白鬚旗艦店 (已結業)

回頭度🍪7.5/10｜人均消費💰~$70-120-香港都比較少見印尼菜餐廳所以就吸引咗我入去食😍文藝嘅裝修 比人舒適嘅感覺不過餐廳做到八月就唔做了🥹大家入開西貢 就記得支持吓啦-🤍白鬚牛骨湯飯 $88（學生長者優惠）牛骨湯飲落有淡淡牛味🐮都有蘿蔔嘅清甜味 撈飯一流🍚牛骨都好大舊 要用手揸住食點辣醬食就更加惹味🌶️味道🌕🌕🌕🌕🌑-🤍烤豬頸肉湯粉 $63（學生長者優惠）個湯底類似咖喱+椰汁🥥但覺得咖喱味可以再重啲同埋豬頸肉浸完湯有啲淋不過米粉幾掛湯🍜味道🌕🌕🌕🌗🌑-✨泰式魚餅（+$12）✨紫菜雞卷（+$12）魚餅香茅味幾重🐟雞卷炸得好脆 配紫菜好食😚味道🌕🌕🌕🌕🌑-整體味道🌕🌕🌕🌕🌑抵食🌕🌕🌕🌗🌑

西貢作為半個旅遊區，好多時食個”正式少少”嘅lunch都要過$100，而呢間餐廳嘅價錢就比較貼地，學生/長者仲有優惠價添🙈我要咗烤豬頸肉湯粉(學生價$63)，QR code落單可以揀要唔要辣醬，初頭以為係撈埋落碗湯度，點知原來另上，但可以跟個人口味加都唔錯👍🏻豬頸肉烤到表面濃濃地、但食落唔覺有焦香，份量都有6-7片，唔係厚切但尚算有口感、夠彈牙😉湯粉份量略為少，女仔都唔需要少麵，但至少唔會煮過龍，食落似米粉同檬粉嘅混合體😛湯底唔算好濃，反而有種幾fresh嘅感覺，尤其是底下有超多椰菜絲，好似菜底再加麵底咁，口感豐富好多😆另一碗係白鬚牛丸粉($74)，自家製牛丸好扎實、咬落有肉汁，亦都有少少牛肉香味，同米線鋪嗰啲好唔同😋最正係面頭嗰塊大大嘅脆片，好似多咗份小食咁🤣

去西貢玩可能好多人都會諗起食海鮮，但兩個人去嘅話食海鮮又太難點菜，所以都會搵下啲cafe/其他餐廳，經朋友介紹下搵到「白鬚旗艦店」，係一間食印尼嘢嘅餐廳～ 鋪頭有兩層加少少戶外位，上層好有cafe feel！仲有坐大咕臣嘅平台位，感覺可以坐一個下晝😌（最後當然無，因為難得入西貢就周圍走走～）•🥢 白鬚牛骨湯飯 $90呢個牛骨湯飯會有啲似肉骨茶，不過無咁重藥材味，湯底會清啲淡啲，但配飯都幾好食😋 而且面都仲有啲炸蒜同蔥，牛骨同牛肉食落都會淡味啲啲，但配咗一個特製嘅豉油，味道有啲啲辣～牛肉片同牛骨份量好多，有6-7片厚切牛肉同3舊牛骨，牛骨都有啲肉痴住，而啲肉唔嚡，腍得嚟又有啲咬口😛 另外仲有一嚿清甜嘅白蘿蔔👍🏻•🥢 烤豬頸肉湯粉 $72就咁睇唔太靚，因為成碗嘢都係黃色🙈 但食落係好重香料味，最突出嘅係香茅，食落有啲似咖喱同喇沙嘅混合😂 好濃郁，同牛骨湯飯好大對比～ 豬頸肉好多，而麵底睇落似米粉，但食落比較腍，兩樣都會沾滿濃濃嘅湯～

牛骨湯飯 第一啖 當然試左湯先無失望 係清清嘅牛骨湯唔會太肥膩 會放心一口接一口送飯4-5塊切得好工整嘅牛肉底浸左3大件牛骨可能係因為長時間熬煮肉質略嫌有少少靭牛味亦可能因為煲哂落湯所以無咩肉味另外 白飯粒好硬😂可能係印尼米？定煮得未夠浸湯食都無太大改善所以 精華係哂湯到加埋炸乾葱同埋葱最後食唔哂啲飯但幾乎飲哂成碗湯😂😂烤豬頸肉湯粉 Indome就食得多印尼湯粉未食過😂烤豬頸肉份量多有5-6塊薄片夾極都重有麵有啲似上海幼麵可能麵底一早煮好放落碗一夾係成餅麵湯底有喇沙嘅影子少少椰汁味

