影片
更多
2024-04-18
1597 瀏覽
宮崎駿嘅動畫可以講喺陪伴我哋長大，我個人就較喜歡佢早期嘅作品，例如：「天空之城」、「風之谷」，至於「千與千尋」都覺得喺一齣幾特別嘅作品。最近偶然睇到食友晌「和道屋」嘅食評，見到竟然有個1:1嘅「無面男」坐鎮，加上餐廳嘅裝修和風感十足，絕對可以嚟一趟偽日本之旅美食篇。雖然餐廳設喺二樓，但地下入口嘅長長走廊，已經極具打卡感，「無面男」就坐咗喺度等大家同佢打卡，加上天花嘅燈籠，真喺話俾人聽去咗日本絕對會相信囉。拾級以上，都仲未正式入到餐廳，極具和風嘅彩繪，以及 一串串嘅燈籠，又喺另一個打卡位。走進餐廳嘅用餐區，地方都幾大，除了有多張散枱之外，最入面仲有三組仿榻榻米座位，較自成一角。一室木系嘅裝修，加上牆上貼咗唔少昭和年代嘅海報，配合埋昏暗嘅燈光，感覺更似去咗一趟日本，非常有氣氛。櫈底下都設有小布籃，等客人方便擺袋、背包，都喺少少貼心嘅安排。作為居酒屋定位，自然刺身、壽司、串燒、浜燒、燒物、石燒料理、鍋物、一品料理……等等一應俱全，餐牌一整大本圖文並茂，不過，有啲難影，所以，就無影出嚟俾大家參考。而我哋就試咗一個「海膽ｘ和牛二人前」（$1,288），一共有7道菜，有齊好多餐廳嘅招牌菜式，當中4
雖然餐廳設喺二樓，但地下入口嘅長長走廊，已經極具打卡感，「無面男」就坐咗喺度等大家同佢打卡，加上天花嘅燈籠，真喺話俾人聽去咗日本絕對會相信囉。
拾級以上，都仲未正式入到餐廳，極具和風嘅彩繪，以及 一串串嘅燈籠，又喺另一個打卡位。
走進餐廳嘅用餐區，地方都幾大，除了有多張散枱之外，最入面仲有三組仿榻榻米座位，較自成一角。一室木系嘅裝修，加上牆上貼咗唔少昭和年代嘅海報，配合埋昏暗嘅燈光，感覺更似去咗一趟日本，非常有氣氛。
櫈底下都設有小布籃，等客人方便擺袋、背包，都喺少少貼心嘅安排。
作為居酒屋定位，自然刺身、壽司、串燒、浜燒、燒物、石燒料理、鍋物、一品料理……等等一應俱全，餐牌一整大本圖文並茂，不過，有啲難影，所以，就無影出嚟俾大家參考。而我哋就試咗一個「海膽ｘ和牛二人前」（$1,288），一共有7道菜，有齊好多餐廳嘅招牌菜式，當中4款有海膽元素，夠晒膽「式」過人。
此外，仲有幾好幾款套餐，例如：A4和牛壽喜燒、無限定特選套餐，計起嚟點都划算過散點嘅。
芒果蟹籽沙律雖然沙律面頭唧滿沙律醬，但都睇到有好多蟹米，沙律以青瓜絲、白蘿蔔絲及芒果作為組合，食起嚟非常清爽，加上啲芒果好清甜，確喺一道幾開胃嘅前菜。
海膽甜蝦刺身杯喺店家嘅新產品，單點要$198/杯，個套餐仲喺包兩杯，一人食晒一杯，唔使「些牙」。以雞尾酒杯盛載，一排排牡丹蝦整齊排列，加上海膽、黑魚籽，喺賣相上十分華麗，極具視覺效果，將3者一齊放入口，口感複雜，味道紛陳，並且散發出多重鮮味，實在好有驚喜。
海膽甜蝦刺身杯
4 瀏覽
0 讚好
0 留言
初頭見過菜名寫住和牛「他他」，以為將和牛刴成蓉，原來都唔喺，喺切成厚厚一片片，再經火炙，面頭就灑咗啲金蒜、蔥粒同甘筍蓉，賣相精緻，而和牛火炙過，更富油香，食落口感嫩滑；底下嘅生洋蔥沾滿酸醋汁，正好用作間場，清清味蕾之效。
火炙和牛他他
4 瀏覽
0 讚好
0 留言
千層塔顧名思義，就喺一層疊一層，亮點喺海膽多、拖羅蓉多、三文魚籽又多，令到色澤亮麗，未食已興奮呀！附有紫菜片，食法喺以紫菜夾住啲日本米及各款餡料好似手卷咁一齊食，紫菜好脆口，啲餡料晌口腔鮮味大爆發，加上以赤醋調好味嘅飯粒，口感黏糯，實在幸福感滿載。
海膽拖羅千層塔
4 瀏覽
0 讚好
0 留言
火灸和牛海膽卷呢道菜嘅和牛就切得比較再薄身少少，方便捲起啲米飯，同樣輕輕火炙，令油脂香更突出，面頭放咗幾瓣海膽，將整件和牛海膽卷一啖過放入口
，慢慢細嚼，和牛嘅油香、肉味，與海膽嘅豐腴感，相互交織，真喺「脂」味無窮。
火灸和牛海膽卷
25 瀏覽
0 讚好
0 留言
海膽 X 黃金蟹膏烏冬怕你唔夠飽，最尾嚟一小碗黃金烏冬，黃色嘅烏冬喺因為加入蟹膏去處，蟹膏汁掛滿晒每一條烏冬，單喺淨食烏冬已經好好味，再加上海膽嘅加持，令到啲烏冬更具奢華感。
海膽ｘ黃金蟹膏烏冬
13 瀏覽
0 讚好
0 留言
芝麻、綠茶雪糕你都未食 當然係甜品時間 雖然簡簡單單嘅 芝麻雪糕綠茶雪糕，但啲雪糕嘅質素唔錯，除咗本身嘅芝麻同綠茶味夠突出之外，亦甚富奶香，質感挺身而軟滑。
有朋友晌附近做嘢，所以，就專登問店員攞個午餐餐牌，睇睇午市定食喺點，睇落又幾划算喎，有機會再嚟試試先。
唔好睇啲菜式好似細細粉，食晒之後其實都幾飽吓，加上呢度環境幾舒服，滿滿日本風情，招呼又夠熨貼，店員有禮，令到整晚嘅用餐體驗都非常之好，值得推介。
張貼
