炒飯底用蛋，洋蔥粒，蒜頭和辣椒炒至米飯粒粒分明，香口惹味。椒鹽豬扒飯還是炒飯底最好能夠將椒鹽豬扒的香味大大提升。❈ 蜜椒野菌薯角牛仔骨煲 HK$95熱騰騰的牛仔骨煲，以牛仔骨為主角和三色椒，薯角和野菌為配料，色香味俱全。牛仔骨腍身入味，散發著黑椒香氣外，還帶點甜味。❈ 樽仔奶茶 HK$15 (配餐價錢)樽仔奶茶，用厚實的玻璃樽入滿茶香味濃的奶茶。奶茶入口絲滑，沒有苦澀味而且甜度剛好。❈ 港式茶走紅豆冰 HK$9 (配餐價錢)這杯紅豆冰特別之處是用粒粒紅豆與茶走一起調製而成，配搭新鮮。港式茶走就是奶茶中添加煉奶取代糖和淡奶，因此喝起來茶走比奶茶偏向甜一點，而且奶味也甜一點。

位於青山道嘅雪山冰廳早於1956年開業，至今已經有超過六十年歷史。近年經翻新後加入多款新嘅菜式，食物選擇多，價格親民，連波士頓龍蝦都有得食！𖦹 波士頓龍蝦叻沙摻摻 $98龍蝦啖啖肉又爽口，啲肉雖然唔算超甜但絕對對得住個價，連龍蝦嘅鉗位都好多肉。 摻摻係油麵mix米粉，湯底香濃惹味得嚟食完唔口渴，仲有蛋、 魚片、芽菜同豆卜做配料。𖦹 自家手打芝士煎蛋牛肉漢堡包 $58標準嘅港式漢堡，配上沙律醬同埋流心嘅蛋漿，美味！𖦹 華田曲奇妙趣+$9華田超濃郁，撈埋面頭嘅cream簡直係邪惡嘅極致，如果Oreo係撈埋入去打碎就更好，宜家得一塊浸到腍曬，有啲尷尬。𖦹 港式茶走紅豆冰 +$15將兩樣咁symbolic 嘅香港嘢飲mix埋會有咩效果呢？奶茶富有茶香，紅豆軟腍綿密，分量極多，呢個得意嘅配搭我好鐘意！

今日去咗汝州街搵施華洛閃石, 行到肚餓就喺附近搵嘢食, 見到 ❥⧽雪山冰廳 ❥⧽坐滿人睇嚟幾好食, 所以就入去喇。餐廳好多卡座位, 可以自成一角幾好。𓊈波士頓龍蝦叻沙摻摻𓊉喺冰廳都可以食到波士頓龍蝦好開心呀! 龍蝦肉厚爽口, 鉗位都好多肉, 叻沙份量好大碗, 有油麵同米粉, 配料仲有蛋, 魚片, 芽菜同豆卜, 大滿足!𓊈經典芝蛋牛肉漢堡配迷你肉醬意粉𓊉一見到就覺得個迷你肉醬意粉一d 都唔迷你, 又係大大份誠意十足。牛肉漢堡有驚喜, 估唔到裡面隻蛋係流心㗎, 一邊食一邊流d 蛋汁出嚟, 好好食。𓊈榛子醬西多士𓊉望住舊牛油喺西多士上面慢慢溶, 裡面充滿榛子醬, 再加埋一支任唧嘅糖漿, 成件事實在太邪惡喇。𓊈華田曲奇妙趣𓊉好大舊 cream 呀, 個底好多曲奇碎, 撈埋華田一齊飲, 個味道都幾夾。𓊈港式茶走紅豆冰𓊉用煉奶做底嘅紅豆冰唔會覺得太甜, d 紅豆係一粒粒唔會爛曬不過又軟綿綿, 好飲呀!𓊈鮮檸檬紅茶𓊉呢度嘅檸檬茶有好多片檸檬, 一d 都唔孤寒, 茶底濃度適中。✧✧ 整體食物同飲品都好好呀, 份量又足, 難怪2 點幾入去都坐滿人。

前排去深水埗買電話卡 諗住喺附近食嘢嘅時候無意中見到呢一間冰廳 爸爸見到之後即刻話記得細個食過！仔細一睇佢個鋪名真係寫住…自1956年😮有成65年歷史！裝修以黑白色為主 非常摩登👍🏻冰廳人流頗多 大家記得早少少去攞位呀！·經典芝蛋牛肉漢堡包 $35麵包有輕輕烘過非常脆口 牛肉漢堡扒好juicy 一啖咬落去肉味更濃郁 配合煎得啱啱好嘅太陽蛋同埋芝士 味道更有層次！·始祖椒鹽豬扒飯（炒底）$62豬扒肉質鬆軟 入口少辣又帶有少少椒鹽嘅鹹香 仲事先切成一塊塊 方便食用！炒飯充滿大排檔風味 好有鑊氣啊👍🏻·避風塘生炸髀 $30肥Glor一開頭見到咁深色仲以為係濃左！點知食落唔止冇濃 仲係炸得啱啱好 雞肉非常之滑 冇overcook 仲有滿滿雞油滲出 連埋啲炸蒜一齊食就更邪惡～·榛子醬西多士 $30熱辣辣 麵包炸得金黃色好香脆 甜而不膩 一切開有大量榛子醬 好有中西合璧嘅感覺！唔使落太多糖漿都已經夠晒甜～·鹹蛋黃雞中翼 $35鹹蛋黃完美融入左喺炸粉入面 夠晒脆口又惹味 雞肉嫩滑多汁之餘仲滲出陣陣蛋黃鹹香 好特別！·樽仔奶茶 $25（下午茶時段+$9）茶同奶嘅比例恰到好處 唔會有苦澀味亦唔會過甜 口

