澳葡牛奶餐室

營業中

休息中

🍅芝士蕃茄豬扒飯 ＄56- 份量超多，豬扒都好大塊好厚身- 香茅豬扒煎得好香，好香香茅味，好惹味- 蕃茄醬汁酸酸甜甜好開胃- 炒飯底粒粒分明，不過可以炒得再香啲🥔炸馬介休球 $33- 估唔到呢度有正宗葡國菜食，馬介休係經鹽醃製風乾的鱈魚，類似中國嘅鹹魚- 薯仔波波炸得好香脆，外脆內軟- 味道帶啲鹹香，食到絲絲薯仔口感🥢蔥油雞扒撈丁 $45（流心煎雙蛋+＄8）- 雞扒煎到好香，好大塊好厚身- 蔥油撈丁好香又唔會太鹹- 配埋荷包蛋蛋汁更正瑞士雞翼 ＄26- 雞翼好大隻，肉質嫩滑- 瑞士汁好入味，每一隻都好有光澤🥧葡撻 $12- 葡撻外皮酥脆，有焦糖香味- 餡料香甜creamy🍼凍正宗雙皮奶 $26- 口感香滑creamy，入口即溶- 超香濃奶香味🥛熱杏汁雙皮奶 ＄ 28- 奶味同杏仁味嘅平衡不錯- 熱食比凍食奶味會更香濃，口感會更香滑冰鎮奶茶 - 套餐+$12轉特飲- 奶茶奶味同茶味平衡非常好- 口感香滑，味道香醇🍵宇治金時鮮奶 - 層次好靚💚🤍❤️- 紅豆味好突出，粒粒紅豆，抹茶味同奶香味比較淡整體來講，食物款式選擇多，大件夾抵食；環境乾淨衛生，比一般茶餐廳同冰室更新式企理；上菜速度快，服

出左消費券當然要對自己好啲另一半又想買新game出左黃金行順便係附近搵嘢食見到呢間寫住有葡撻雙皮奶食咁吸引一於入去試吓🤤🌟吉列豬扒牛乳蛋蓋飯配燒汁一上菜俾嗰份量嚇親😂目測差唔多有2碗飯除咗飯多餸多燒汁都多👍🏻食到尾都仲有豬扒餸飯🌟蔥油豬扒撈丁加流心雙蛋佢哋嘅蔥油除咗香蔥仲有蔥頭🤤所以味道特別香濃蔥油撈丁識食嘅一定要加太陽蛋！Creamy蛋黃加埋勁香嘅蔥油真係冇得輸😎豬扒超大件 大約2隻手板大用左香茅調味 食落更惹味🌟炸馬介休球食葡國菜一定唔少得馬介休馬介休球炸到外脆內軟好似日本嘅可樂餅咁咬落去有一絲嘅魚肉同洋蔥😋非常好味🌟金沙雞翼鹹蛋雞翼真係冇乜人唔鍾意除左有好似醬咁嘅鹹蛋黃包住隻炸雞翼仲有粒粒炸蒜 啱晒鍾意食濃味嘢嘅我🤭🤭🤭🌟冰鎮奶茶奶茶茶底香濃 入口滑溜冰鎮奶茶夠凍之餘飲到尾都唔會變淡👍🏻🌟宇治金時鮮奶紅豆煮得夠腍 入口仲有少少口感綠茶味淡左少少 但整體都ok-佢哋嘅食物份量十足 無論小食定主菜都係大大件本身諗住叫甜品😂不過我哋太夜食飯葡撻已經賣晒而且我哋食完king size飯已經飽到食唔落大大碗雙皮奶下次一定要再嚟試過

未有得過大海，喺香港一樣有得過口癮（唔係手癮）大胃係指食澳門美食，想食燉奶唔一定去2順，深水埗有間都唔錯杏汁加落燉奶，呢個組合比較少見，兩種至滑食材，就算凍食，口感味道都好纏綿葡撻酥皮勁多層，層次分明，但多層到數唔嚟，所以好酥化，蛋漿都好有蛋香冇諗過茶記都會有馬介休食，都唔知幾耐冇食過價錢好似平過大胃喺澳門食𠻹，而且質感好綿綿香港都有金沙，係金沙雞翼，上面嘅鹹蛋黃好多，雞翼勁大嚿，每一啖都好豐富蔥油豬扒賣相不可抵擋，感覺自己好有眼光，肉質好嫩，蔥油另放碗邊，撈埋食好惹味食澳門嘢又點少得葡汁呢？仲要係焗牛脷飯一兜飯有好多去牛脷，開心死大胃如果想成為全場焦點，嗌冰鎮奶茶就會惹嚟檯檯驚訝嘅目光，真係威過威威由於天氣熱太口渴，飲奶茶之前都要嗌多杯忌廉鮮奶解渴，超爽呀大胃之母都飲奶，但佢飲嘅係蝶豆花味，啱晒佢個少女心

