鳳城酒家

營業中

休息中

第一次來鳳城飲茶，雖然無點心車仔，但係一入到去已經感受到陣懷舊氣息。燒味檔設喺酒樓入面，同新式酒家不同。本來地方已經唔大，疫情下加了隔板就更加逼窄。先試兩款懷舊點心，喺出面都好少地方有得食。其實味道平平無奇，只是這兩款在其他酒樓都比較少見，有點新鮮感。兩款點心的餡料都唔太多，貪得意試了一次，下次應該不會再點。灌湯餃就真係好出色。將啲湯包埋入皮呢種做法已經好少見，亦好考師傅的手藝。好似食緊巨大版的小籠包咁，足料又多湯，推薦乳豬好香脆 叉燒無咩肥肉，但肉質出奇地淋，蜜汁味濃，有驚喜入面嘅鮮蝦大大粒，腸粉亦夠滑。反而蒸排骨同魷魚就好一般，蒸太耐好韌口。總括嚟講，當食吓風味，感受吓環境就好。食物質素其實都唔太出色

今次在鳳城酒家餞行宴， 送別一位老友。想著食些廣東懷舊點心，一星期前訂位，今朝上去已人頭湧湧，幸好留了一枱大枱係場側，高談闊論也較方便。一致的傳統酒家裝潢，熟悉的舊式點心紙，很多點心選擇，絕無虚場。有些少見啲豬潤燒賣，上湯浸粉果，鍋貼大明蝦，著名的大良炒鮮奶及大良野雞卷，對我來說都是新奇的。友人也提議試試這個懷舊灌湯餃，看看是否兒時食的一樣，湯在餃裏脹脹的，很易穿，在底下有塊鐵片盛托著的。結果也如他所想。基本上所有點心即叫即蒸，料新鮮，足料，特別係腸粉的粉皮，炸品的皮，薄而脆口，不是一團團的。燒賣也是爽脆豬肉口感，少蝦也是舊式的做法。唯一炒鮮奶炒得有些過了火， 燶燶地味，有些失望。

「好想再試一次鳳城喔！」這句話在這一年說了無數次，卻還是沒有抽空去，一來怕他的人潮，二來怕再次破壞我對他的印象。小時候，一個月總會來鳳城兩三次，有晚餐也有飲茶，不過後來覺得他日益退步，價格也越漲越高，便越來越少去了。記得上次來飲茶，那碟煎米粉油膩得難以入口，再次令我對他卻步。雖然每次來都有些缺憾，但還是壓不住我對鳳城的想念，只因為它的灌湯餃真的無人能取代啊！「還沒12點，今天去鳳城碰碰運氣吧！」把我訓練成吃貨的爸爸提議。聽到「鳳城」二字，我不由得眼前一亮，想了一年難道終於可以一吃了嗎？我連忙和議，並求老天給我殺出一條血路，給我一個茶位吧！果然食神待我不薄，等了不過差不多10分鐘便可以入座。來鳳城便要有並桌的準備，雖然坐得比較擠，不過抬頭看看門口，梯間已經擠滿了人，頓時覺得自己能擠進來已經很厲害了！要了一壺壽眉，便開始選我的點心，選擇沒有很多，可有我喜歡的灌湯餃就夠了！「怎麼來了一壺普洱？」茶水不久後便送了上來。可能人太多，伙計弄錯了吧？不過問題不大，人這麼多換起來也麻煩也就算了。「灌湯餃！」這個一定要每人一籠！「快點趁熱先吃！」灌湯餃上桌後我便立馬把自己的份拉到面前，並小心翼翼的把我的

作為新界人,平時飲茶都不會考慮九龍或港島區,這一天因為相約了親戚,於是到了位於北角區相當有名的鳳城酒樓,由於親戚不是第一次來,大部份點心都由他發板,我們點了好幾個點心,全部都新鮮蒸製熱辣辣!當中灌湯餃及蝦多士令我印象難忘。😋灌湯餃一籠有兩隻,用一個非常特別的器具盛載每一隻灌湯餃,體積比我想像之中大得很!餃皮很薄,一咬下去肉汁爆出來,而且餡料豐富,用上半肥瘦豬肉,湯底吃得出花了一段長時間淆制,一籠才30多元算是皮薄餡靚,物超所值!👍🏻蝦多士是必食推介,酒樓掛上了由某雜誌頒發的奬狀,這個蝦多士就是得奬菜式一份有八隻,每件也不少,酒樓毫不吝嗇用上體積較大的新鮮蝦,蝦肉彈牙,雖然是油炸食物卻不會很油膩,奉上酸酸甜甜沙律醬,夏天吃這個會是很開胃🌞雖然酒樓裝修比較殘舊,相信已經有一段歷史,但職員態度以及菜式質素也非常有質素,我會再來的!😆

