新麻蒲 BBQ (新都會廣場) (已結業)

同朋友約係葵芳食嘢，因為同行有小朋友，想找一個坐得舒服一點的地方，小朋友家長提議去麻蒲，所以去試下。12點去到門口發現無咩人，再睇先知佢開12點午市套餐meun, 這個價錢包埋飲品OK一坐低就送上4"小"碟。一D都唔小，好大方。海帶那一碟好好味。烤秘制牛肉$82下面有韓式粉絲，清清地，有很多洋蔥同大蔥，加上烤牛肉小許甜味，整體不錯。海鮮嫩豆腐鍋$82看著很紅。但伴飯不算辣，內面有蝦有蛤等海鮮，加上豆腐、東菇、瓜等食材，很豐富，但調味我覺得差了一點。火山芝士泡菜炒飯 $92今天最不受歡迎的一道，芝士上來時己經不太溶。蛋太老了泡菜飯也淡了一點，不會再叫。石鍋伴飯(章魚)$92伴飯的大醬太好味了，拌飯時怕太辣沒有全拌。剩下的我拿了去拌那道沒人食的泡菜炒飯

之前聽朋友講話新麻蒲個Lunch好抵食，一直都想試下，但每次唔係早得濟未開，就係超多人喺門口等位，都無一次食到。今日同母親大人出葵芳買野，可能時間尚早門口既然無人等，即刻要試下。可能啱啱開門，門口無人帶位，要等一陣先有侍應見到我地出黎帶位。需然得兩個人，但安排左4人枱比我地，相當闊落。我叫左火山芝士泡菜炒飯加石榴果醋，媽媽叫左韓式豬肉餃子刀削麵加熱柚子茶，飲品先到，石榴果醋飲落個甜多過酸，唔係好似果醋，柚子茶正常。落好單侍應就放低左4碟前菜，有泡菜、芽菜、青瓜同西蘭花。除左西蘭花好難食，其他都正常。好快野食都黎，個炒飯超多，應該有兩碗飯。雖然係泡菜炒飯，但唔係好辣，飯面有芝士，都幾好食。旁邊個蛋超好味，入面都有芝士。個餃子刀削麵啲餸都有幾多蜆，有兩隻餃子，仲有啲好似係油豆腐，不過餃子就煮耐左，一夾就散，反而個麵幾好食，質感似烏冬，幾有咬口，個湯麵都幾好味，好香胡椒同麻油味。兩個餐都好大份，好努力咁食晒個刀削麵，但個飯就食唔晒，認真大件夾抵食。