等你 _ _ (已結業)

黎開筲箕灣緊係要去東大街搵食啦~見到呢間個名幾特別:等你_ _，原來食台灣野,就試吓啦~呢度採用環保落單，mark落過左膠既menu 上。臭豆腐: 一咬落去好有台灣夜市食既感覺。炸得外脆內軟，熱辣辣，臭臭地夠哂香，配埋甜醬辣醬甜不辣:即係魚餅，炸起加埋甜醬，有魚香味脆香雞排:食台灣野必點既，外面好鬆脆夠香口大腸蚵仔麵線:坊間既蚵仔麵線有分機器同手工麵線，雖然無問過店主，但食得出呢度用既係手工既，比較有口感。加埋大腸蚵仔三犇麵:星期六日先有，咁啱星期六黎到緊係試吓啦，呷一口湯，有輕輕既當歸藥材味。 牛展，牛腩都好入味水果茶:唔同坊間用橙汁用茶底熱飲會變酸，呢度用左百香果綠茶，配上火龍果提子，好清新芒果多多特飲: 食左咁多熱氣野，飲啖芒果同益力多滷肉飯:一粒粒既五花腩肉，肥瘦平均食落又唔會覺得油膩，加埋滷水汁唔覺唔覺食哂成碗~綜合拼盤:有滷水蛋，雞翼，豆腐，大腸。每一款鹵水汁都好入味，食完都唔口乾，尤其中意豆腐同埋大腸。墨魚汁香腸:烘到腸衣脆皮的，肉質有咬勁。雖然係小店，不過每樣都唔錯，一問先知原來老闆喺台灣學過廚，唔怪得樣樣都有台灣風味啦，特別中意呢度既滷水野

由於我地公司都近東大街, 所以我地成班同事經常會過黎呢邊食晏, 基本上由街頭至街尾, 酒樓至小食我地都食勻, 先前食晏時已經見到呢間店名咁特別嘅台式小店"等你_ _ _", 趁大家今晚大家都收6點, 收工就一齊去食返餐。😋等你_ _ _位於東大街近電車總站果一邊, 門牌全黑色, 非常突出, 餐廳面積唔大, 只有5, 6張枱, 裝修簡約中帶點型格, 另外, 除了餐具擺設有台式同老香港風格外, 餐廳播放的國語流行曲亦好台灣😙, 我到餐廳時未到7點, 客人唔多, 不過7點半左右就已經全店爆滿。我地一行4人, 兩男兩女, 點左一個滷肉飯, 一碗牛肉麵, 一個拼盤同一客臭豆腐share, 另外因為飯麵同炸物都可以加$10配飲品, 我揀左珍珠奶茶, 同事點左柑桔檸檬綠茶, 女士們因為要食芋圓所以冇點飲品。😝凍黑糖珍珠奶茶($10)、凍柑桔檸檬綠茶($10)雖然加配只係$10一杯, 不過兩杯台式飲品都好大杯, 我杯黑糖珍珠奶茶茶味好突出, 珍珠香甜煙韌。😋等你拼盤($40)呢個滷水拼盤有雞翼、豆腐、滷蛋同我最鍾意嘅邪惡滷大腸，入味之餘唔會太鹹，而且份量好多，我地4個人share都夠食。👍招牌臭豆腐(