一生懸麵

營業中

休息中

旺角嘅拉麵呢間都算係數一數二，所以6點之後就勁多人排隊，建議如果大家想食就唔想排隊就要六點前過嚟啦。推介大家食嘅係花生雪糕拉麵，雖然聽落去大家會覺得有啲古怪，但係其實佢係爆紅嘅菜式，香港來講除咗呢間暫時諗唔到第二間花生雪糕夏天食好解暑，用落個湯底都係會令到佢更加滑溜濃郁，湯底本身都係好好味嘅豬骨湯，配有少少辣釣返個味😋重點係佢塊叉燒真係好驚人，勁厚勁大！但佢又唔會係唔入味同埋有臭味嗰種，一樣都係燒得好香好好食🤤跟住我朋友就叫咗個辣味拉麵，啲麵都係好彈牙，湯底濃郁，呢碗麵既叉燒都好正，肥瘦適中，有用火炙燒過，油香四溢～ 呢度既唐心蛋都好好食！好滑好入味～小食我哋就推薦章魚小丸子同埋唐揚炸雞❤️🙆🏻‍♀️

終於得閒嚟呢間人氣勁高嘅拉麵店，平日嘅2點嚟到都要等大概15分鐘柚子沾麵 ($100)叉燒肥瘦適中，仲有啲焦香；湯底好有柚子味，酸酸鹹鹹咁，好開胃櫻花蝦沾麵 ($105)真係好誇張，啲櫻花蝦鋪滿晒成個碗，而且沾麵嘅份量都好大，好似食極都仲有咁！湯有好濃郁嘅蝦味，食完之後飽晒！唐揚炸雞 ($32)即叫即炸，超級熱辣辣，而且炸得外脆內juicy，每件都好大塊，必食！雞軟骨棒 ($28)好厚肉，仲有好多雞軟骨粒，口感非常豐富真係超級抵食又好味，怪不得經常性要排隊！

本身bookmark左好耐，見到好多人都有唔錯既評價，終於得閒去試下。叫左一個白湯豚骨拉麵同一個特濃豚骨沾麵。一上台熱辣辣，湯底都好滑，但唔算濃厚，拉麵偏幼身，叉燒有炭香味，都幾大碗，又有唔少配料沾麵就比較遜色，個一黎湯唔夠熱，二黎冇拉麵咁重既豚骨味，同埋隻蛋切得有啲差又冇味 不過幾中意個麵底，粗身有咬口，掛湯能力都幾好。同埋我走左蔥，所以筍既份量都比拉麵多。炸雞反而有驚喜，入面好juice 好多肉汁，加左檸檬汁感覺冇咁熱氣，但得4舊，有少少貴。最後2個人都捧住個肚走，份量都唔少，但可能就唔會回頭了。