Bistronomique

營業中

休息中

上次過堅尼地城食飯是大約一個月前，當時發現這裏有很多西餐廳，午市不算太貴，但近海邊，景觀一流，今天帶老婆去了Bistronomique，正是在海旁邊，望向海的另一邊是昂船洲及青馬橋，今日天氣晴朗，景觀清晰。餐廳裏面仲座位舒適寬敞，假日客人比較多，有點嘈。我點了午餐的炭燒西班牙黑毛豬肋骨。侍應先上了麵包，麵包是法包，烘得很脆，上枱前應是叮過，所以熱熱地，塗上牛油後很香口。前菜是香煎魷魚配西班牙辣肉腸，魷魚新鮮爽脆，有海鮮鮮甜味道，加上辣肉腸的咸味及辣味混合一起，有咸鮮的味道，前菜來說比較特別。主菜的豬肋骨有三條骨，配上炒雜菜及原個焗薯仔。豬肋骨焗得熟透，一切即刻骨肉分離，豬肋骨醃得很入味，bbq醬料帶點甜味，但不會太咸。炒雜菜是椰菜及雜菌，很腍還有點牛油香；而焗薯是連皮原個焗，香甜軟腍。最後餐飲是熱咖啡，咖啡很香，但花奶太稀，是用傳統的方庶糖，所以不會太甜。總結：食物味道不錯，價錢在該區不算貴，仲可以望下海景，舒舒服服又過了一個假期。

星期六同老公到西環探朋友，之後到海邊散步發現西環變化好大，已經開設左好多西餐廳，我地見到一間對正海邊好別緻嘅西餐，就決定進去享受悠閒時光。餐廳佈置簡單舒適，有上下兩層，下層是落地玻璃可以望向大海，而且有戶外座位可以選擇，好有渡假感覺。主餐牌午餐選擇種多而且價格合理餐包烘得香脆塗上厚厚牛油好味核桃沙律配藜麥職員推介的沙律，沙律好新鮮，配上藜麥同吃感覺非常健康。之前吃藜麥都係少量混於沙律中，今次單獨吃藜麥口感好特別，細細粒淋淋地好易入口。辣肉腸炒魷魚配意大利黑醋魷魚用了意大利黑醋調味，入口甜中帶點酸，好清新，口感軟腍中有彈性。辣肉腸有鹹香微辣而不會死鹹。整體配搭很醒胃，讚！炭燒西班牙黑毛豬肋骨豬肋骨肉厚嫩滑，切開還有肉汁滲出，烤豬肋骨的醬汁味道酸甜惹味，而薯蓉製作出色充滿牛油香味，並且非常軟滑，一口一口好快便吃掉，蔬菜烤得帶有微微炭焦味，很好吃。阿拉斯加蟹肉扁意粉蟹肉份量多而且加了爽口彈牙的煙肉作配搭口感很豐富，每條意粉都能掛上香濃的海鮮醬汁，意粉彈牙可口。餐飲後還送上朱古力作甜點，餐廳安排很貼心。

老婆姐妹上星期誕下小女兒，我同老婆昨天係日本返到，今朝一早就去堅尼地城她家探望。雖然老婆姐妹的小女兒仍在醫院未能見到，但老婆同佢姐妹都傾足一個早上。到了中午食飯時間，由於老婆姐妹不方便外出用餐，所以我同老婆就離開左，兩個出去搵地方撐枱腳，老婆姐妹介紹佢屋企附近一間法式西餐廳俾我地，既然係地膽推介，我地當然要去試試啦。😆老婆姐妹介紹呢間Bistronomique正正位於海邊，有兩層，我地坐係地下室內果一層，可以對住全海景用餐，非常舒服。😎餐廳裝修以簡約為主，用色簡單自然，牆上的掛畫都幾有格調。餐廳星期六、日都有提供SET LUNCH，價錢由$128蟹肉意粉至最貴$188的安格斯牛扒，已包括餐包、前菜 / 餐湯、主菜同餐飲，價錢唔算貴。餐包是可以添食的，表層好香脆，味道唔錯。我地其中一份前菜係核桃沙律伴藜麥，呢個配搭我都係第一次試，味道都幾配，沙律好新鮮而且藜麥有咬勁入口好清新，食呢個前菜感覺好健康。😙另一款前菜香煎魷魚配西班牙辣肉腸比較惹味，魷魚非常軟腍而且好入味，辣肉腸味道適中，唔會太咸，呢款前菜好有西班牙TAPAS的感覺。份量都幾多，食完餐包同前菜都飽左幾成。😆主菜點左老婆最愛的炭燒