潮樂園 (和富道)

營業中

休息中

今日喺北角食午餐估唔到竟然搵到一間米芝蓮必比登推介嘅餐廳🌟 味道岩曬我呢個潮州人😍 午餐時段除左小菜仲有唔同套餐☀️平民價錢食到米芝蓮質素CP值好高🥹⭐️ 潮州煎蠔餅 🦪用料實在蠔肉粒粒好飽滿🌊 酥脆得黎唔會食到成口都係粉漿🔥唔會太油膩⭐️ 特色潮汕胡椒雞 🐔雞肉嫩滑帶豐富嘅油香🍗 食落帶絲絲既胡椒香配飯一流🧂⭐️ 滷水鵝片三拼飯 🪿滷水入味得黎香料味偏重層次夠豐富🌿 鵝肉口感唔會太乾👍🏻配上滷水蛋同鴨肉都好滋味 🥚⭐️ 魚蛋魚片紫菜湯飯 🐟看似平凡原來都好有驚喜💙 魚蛋同魚片口感好爽口而且有魚肉既鮮味🐠 果然係真材實料既潮汕口味🏝️⭐️ 福果綠豆爽 🫘食到綠豆嘅清甜而且煲得綿密💚 甜度適中中和返濃郁既潮州菜岩岩好

雖然已升為米芝蓮 店，但訂位都不太難，。每晚分兩場，分別係6點30分至8點15分及8點30分10點15分。今次一行6人 去食 ，個人認為食物質素不錯，價錢係可接受的。蠔仔肉碎粥 $108  我去打冷鋪必食的蠔仔肉碎粥，每一羹都有好多蠔仔，粒粒飽滿脹卜卜，，除左蠔仔，仲有肉碎及魷魚等，用料十足，粥好清甜， 食完不會覺得口渴，好好食。滷水鮮鵝肝拼鵝片 $198 鵝肝滷得好入味，鵝片肉質鬆軟，份量足，不會得幾片。滷水三併  $148 滷水鵝掌翼、鮮鵝腸及豬大腸全部都滷得好入味，滷水汁恰到好處，不會太咸。鵝掌翼夠稔、鵝腸脆嫩、豬大腸夠肥 潮州煎蠔餅 $98 好少地方落鴨蛋整蠔餅，蠔餅不會好鬆散，食落好香韭菜花炒鮮魷 $108純粹咁多肉叫個菜福果甜芋泥 $38 芋泥質感好綿滑, 甜而不膩小朋友好鍾意食。仲叫左個潮樂園招牌炒米粉 $88 無影相，太普通無特別。