和朋友在鴨寮街買完嘢，行到去西九龍廣場附近找餐廳食飯。呢間有燉奶幾吸引。我們三個人叫了兩個飯餐和幾款小食，之後再叫甜品。整體來說價錢合理，小食質素較佳。*********🔸蔥油生炸雞髀飯（$53）+流心煎雙蛋（+$8）🔸葡汁牛脷焗飯（$66）🔸小食：金沙雞翼（$26）、炸馬介休球（$33）、香煎魚餅配馬介休（$33）🔸甜品：杏汁燉奶、薑汁撞奶（$26），葡撻（$12）🔸飲品：無糖可樂+檸檬冰底（+10），熱奶茶（+$0）**********🔸炸雞髀雖然好大隻，但炸得偏乾；蔥油雖然好夠味但太少，唔夠送曬全部白飯。若蔥粒能切得幼細些和份量多些就更好。🔸葡汁牛脷焗飯有不少牛脷，而且想當軟腍。炒飯底也炒得夠乾身。🔸金沙雞翼外皮香脆夠薄，睇到粒粒鹹蛋黃，雞肉也嫩滑。🔸炸馬介休球外脆內軟，口感creamy的同時又吃到洋蔥粒和薯仔粒。🔸香煎魚餅真係煎鯪魚肉餅，無乜特別，所配的馬介休醬似腐乳醬。甜品我們本來想叫熱的，但見店員只是攞入廚房叮熱，咁食凍的好了。可能因此味道唔係太香濃，滑度還可以。另一個朋友叫了葡撻，雖然細細件，不過酥皮層次分別，只係唔夠熱。

澳葡牛奶餐室地址: 深水埗汝州街278號地舖電話: 35681230★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`疫情前每年都會去至少一次澳門🇲🇴飲飲食食。必食馬介休、葡撻、豬扒包、雙皮奶。每次都飽到爆炸先捨得返香港。呢日同朋友講開好耐無食，佢介紹我深水埗呢間餐廳話可以幫我搵番澳門原味道。餐廳光猛企理，價錢超實惠。我地嗌好多嘢食都唔肉痛。💫巨人豬扒包配薯條（$42）煎豬扒夠juicy，真·巨人極大塊，生菜同蕃茄都好fresh，薯條食得出新鮮即炸。麵包鬆軟唔會乾爭爭。💫吉列大蝦蛋蓋飯配照燒汁（$62）好大份量一啲都唔孤寒，吉列蝦有成四隻咁多！炸到脆卜卜。蛋好滑整整蓋在飯面上，配有大量照燒汁，食到最後一啖都有汁撈飯！💫炸馬介休球（$33）馬介休球外脆內軟，表面酥炸脆口，入口咸咸香香，口感好似偏淋嘅薯蓉咁，完全係澳門食開果隻味。💫金沙雞翼（$26）沾滿咸蛋黃嘅炸雞翼，好邪惡。入口好香咸蛋黃味，雞翼肉汁豐富質地嫩滑。💫杏汁燉奶及雙皮奶（分別$28及$26 ）去澳門臨走一定係燉奶作結，呢度嘅雙皮奶奶味香濃，質感細滑。甜度剛好唔算好甜。叫

今日去咗間幾特別的「茶餐廳」，特別在於它有平時茶餐廳的選擇和價錢，仲可以食到特色葡國菜。我們是被門口雪櫃的雙皮奶吸引而入去的，環境乾淨企理，食物賣相好，食慣茶餐廳想有點改變，不妨一試。巨人豬扒包（$42）梅頭豬扒大大塊得嚟夠嫩滑，連番茄也有厚切兩片，不枉巨人稱號。葡汁牛脷焗飯（$66）葡汁香濃，稀杰度剛好。牛脷份量多，飯粒分明，值得等待15分鐘。炸馬介休球（$33）足料：薯蓉、洋蔥、鹽醃鱈魚。外層香脆，內裏軟綿還透有一點魚香味，口感creamy得來又吃到洋蔥粒和薯仔粒，非常好食。金沙雞翼（$26）這個不得了，它無平時食的金沙醬咁鹹，外皮香脆，睇到粒粒鹹蛋黃，雞肉又嫩滑，明知邪惡卻停不下來。冰鎮奶茶和美祿鮮奶（跟餐+12）奶茶正常，美祿略淡，不知何解和餐牌圖片有很大出入。薑汁撞奶（$28）、杏汁燉奶（$28）、正宗雙皮奶（$26）薑汁撞奶毫不孤寒，夠薑，可惜失敗咗，不凝固。燉奶和雙皮奶則很嫩滑，尤其杏汁有杏仁香味，更好吃。不過記得叫侍應叮耐些，夠熱才好吃。葡撻（$12）食葡式餐廳怎少得葡撻，酥皮酥脆，甜度適中，而且都幾大件，多些焦香會更好。