第一郡

營業中

休息中

油麻地的「第一郡」主打越南菜🇻🇳一直都想來食🤩搬到樓上舖後依然很受歡迎，平日晚上也基乎滿座，人氣好厲害呢！🙌🏼✨米紙蝦卷✨越南香茅雞翼小食選擇貴精不貴多～雖然一般越南餐廳都有米紙卷，但這裡的人氣程度是會賣完的😱想食的話要早早落單🫡以香葉包裹着厚實的餡料，口感幾清爽，又可以沾上自家製花生醬而多點鹹香味👍🏼另外一款香茅雞翼也很不錯，焦香且是飽滿肉嫩。✨烤豬肉法包越式法包是其中一款重點主食🥖款式多變，但最吸引就是烤豬肉🐷法包外脆、豬肉軟腍，再加上爽口的蔬菜條，一口咬下有多種層次😋✨蟹膏蕃茄湯檬必點招牌湯檬🥢最特別是蟹膏餅，蟹味突出，亦加強了湯底的鮮味🦀另有扎肉、豬紅和蕃茄，配料豐富吸引～✨斑斕綠豆糕✨芒果糯米卷✨紫米糕、芋頭糕甜品以糕點為主，其中斑斕綠豆糕和芒果糯米卷最受歡迎，同樣是易於售罄的款式🥹斑斕綠豆糕口感好煙韌，中間夾上綠豆蓉，帶啖淡淡的斑斕香🌿而芒果糯米卷由軟糯的糯米皮卷着芒果肉，是穩陣之選🫶🏼另外亦有多款軟滑糕點選擇～✨牛油果沙冰✨紅毛榴連沙冰沙冰是最受歡迎的飲品🥤牛油果口味更是每枱客人都有點🥑口感非常濃郁但不膩！而紅毛榴連以酸甜味為主，榴連味淡，但挺開胃😉

之前成日聽人介紹油麻地呢間 第一郡 想食好耐架啦 今日終於試到啦🤩 入去坐低睇睇menu 要快快決定食咩🤣 因為最想食既斑斕綠豆糕真係隨時會賣哂！揀好就即刻用個qr code落單啦～ 米紙蝦卷配自家醬 $45食越南菜必點既米紙卷！米紙夠薄身又包得好實淨 同埋有超大隻蝦 新鮮爽口 自家醬有花生醬加左啲香蔥洋蔥炸蒜等等調味 配埋一齊好好食😋 烤豬肉湯河 $65 因為豬肉同雞肉都想試 見到有得加雞肉$10 即刻加埋落去😬 河粉好滑 湯底好香有淡淡雞湯既香味 雞肉量多 起左雞皮同骨 啖啖肉好正😬 烤豬肉會另上就唔驚比熱湯浸到淋哂 豬好入味又烤得好香口 不錯😌 蟹膏蕃茄湯檬 $65配菜有好多呀🤩 有豆卜、扎肉、生菜、豬紅超入味😇 仲有半個新鮮蕃茄 湯底甜甜地有淡淡蕃茄味 鍾意食蟹嘅我再加多左個蟹膏+$20😛 有2大塊蟹膏 食到真係有蟹肉架😋 牛油果沙冰 $35好滑好濃牛油果味 反而冇咩冰又唔會過甜 係真才實料👍🏻 凍啡 $10香濃咖啡 叫左多奶 好滑😌 烤豬肉法包 $62好貼心有得揀切開幾多份😇 我揀左開4 方便易食 烤豬好香 中間有啲辣椒調味辣得好過癮🤣 烤過既法包香脆又暖暖哋 好好食😋