記得細細個嘅時候成日都會跟嫲嫲同佢D朋友嚟鳳城飲茶, 由於去得太多, 同D伙計熟到不得了, 基本上已有張長枱恭候, 無他嘅, 好多時去飲茶都會叫「例湯」(別以為例湯係一般嘅老火湯, 其實係叫緊「雞燉翅」, 諗起都覺得好誇張)同埋我最愛嘅灌湯餃, 而當時年少無知嘅我就最鍾意睇住部點心升降機, 成日都幻想自己爬咗入去會點自從嫲嫲走了之後, 雖然日日都經過鳳城, 偶然亦會撞到由細睇到我大的郷里伙計, 但係都已有多年沒去飲茶, 今日再次踏進鳳城去飲茶, 嗰種久違嘅味道, 真係令我百感交集.......熟悉的伙計只剩一人, 但味道卻依舊令人回味!嚟到鳳城, 識飲嘅一定飲普洱, 第一樣畫嘅點心梗係我至愛嘅灌湯餃($29/2隻), 出面而經好少酒樓整呢款傳統灌湯餃, 雖然個皮厚咗少少, 但係入面嘅料係好足, 湯汁會爆晒出嚟, 記得要加少少醋吊番D味呀, 咁就食到lam lam 利!!!再嚟嘅就係爽肚, 大碟到呢.......樣靚味道正, 而且一D都唔靭!!個燸米雞成個荷葉飯咁嘅size, 入面又多料(雞, 燒肉, 冬菇......), 如果一個人嚟, 食完已經走得...生腸係另一必食推介, 好爽脆~

為咗傳統老舖嘅灌湯餃黎 中午時間 要搭枱先黎 叉燒腸粉 用帶少少燶嘅叉燒 加埋一碗豉油 好味道四寶雞扎 用了豬肚豬皮魚肚芋頭 很好炸韮菜餃 很多韮菜蝦肉 新鮮好味道 爸爸嘅心頭好 灌湯餃入面有香菇,鮮蝦肉,少少帶子 幾特別湯有d滐 食一隻就夠na

今日星期六唔洗番工, 突然好掛住鳳城的灌湯餃, 就孝順一下爸媽, 請佢地陪我一齊去回味下.每次到一D 酒樓望到點心紙, 如果有灌湯餃的話都會試下, 睇下出面的可唔可以同呢間老字號既鳳城酒家比併下, 暫時... 都係覺得鳳城灌湯餃最有風味.由於呢度冇下午茶時段優惠, 我中午12.30左右到(避開1.00星期六放工時間), 搵位都唔算難.

约了奶奶，啊姨同姨丈在凤城饮茶。好彩老公有打电话定抬，所以不用等好久就有位。老公同我对旧式灌湯餃都情有独钟，而凤城是少有做这款点心的酒楼了。所以来到这里一定会叫这款点心。仲有叫左其它点心：上汤炸粉果，爽肚，叉烧包，鲜竹卷，蛋挞仔同煎肠粉。我们也叫了一份“凤城”炒饭。炒饭同点心都好味，不过我要特别提的是灌湯餃。现在真是无麽酒楼做这款点心啦！可能因为工多吧，就算有，也不容易做的好味喔！第一笼灌湯餃到时，我同我老公一人拿一个。我好好彩！拿到个好多湯汁的！老公那个就无那么多湯汁啦。我们都了解因为真是吾容易做（至$12一个，无得嫌），好容易过程中一吾小心就穿（由包-> 蒸-> 上菜-> 蒸笼拿到碗）。所以我们又再叫多一笼，而这次，两只饺都好多湯汁！仲要提到，这里的灌湯餃的湯汁无一块块Jelly 状的物体（外面有些酒楼加了好多Jelly粉，令到整个灌湯餃都是Jelly，吾是汤）。就算来这里只是食灌湯餃都值得走这一趟。

睇完網友推介後，先知道原來我有好多野都未試過，今次就叫Ｄ完全唔同的點心～灌湯餃：即使係早餐時段，灌湯餃都要$22，唔特價，原來係用最傳統的做法做的！用個鐵托托住，唔係用水浸住，係包住水，有Ｄ似港式小籠包呀！水唔多，但係包皮幾實，唔會漏水，內面Ｄ肉好新鮮，無怪味，仲有好多蝦添呀！好好味！但係$22兩隻真係有少少貴，我諗都係試一次算喇百花釀魚肚：魚肚好老，好乾好韌，百花係墨魚丸，幾彈牙，但係同魚肚無乜關係咁，係鳳城最難食的點心糯米雞：唔係珍珠雞，係大大隻的，好多餡呢，有成舊叉燒同雞翼，好好味，飯有荷香，黏身唔乾，好好味！蓮蓉包：除左蓮香外，最好味的蓮蓉包！餡好滑，唔會甜到漏，有成半個蛋黃，食一個就好滿足喇！馬拉糕：我覺得唔特別好食，好乾身，無乜味，只係食黎懷下舊，因為好耐無見過原個大馬拉糕喇！蝦餃：好大件，原隻蝦，又新鮮，無怪味，皮薄之餘又彈牙，係咁多茶樓之中最味的蝦餃！唔想去蓮香同人迫個陣近近地去鳳城都係一個唔錯的選擇架！伙計都係有Ｄ寸，但係比蓮香客氣好多，只係會成日話＂我唔知喎＂同掛住睇股票心不在焉姐！