打完波肚餓到爆炸，個情況係見到邊間近就即刻衝入去食，點知好有驚喜，值得我喺度寫幾隻字讚一讚呢間冰廳！檳城喇沙摻摻> 因為我喺馬來西亞住過一年，所以我可以好有信心講，呢度嘅喇沙味道係超正宗，所以個湯最後被我清到底🤣避風塘雞髀> 隻雞髀一上枱，我同個friend 真係一齊嘩...左聲，超大隻！哈哈！同埋佢真係好避風塘！皮脆肉嫩，d雞肉汁多到會辣親咀(太肚餓食得太喉禽🤭🤭)港式茶走紅豆冰，樽仔奶茶> 真心講句，個奶茶底好味過某某上咗市嗰間嘅冰鎮奶茶，佢個茶底真係好香。芝士波士頓龍蝦海鮮飯> D海鮮多到我個friend要叫我幫手食😋😋呢間冰廳每一樣食物都睇得出係用心足料製作，我下次打完波一定會再來支持你🙂

早排已經幫襯過雪山冰廳一次，個陣覺得啲食物都唔錯。咁岩星期六同朋友去深水埗買野，未食早餐嘅我行到5點幾，個肚真係餓到喊。為求方便快捷，決定再戰冰廳，一口氣叫咗好多食物。-檳城叻沙海南雞米線湯底充滿叻沙香氣，入口雖然唔會太辣，怕辣人士都食得。我一向鍾意米線配湯一啖咁食，呢款食落真係好足味。海南雞質感較扎實，但咬落唔會鞋口，雞皮嫩滑程度都好抵讚。-爆餡蔥花蛋牛治(烘底)識食蛋牛治一定要叫烘底，入口外脆內軟。炒蛋夾雜蔥花同粒粒碎牛，雞蛋都幾厚身，稍嫌蔥香蓋過其他食材味道。-避風塘生炸脾雖然好熱氣，但真係好吸引。避風塘碎碎聞落有啲似媽咪麵調味粉香，配上炸脾幾夾。外皮炸得有少少老，但整體都香脆可口。-榛子醬西多士上次幫襯已經見到有人叫，似乎幾受歡迎。倒埋糖漿真係好邪惡，夾心有濃濃榛子醬，味道幾特別。-港式茶走紅豆冰原來茶走紅豆冰都幾好味，紅豆中和奶茶嘅澀味，比傳統紅豆冰更勝一籌。-樽仔奶茶朋友叫咗招牌樽仔奶茶，細細枝幾可愛。入口茶味香濃，質感幼滑。-懷舊黑牛黑牛可謂係茶記經典，朱古力曲奇雪糕加上可樂，入口多一份奶香，口感都creamy少少，頗有趣。

其實都幾鐘意試香港嘅茶記或者冰室，見呢間裝修幾靚又多人打卡，一於試試～今次Order下午茶餐，Around：$49/per💁🏻‍♀️餐廳裝飾風格幾fashion，睇落感覺新式主題茶記咁，無論地磚定牆身都落過心思設計，牆物上更有噴漆塗鴉作品，CP值唔錯。檳城叻沙海南雞米線$38-味道系可接受範圍水平內既，只係對我而言叻沙味道唔夠濃，可能因選用米線關係，米線本身比較難吸收湯底味道，如果改為米粉應比較合適，另外海南雞食得出滑嫩，可惜浸入叻沙湯底而唔係另上關係，耐左既雞已冇第一口☝🏻咁滑嫩，建議朋仔點單事先要求海南雞另上🍴咖哩雞扒飯$42-呢個十分欣賞佢較出後既咖哩，絕唔似日式咖哩，而系似中東經香料特別調製後既咖喱，夠晒香濃，而雞扒已切件經炒香再放入咖哩汁內，配上白飯到就好夾🤤跟餐$9樽裝招牌奶茶-出名自家凍奶茶會入樽裝，比較乎合衛生同方便買外賣既朋友，白濃夠滑，的確唔錯，對比維記樽裝港式奶茶既話，維記茶味會重d，而呢款奶味會重d🤔跟餐$9港式茶走紅豆冰-同往日茶記叫既紅豆冰唔係之處：拎走1/3奶左右既份量加入茶走奶茶，除左奶、紅豆味之外，仲多左份茶香，感覺幾特別因同平時飲既紅豆冰唔一樣，都唔錯