第一郡由深水埗搬到油麻地，新店鄰近地鐵站，店舖空間寬闊可以容納更多座位，而且可用QR code下單，非常方便。這裡餐點價格親民，想吃美味的越南菜絕對不要錯過～🔸小食點了越南香茅雞翼和米紙蝦卷。雞翼帶點焦香很惹味而米紙蝦卷胖胖的很札實，加點自家醬沙嗲醬或魚露都很可口🔹蟹膏番茄湯檬這裡招牌之一，配料有蟹膏餅、豬紅、札肉、番茄、豆卜和生菜，湯底鮮甜，吃一口吸飽湯汁蟹膏餅表示滿足🤤🔸烤豬肉法包可以切半二人分享的烤豬肉法包～ 烘暖了的法包很酥脆。裡面有烤豬肉、青瓜絲、醃蘿蔔和芫茜等，風味十足🔹飲品點了紅毛榴槤沙冰試試，一喝發現沒有榴槤味，上網看發現紅毛榴槤又名刺果番荔枝 😆 喝起來味道比較像荔枝沙冰的。牛油果沙冰清甜順滑，非常creamy，是每次來都必點的 𖠚˗ 🔸班蘭糕圓圓綠色的賣相很治癒，班蘭糕口感煙韌，中間的綠豆蓉甜而不膩，很清新的甜品！這裡的芒果糯米糍感覺也不錯，下次可以試試

今日決定唔返工…… 吊頸都要唞氣㗎！約媽咪到第一郡食lunch先🤪其實幾年前我哋都去過深水埗間總店已經覺得味道唔錯 😋 就算排咗成個鐘 但都絕對值得👍👍👍今日分別order 左烤豬肉法包 (開2) 同 順化牛腱河粉 餡料多 法包脆卜卜 配菜新鮮 (因為唔鍾意食酸菜，所以走咗 🤭) 味道一流!!! 媽咪食咗一半已經覺得好飽 🤣 真係小鳥咁嘅胃 😅有5塊牛腱 份量夠 再加一塊扎肉 開頭見到白雪雪嘅仲以為係蘿蔔 但估唔到原來係牛筋 🤤🤤🤤 味道真係好好!!! 不過略嫌河粉淋咗啲 😕整體而言 味道真係唔錯 👍 環境寬敞咗 👍 如果路經油麻地嘅話 都會encore 😄

七點左右已經好多人排隊，檸檬汁、是拉差醬、水、斑斕水係自助形式，冇收加一服務費。嘢食種類唔多，價錢以越南餐廳嚟講屬於平，整體係幾抵食。有得叫外賣，位置方便，lunch time應該好多打工仔食。*蟹膏番茄湯檬 $65湯頭稀身，鮮味比以前深水埗舊舖遜色唔少，番茄味唔算好濃郁，檬粉又唔夠索湯。一大塊蟹膏餅、豬紅、扎肉，豬紅少失望，偏小塊又硬身，不過價錢上係好抵食。烤豬肉撈檬 $55份量合理，烤豬肉微乾身，但唔會冇肉汁，不過唔夠焦香焦脆。配料有芽菜、醃蘿蔔絲、青瓜絲，食落清爽但比較普通。烤豬肉法包 $62法包外皮烘到脆卜卜，包住烤豬肉、醃蘿蔔絲、青瓜絲、芫荽。整體感覺唔錯但唔乜特色。斑斕糕 $15上下各一層斑斕糕，煙韌帶斑斕香，中間夾椰子蓉，配搭好夾又好食。牛油果沙冰 $35牛油果味唔係好濃，感覺係用生啲嘅牛油果，清爽感多啲，唔會過膩。

從深水埗老店食咗好多年，依家搬咗我工作附近，一開就差不多隔天就去一次。雖然沒有生牛肉湯河之類，但其實主打特色嘅蕃茄蟹膏湯檬粉和順化牛肉米線都已經足夠。法包是人人所愛，夏日炎炎可以食法包也可以食撈檬。加埋牛油果沙冰完美組合。沙冰超香滑，近附奶昔但不會太甜，沒有冰粒。非常好飲。我老婆每次來都要一柸。服務態度非常好，雖然初開很多待應未熟集枱號，數碼落單的系統也有點問題，但相信日久必可以改善。依家週末已經要開始排隊了，但總比排對面的紅茶，食完背脊骨落。