牛一 (始創中心) (已搬遷) 新店位置

為補祝姊妹遲來的生日飯，所以揀咗呢間同事推介唔錯的放題。到達店舖時門口已經排長龍，感覺要排好耐，好在店員安排得好快好快就可以進入（卡位較多）。行入去是一路會見到周圍嘅擺放的食物新鮮度感覺良好。最抵讚係湯底有牛蒡清酒雞湯（姊妹揀嘅）比較特別，牛肉質素唔錯！特別推介金橘綠茶，解油膩，味道唔錯。仲有我鍾意嘅羽衣甘藍！氣氛唔錯！可惜係限時食完要走啦！

始創新開咗間牛一，見人山人海應該唔錯，於是就同朋友去食。形式同好多日式放題火鍋差不多，同樣有幾款牛肉選擇，我地就選擇了中位價錢的澳洲和牛及豚肉。內裡環境非常漂亮雅緻，有高級餐廳的格調，座位舒適寬敞。除了牛肉和豚肉，其他火鍋配料都是以自助形式，款式多以蔬菜為主，而丸煩或肉類較少，而我就覺得款式跟其他火鍋店差不多，沒有特別的配料。飲品同樣任飲，自己任取。豚肉及肥牛都是同職員order 的，食幾多叫幾多。豚肉切到好薄，容易灼燙，肉有啲鞋但都幾有豚肉味道。我地主攻澳洲和牛，幾多幾碟就回本啦肥瘦分佈均勻，雖然不是入口即化，但都幾新鮮嫩滑，輕輕一燙就可以了。澳洲和牛勝在不太肥不過瘦，兩者取得平衡。最後食埋個甜品，都係自助任食，有原味、青蘋果乳酪及雲呢拿、北海道牛奶雪糕選擇，還可加入自己喜歡的配料點綴。