對上一次同一班老友嚟「雪山冰廳」已經差唔多喺年半前嘅事，嗰次一棚人嚟就食晏，都喺叫啲特餐、午餐之類，今次因為過開嚟深水埗鴨寮街睇睇啲電話數據卡，就順便約啲親友食個便飯。地點揀咗「雪山冰廳」，一來位置上當然就佢哋啦，其實大家都喺晌深水埗大，都幫襯過「當年」嘅「雪山冰廳」，自然話題多多細說當年，二來茶記最好，夠多嘢揀，又平靚正。「雪山冰廳」前身喺間「真懷舊」冰室，因為小弟都喺晌深水埗大，不過，結業後重開，就無走扮懷舊條線。全新裝修後，牆身白瓷磚，地板就街磚，加幅大魚躍噴畫，都幾型格架。枱上有一本本嘅餐牌，但又大本，又反光，影出嚟嘅效果都麻麻。好彩有啲外賣單張攞，掃描後貼出嚟，仲更加一清二楚（註：部份價錢跟大餐牌有別，我諗應該以大餐牌為準）。概略望望你都見，選擇非常之多，亦有唔少特色嘢。早午晚多種套餐，就算散點叫碟頭飯，亦可以優惠價加配有飲品。調味料、餐具早已放齊晌枱面，唔使多口問侍應，方便客人，又唔使令員工加重多啲功夫。避風塘生炸脾 $28生炸脾喺呢度嘅名物，之前無試過，今次就一於會一會佢。隻雞脾非常之大件，即叫即炸，所以，上枱嘅時候喺熱辣辣，頗為燙手。入口外皮好香脆，又唔會覺得好油膩，雖

每次到深水埗的時候，也是逛逛電腦商場等等。 今次竟然比我發現一間歷史悠久而有高質的冰室， 雪山冰廳已經開業60多年歷史 ，經過全新裝修之後感覺煥然一新。一場黎到一定要入去發掘一下有什麼好東西吃！ 看見餐牌上的食物種類運入了很多新款的元素，但又不失懷舊的風格。 看見有芝士焗波士頓龍蝦海鮮飯$108，見賣相唔錯所以叫來試試，黑松露沙拉一字骨$68， 鐵板蝦米肉碎啫啫芥蘭$65， 華田曲奇妙趣跟餐$12 ( 淨飲$25 )， 港式茶走紅豆冰跟餐$12 ( 淨飲$25 )， 樽仔招牌奶茶 & 樽仔忌廉咖啡 ( 自取價$15 )。芝士焗波士頓龍蝦海鮮飯， 除了賣相贏曬之外 ，大大隻波士頓龍蝦上枱，入面有魷魚，鮑魚片，青口，魚和蟹柳，材料豐富！ 龍蝦啖啖肉，食得好滿足！黑松露莎拉一字骨，未食已經聞到香噴噴的黑松露味道，配搭甜甜酸酸的沙律醬，還有厚肉而不油膩的排骨， 諗起都想再食啊！鐵板蝦米肉碎啫啫芥蘭，味道很香和微辣，利用蝦米的鹹香味滲透入每一條芥蘭裏，還有肉碎送飯一流。華田曲奇妙趣，係唔係望到都想飲呢？ 不但止賣相靚， 入口不算太甜，唔錯！港式茶走紅豆冰，欣賞佢用茶走做紅豆冰，沒有平時一般的紅豆

之前上網睇片有youtuber網紅介紹深水埗依間<雪山冰廳>老字號，野食又好好味。今日同老公去開附近電腦商場買東西，就決定到這裏一試真偽。餐廳雖然剛剛裝修好但是<雪山>這個名字在深水埗很出名的！1956開業，有60多年曆史，<老字號冰室>絕對當之無愧。餐廳剛剛裝修好，裝修簡潔。但依然保持著舊有的特色，例如這幅手繪畫就是當年開業保存至今的。老公點了椒鹽豬扒飯，來到的時候超香的椒鹽味，熱辣辣香噴噴的！厚實又不肥膩的豬扒外層烤得香脆，面層的脆漿不厚，再撒上椒鹽真超惹味沒想到居然還是炒飯底，飯炒得乾身不油膩而且有很多蛋絲和蔥粒，誠意度超班。而我則點了<芥末一口骨>。做法有點像沙拉骨，香烤後的一口排骨均勻地沾上芥末醬。芥末醬香而不辣，辛辣度恰到好處，超級好送飯的。餐飲方面我選了<樽仔忌廉咖啡>。咖啡香濃亦很幼滑，甜度適中不會完全蓋過咖啡獨有的苦味，正合我口味。老公則點了茶走紅豆冰。通常茶餐廳都是加花奶的普通紅豆冰，想不到這裏是茶走mix紅豆冰，可以一次過滿足大家兩個願望。香濃奶味的茶走既有茶味亦不失香滑甜味，還可以