甜匠

營業中

休息中

踩完單車就去左呢間甜品舖到醫肚，舖頭雖然好細，但都算坐得舒服，平日下午三點食都唔使等位。我地叫左一份仲夏野莓窩夫，大概等左十幾分鐘就上菜，上到台時窩夫都仲有微熱，而且食落口都係脆口，入邊都好鬆軟，而啲cream都打得好滑，夾埋士多啤梨雪糕同暖嘅窩夫食係非常match，不過啲士多啤梨有少少酸，其他水果都okay，同埋如果cream多番少少就更加好食（都係個人口味）😂仲有烤海鹽玉米脆片個賣相好靚，有好多棉花糖喺底，上面就有充滿榛子醬嘅雪糕，啲棉花糖入口即溶，加埋啲雪糕就好正，一個冷一個熱嘅配搭，仲意食甜野嘅人值得一試👍🏻

馬鞍山一向被網民譏諷為美食沙漠，但今晚在朋友介紹下，我才知道新港城附近原來有間甜品小店「甜匠」，可算是美食沙漠的罕見清泉。小店裝潢簡約，日系木色很清新。menu圖文並茂，甜品設計精緻，款式多得看到人眼花繚亂。最後，我們決定各自點一款再交換吃。巧克力窩夫（$55）朱古力雪糕配搭鬆脆窩夫，一冷一熱在嘴裡頭交融！朱古力味道偏濃，估計是比利時口味，啱晒朱古力控！黑糖金時白玉（$50）抹茶雪糕加日本黑糖，很夾！燒白玉口感煙靭，白玉本身味道淡，要連紅豆粒、黃豆粉或抹茶雪糕一起吃才滋味！烤海鹽玉米脆片（$50）雖說有海鹽，但卻被烤棉花糖和牛奶雪糕的甜搶盡鋒頭。烤棉花糖大大粒，撕出來再沾雪糕吃，絕對是減肥人士的天敵！黑糖仙草雙圓（$40）一碗有齊芋圓、地瓜圓、仙草、紅豆粒和小丸子，口感和靭度各有特色。我最鍾意小丸子，細細粒，好咬口。各位馬友，不想清泉消失的話，就要多多幫襯小店「甜匠」，令它有財力繼續立足於美食沙漠。