公車泰國餐廳

營業中

休息中

今日夜晚book咗7:30枱，呢間餐廳嘅位置好方便，另一半想食泰國菜。餐廳裝飾很漂亮，門口有兩個泰國人像擺設。卡位比較多坐得比較舒服。餐牌亦有不少選擇。我比較喜歡冬陰功湯於是點了二人份冬陰海鮮湯，湯裏面有蝦，青口同魷魚，湯頭甜甜酸酸好開胃，份量都好多，每人最少有兩碗，而且上菜時容器有燃料點燃保持食物的熱度，湯面仲會繼續冒泡泡飲個熱係熱辣辣既，呢點讚~此外我地叫左一份泰式干炒海鮮河，裝碟好有趣，個碟係有一方傾斜對住客人，好合適打卡影相最重要的是~有鑊氣~有鑊氣~有鑊氣啊!!!重要的野要講三次~呢碟野真係有鑊氣!配料的海鮮餐廳都捨得落本海鮮都夾左好多舊蝦都好大隻，唔係炒飯個種細細粒個啲，非常滿足我地都好鐘意食炸物，於是叫左份炸蝦餅併炸魚餅，蝦餅同魚餅都係餐廳手工整的唔係現成貨炸出黎，蝦餅都幾彈牙，外面層衣都炸得好香。魚餅裡面有我喜歡的香茅顆粒同香蔥粒，所以食落去消除左炸物個種油膩感，愈食愈想食輪到泰國菜必食的明爐烏頭魚喇~同冬蔭功湯一樣上菜時都有燃料燒著的，所以魚肉同湯都係熱。餐點配埋泰式甜酸醬意外地幾夾湯底係泰式菜個種酸味比較重的口味，呢個湯唔辣所以都合適啲唔太食辣的朋友，魚係成條上所以

去元朗行山，行完下午茶時間，去了落車附近的公車泰國菜食下午茶。餐廳環境不錯，燈光充足，座位闊落，全部梳化卡位，坐得舒服。下午人唔多，我們四個人坐六人坐。下午茶時間有148元套餐，有兩個菜和飲品，好抵！店員說星期一至日都都得食，真係元朗睇完紅葉下午茶首選。***下午茶套餐（148元）--燒豬頸肉 --冬陰功大頭蝦湯 --泰國奶茶--泰國姜汁奶茶--肉碎生菜包(套餐加58元) 午市快餐（55元）--東波肉飯--青檸冰單點：--炸蝦餅88 --炸醬炒通菜 68 --薄餅42豬頸肉豬頸肉切得比較厚身，有口感，炭燒味道唔錯。冬陰功大蝦湯濃郁冬陰功味道，大頭蝦的蝦頭好大隻，多膏。肉碎生菜包清爽感覺，但碎肉分量比生菜多，有剩。東坡肉飯肉炆得嫩，肉汁送飯正！炸蝦餅我的最愛，蝦肉彈牙，好味！蝦醬炒通菜蝦醬濃郁，非常惹味，送飯一流。泰式薑汁奶茶有淡淡薑汁味，濃郁奶味，唔錯。

今日到元朗等朋友放工，佢推介呢間好食既泰國菜館。門口已經有好多泰式嘅擺設，就好似去咗泰國咁，餐廳嘅裝修以綠色車架坐椅為主。呢度串燒（豬、和牛、雞）燒得好惹味，入口嫩滑，配上它的沙爹醬汁，味道香濃惹味，層次豐富。至於和牛串好有新意，伴上特色醬汁，啱曬我口味。炸蝦餅炸出黎熱辣辣，肉質豐厚又彈牙確實唔錯。泰式炒金邊粉材料有鮮蝦，炒蛋，雞肉等等。金邊粉呈好看的橙紅色，好夠鑊氣，一上枱熱辣辣香噴噴， 滴幾滴青檸汁，更為清新惹味。每口酸酸甜甜。泰式香茅豬扒湯河湯底就比較清淡有少許葱花。碎上香茅豬扒都幾多件，外皮脆有咬口。令整個賣相吸引。

自己本身好鍾意泰國 旅行遊泰 又暫停 相當掛住泰國的食物 一於食番個泰式午餐 踏入餐廳 已經感覺到泰國風味 水吧位置裝修到跟泰國的餐廳好相似 正宗的泰菜原味道先來串燒 燒雞肉串 雞肉剛剛好 沙爹醬花生味香濃 燒豬肉串 豬肉唔會太老 好香口惹味 推介之一 泰式火車炒飯 飯炒得粒粒分明 材料有雞肉 加上菜粒中和 味道亦剛剛好 熱辣辣 好出色 炸蝦餅 彈彈彈牙 炸得外脆肉嫩 金黃色的外表夠香脆，蝦餅口感彈牙配上甜酸醬味道外皮完美演繹泰奶茶 完全推番了自己對香港冲泰式奶茶唔好飲的啟法 呢度沖得好有泰式奶茶味

泰式串燒(雞肉豬肉)每串$18，泰式沙嗲醬好惹味，花生味亦好濃郁，而串燒豬肉同雞肉用香茅充分醃製後非常入味，肉質都唔會燒得太乾，依然鮮嫩多汁。炸蝦餅好彈牙，配上泰式辣醬係唔錯嘅泰式小食。泰式炒粉絲炒得夠乾身亦都夠鑊氣，配上大量嘅碎豬肉，少量嘅酸酸甜甜，越食就越滋味。泰式海鮮濕炒河賣相十分吸引，而用豆粉製成嘅芡汁濃稠度岩岩好，河粉炒得微焦軟熟，鹹味適中，同芡汁搭配得宜，海鮮份量都算多，青口同蝦都係大大隻。最後仲叫左杯好有泰國風味既香茅冰解渴添

星期日探完老爺要放假唔煮飯🤣🤣同老公出去搵食，行過見到哩間泰國嘢好似同之前唔同咗，一於入去做一晚泰國人先😌😌餐廳都好多卡座，仲有2人或4人揀，啱哂鍾意有自己空間嘅我哋😍😍登記完揀咗張4人枱梳乎下🤓🤓我哋今日唔係好餓，決定今次唔叫粉麵飯果啲喇，下次再嚟我會叫最愛嘅泰式金邊粉😍😍老公一聽到我話食泰國嘢就話要叫冬蔭公湯，我唔係好食到太辣所以迫老公叫咗哩個微辣冬蔭大頭蝦湯，濃郁好味仲食到蝦頭有好香嘅蝦膏，正😍😍叫咗我哋最鍾意嘅炸蝦餅拼春卷，個蝦餅好好食呀！春卷唔油膩，炸得好好👍🏾👍🏾老公話要食泰式豬手，豬手燘得好淋好入味，不過個汁我自己就唔太好了，可能因為太酸我唔鍾意，不過食多咗肉加啲酸汁係可以去油膩嘅😌😌馬拉盞炒菜係食泰菜必叫嘅餸，有椰菜苗我就一定揀椰菜苗架😍😍好惹味呀🤩🤩佢用virjoy盒裝紙巾同我屋企一樣，搞到我有種在家嘅錯覺🤣🤣