金蘭花泰國菜 (已結業)

好耐無食泰國菜今日黎食返個泰菜lunch~~呢間金蘭花係要行上樓梯嘅分左邊同右邊兩間房坐得比較逼但地方尚算乾淨首先黎嘅係菠蘿炒飯普通因為最基本嘅溫度都冇微暖,食落去唔係熱辣辣感覺已經差好遠然後係冬蔭公叫左細size我超級唔食得辣都覺得一d辣都無我諗對享受冬蔭公辣味嘅人黎講呢個都幾無癮糯米飯雞翼無骨雞翼 釀入糯米飯呢個真心好食最重要係熱辣辣雞肉好嫩滑多汁豬肉炒金邊粉不過不失嘅金邊粉乾身, 偏酸最後係馬拉盞通菜呢個對我黎講非常非常辣每條通菜都掛住好多辣椒籽辣度係冬蔭公嘅10倍順帶一提openrice book定嘅話可享有九折優惠

一班人去食泰國菜, 唔駛一定要去九龍城, 友人介紹呢間由泰國人主理既上樓私房菜, 名字同九龍城其中一間泰菜館同名, 唔知有無關係架呢?!店內裝飾環境普通, 肚餓指數高, 快打開餐牌點食物, 食物選擇都唔少, 一班餓鬼叫左以下食物 :先叫個柚子沙律開下胃先, 柚子粒粒分明, 味道酸甜又爆汁, 配埋腰果一齊食, 口感特別炒金邊粉又係唔少得, 份量頗大碟, 味道調教得幾好, 炒得幾乾身, 食落唔會一口油, 撈埋花生碎一齊食仲香口泰式炸蠔餅第一次食, 有別於潮式蠔餅, 講到尾其實係炸蠔仔, 熱辣辣上碟, 炸得外香內軟, 炸醬唔厚, 好易食到蠔仔味, 用黎送啤酒就一流食泰菜又點少得咖哩類, 唔想食咁多肉, 轉食咖喱大蝦, 每一人隻確實夠大隻, 肉質幾彈牙, 個咖喱汁一D都唔辣, 配以青椒洋蔥調下味, 用黎送白飯/薄餅就一流!菜方面就炒碟通菜, 通菜幾嫩無渣, 味道唔錯甜品就係呢個賣相相當吸引既南瓜燉蛋, 四個字形容: 香滑綿甜, 食到南瓜既香甜味, 兩者混埋真係超好味, 誠意推介

食得私房菜，一定先訂位；無需等位，立刻入座。是日一家之煮生日，大家放棄中菜，向泰國出發。店子裝修並不豪華，需要行兩條樓梯便到，小店在二樓，無論如何從地下到一樓的三十多級樓梯是無法被免的。　　　柚子沙律：味道清新　　活蝦刺身：鮮甜彈牙 **記得預訂**　　泰式炸豬手：皮脆唔膩  **記得預訂**　　　冬陰功湯：料多，怕辣都飲到　　　泰式炒椰菜苗：出面比較少食，味道一流　　　　　　臭草煎蛋：本人不太喜歡那種味道，其他人叫好　　　　　　泰國燒雞／炒金邊粉／炸春卷／炸蝦餅：正常泰國餐廳的水準　　蝦醬炒飯：飽都要食多一碗　生日蛋糕（芒果糯米飯）：有心思，不太甜，很香　　　　黃咖哩炒肉蟹：黃咖哩做得非常好，可惜蟹是曾經生猛過，另整碟餸有所失息

興趣班的老師和同學都很有心，記得我們幾位九月生日，電郵約大家出來食餐飯慶祝，結果有五位出席，出席率偏低，証明香港地搵食艱難，不輕易可以騰空出來吃飯。人多好做作，人少也有好處，大家可以多些分享近況，還有可以去一些好味而座位不多的餐廳，「金蘭花」便是這一類餐廳。雖然是在大街，但無招牌無廣告，地點又在二樓，若不在意是很難發現其存在，陳設十分簡單，有些「家」的感覺，得幾張檯，些少海報，有幾位泰籍員工打理。點菜方面由喜愛泰式食品的同學負責，但我事先聲明了不要太辣，因為太辣會引致我身心不適和情緒不安，同學敬老，所以菜式大部份都不辣。我們點了：咖喱蟹 單看蟹鉗的大小像嬰兒的拳頭，已知這隻蟹頗大隻，很多肉，肉味鮮甜，咖喱汁不是很辣，沒有蓋過蟹的鮮味，汁醬稠稀適中，用薄餅醮點來吃，無以尚之。泰式青芒果沙律 我不喜吃芒果，沒有吃，據聞頗辣。泰式燒雞 是要預訂的菜式，用了泰國香料醃好來燒，雞肉雖不似廣東燒雞般滑，但絕不粗糙，好味。炒雜菜 有椰菜，青椒，露筍等，夠鍋氣，味道不錯。炒豬肉金邊粉 有肉絲，芽菜，蛋絲，花生碎等，可加青檸汁調味，酸咪咪，幾開胃。薄餅 剛烘好，熱辣辣，用來點咖喱蟹的汁，最正