蘇媽.蘇媽馬來西亞茶餐室

營業中

休息中

黎到旺角 突然諗起食過返尋味既咖哩米通粉呢間蘇媽.蘇媽裝潢好有feel呀 有兩層 好寬敞 入到去都見到望似馬拉人既食客，好似去左馬拉旅行。今次當然再encore咖哩米通粉啦,仲可以揀辣度，米通粉口感勁煙韌，咖哩濃度適中，有咖哩香，份量可以，有兩舊薯仔但大食的朋友就未必夠啦。另外因為唔係好食得辣 ，試試檳城福建蝦面，入面有腩肉，魚片，蛋，蝦，通菜，好豐富啊。因為係午餐，配馬來西亞拉茶5蚊咋。麵底可以揀滲滲，半米粉半油麵，正呀，個湯真係有香濃蝦味，感覺正宗👍有機會下次一定再試其他菜式🤓而龍眼冰就係我食馬拉野不二之選，refresh又解渴，一定係偏甜的啊。

位於旺角上海街既蘇媽.蘇媽餐室，主打馬來西亞風味菜式，由旺角站A出口或C出口行去餐室都只係2-3分鐘左右，非常方便。今晚就由小編與老公努力試試先。餐室位於活化建築群內，由於有大光燈關係，門口非常清晰辨認到，而且門口兩旁掛起既兩副對聯，盡情展示佢地既拿手菜式。試想像咁直接推薦佢地既食品，足以證明佢地製作食物上既信心。「串燒 肉骨茶 椰漿飯 樣樣好食」「拉茶 白咖啡 桔仔冰 杯杯好飲」可能係因為活化建築群關係，入面既裝修都係以數十年前既地道懷舊風味為主，不論響枱上既筷子筒﹑柱上既掛畫﹑甚至牆上掛有以前穿梭大街小巷既單車。雖然坐位每兩人就設置間板下會比較擠迫，但店員都會貼心既盡量響附近搵未有既櫈以方便你去放袋，同時令你用餐既體驗可以增強。 餐單內食物種類繁多，大致分為肉骨茶類﹑湯麵類(喇沙﹑咖哩麵)﹑椰漿飯類﹑小食類及飲品類。(而小食類為今次小編推介，因為款式多而貼近於星馬街頭所見到既小食款式，下面再詳盡介紹)本身小編呢排努力搵食關係，胃口上都差左，但去到呢間餐室門口而聞到肉骨茶味個陣，為食模式又再次啟動喇。與老公一齊晚飯關係，所以都忍唔住叫左5款食物+1杯飲品共享：1) 肉骨茶(棒棒骨)

經開旺角，朋友話帶我去食一間網上好多人讚嘅馬來西亞餐廳到食。星期四大約中午十二點幾去食，門口有幾個人企係到睇餐牌，但竟然唔需要等位就入得，入面都坐咗幾多人，但仲有幾張空桌。環境算幾乾淨，幾光猛，裝潢充滿馬來西亞嘅特色。餐牌比較簡單，種類唔算特別好多。叫完嘢食之後，店員會比每人一碗肉骨茶，飲完係可以添飲～不過碗肉骨茶唔係好熱，只係微暖。湯咖哩米通粉 ＄52個湯有濃濃咖哩同椰汁嘅味，仲有啲薯仔，豆卜等配菜。見到其他食評話依碗湯咖哩米通粉好辣，但我個人覺得完全唔辣，不過有機會係我接受食辣嘅程度偏高！唔食得辣嘅朋友仔可能要諗清楚先好叫嚟試喇！肉骨茶（豬腳彎）$45唔會太重藥材味，性價比偏低。印度青蔥薄餅 ＄38完全唔特別，普通煎薄餅，自己買番屋企煎可能仲好味，唔推薦。油炸鬼 ＄15正正常常2個人埋單 $168，還可以，不過未必會再食多次。