星期日中午嚟到白鬚，唔洗等位入到先發現原來有兩層今次安排到樓上就坐，有一個角落係榻榻米不過今次想坐高枱，所以冇試到榻榻米整個環境幾舒服，播純音樂同海洋片段落單係自助方式，用手機掃qr code-食物方面，好有驚喜，唔會好重口味湯粉同飯都好ok烤豬頸肉好好味，彈牙！湯同飯會分開上，特別多配料同菜蝦片好香口同有味，就算浸耐咗都好食！薯一薯，有齊薯條同薯角，熱辣辣炸起好味本身有啲調味料已經有味，亦附上茄汁兩隻味好夾

💛💛💛白鬚💛💛💛一行四人去西貢玩，回程時搵下有咩食，搵到依間餐廳，即刻打電話去book枱，好好彩有最後既四人枱。建議大家預早打電話去，因為小店得4-5張枱左右。食物款式唔多，串燒類要預早一日訂。小食款就有啲無，利申當日6點15分左右食。希望佢係生意好賣晒所以無🤤！我地嗌左四個主食加兩杯飲品。烤豬頸肉湯粉 $70豬頸肉好食，湯好好飲。佢唔係喇沙/咖哩，食得出係香料整既😍，好香椰香味。不過份量較細，男仔食會唔飽😂，女仔食應該係食個一下飽，但之後好快就餓。依啲係咪叫貴精不貴多😂。白鬚牛骨湯飯 $88牛骨好似係清湯肉，點解會話係清湯肉而唔係清湯腩，係因為佢無乜油香好清。牛肉肉質係冧，湯有陣香料味。一份肉配一碗飯，女仔食份量岩岩好，男仔食會唔夠🤧🤧。烤豬頸肉炒菜配飯 $85豬頸肉唔會燒到好乾身，食落仲有肉汁，唔錯。如果下次黎食都會再叫依個。豬頸肉上連埋炸蒜片好食！炒菜唔油，菜唔會煮到過淋！份量係四份入面最多🥳，亦係咁多份入面最好食既一份。成盤清晒！飽肚😍😍！印尼雞湯粉 $60個雞湯同豬頸肉個湯係一樣，香料湯唔係味精湯，食完唔會口渴！雞肉無咩味有啲淡口🤧。同平時出街食啲野好濃味唔同，岩啲中意食淡味

終於出咗去曬吓太陽啦 ☀️ 成個人都精神啲呀～ 一場黎到西貢，梗係要食埋嘢先走啦 🍲 我自己都估唔到我會選擇唔去咖啡店，去食印尼菜 🤭 咁當然，佢都係黃店黎架，樓上仲有個好似 tatami 咁嘅 area, 好想坐啲豆袋 cushion 呀，不過落咗水💦，唔好整污漕啦白鬚肉骨湯飯 📍$88每日數量有限嘅招牌菜! 一上枱，有啲令我諗起馬來西亞嘅肉骨茶，飲落都似，係無咗藥材味，所以，愛牛人士但又唔鍾意肉骨茶嘅藥材味，可以考慮吓呢個🥩 一碗已經好多件牛尾，落足料，牛味都好濃烤豬頸肉湯粉 📍$70豬頸肉份量都幾多，烤得好香，配埋淡淡嘅青咖哩湯底，濃味啲會更好 🤭

西貢行完山後，到西貢市中心覓食大約三點半左右，已經是別人的下午茶時間這間CAFÉ已經幾乎滿座幸好還有一樓有很多空枱想不到這間CAFÉ沒有下午茶餐牌全日供應只有四款選擇還不包餐湯、餐飲需另外以半價叫飲品更奇怪的是粉竟然要比飯的定價貴烤豬頸肉湯粉 - $64豬頸肉的份量不多，大約有六片左右，但烤得幾惹味還有黑豉油及辣醬可蘸湯底是沙嗲湯，能嗅到很濃味，但吃下又很淡味中間有大量生菜碎及芽菜，米線的份量幸好也算多印尼雞湯粉 - $58上面有大大片炸蝦片同樣有豆卜、生菜、芽菜等，雞只有幾件雞湯非常清淡白鬚牛骨湯飯 - $77個人認為是四個中最抵的一個因肉的份量非常的多，又炆得很軟唯獨湯底的味同樣地淡順便一提*星期六日及公眾假期加收10%附加費