반찬앤쿡 Banchan and Cook (屯門市廣場1期)

營業中

休息中

今日收工練箭前又約老友食晚餐，又係抱住試新野既心態黎屯市呢間睇落係食韓國野但又好西式既餐廳，都開左一段時間經過好多次都未試過，今日就一於試試。餐廳門面都望到內在環境，幾開揚，坐位擺設都幾骨置，坐得幾舒服。坐底睇下餐牌，食物款式都唔算少，主打都係韓式食物夾雜左西式cafe既風格。烤牛肉蛋包飯賣相好靚，炒蛋都有功架，上枱時份蛋係包實的，服務員會係我地面前用刀切開睇到炒蛋內裡係滑蛋黎，飯底係燒汁炒飯，用珍珠米，唔會好濕，烤牛肉就類似燒汁肥牛，呢份餐好睇又好食，真不錯。五花肉玫瑰燉飯餐牌見到覺得好靚就點呢個，上到枱果然同餐牌上既樣一樣，燉飯食落似意大利飯，餐牌提示係辣的，但我食落就無辣味，怕辣既朋友就唔洗怕啦，飯都係珍珠米，米既質地真的唔錯，吸晒汁都唔會好濕，圍圈綠色果d有少少似蔥油既配料就略油左少少，五花肉有6塊，厚身而且半肥瘦，食物水準相當唔錯。焦糖脆脆鮮奶咖啡食物單點就無套餐既，飲品就另加要正價，老友揀左呢杯焦糖脆脆鮮奶咖啡，就係鮮奶咖啡上面加左d焦糖脆，質地都滑有奶香既咖啡。整體黎講今日所點既餐質素都幾滿意，賣相好睇又好食，坐得又舒服適合聚會。

一入到去有d卡位，亦有d對走廊既位，都算坐得舒服。一坐低就有d醃蘿蔔同瓜小食係枱面，味道酸酸地同韓國個d酸蘿蔔味差唔多。青口海鮮炒年糕 $108個炒年糕醬係龍蝦湯味，甜甜，鮮鮮既味，不過不失。海鮮就有青口、帶子同蝦。海鮮有d雪藏味，但唔算煮得太老，唔會太靭。年糕既靭道都適中。明太子慢煮雞肉蛋包飯 $112明太子醬適中唔會太鹹，淋係蛋上面令蛋加添左d味道，飯係有紅蘿蔔、番茄醬、瓜炒既飯，甜甜酸酸唔會膩。另外，雞肉比想像中仲嫩d，之前仲驚佢會太硬、太鞋。士多啤梨鮮奶咖啡 $48士多啤梨係有d假既甜味，冇咩咖啡味，鮮奶味都重，唔太推薦。焦糖脆脆鮮奶咖啡 $48焦糖幾香，又真係脆脆地，都係咖啡味冇咩。總結就係可以唔駛再黎🙃。

呢間之前係東涌食過，估唔到屯門都開咗分店，放假好多人排隊，店舖空間寬敞，裝修擺設以乾花同木色條子為主調，簡約中帶清新氣息。🌹玫瑰醬燴雞腿肉蛋包飯🍛 $138- 份量超大碟，飯量同雞腿肉都好多- 雞腿肉有煎過好香，雞肉好鮮嫩- 職員會幫你切開個蛋包飯，切開嗰下好治癒☺️，滑lulu嘅滑蛋好香蛋味好creamy- 飯底係泡菜炒飯，米飯粒粒分明- 原來韓國玫瑰醬唔係玫瑰整的，其實是由番茄醬、奶油醬+/-辣椒醬混合而成，因為醬汁的顏色很像玫瑰色，所以叫玫瑰醬🧀炸芝士豬扒忌廉年糕 $105- 邪惡首選，豬扒外皮炸到好香脆，裏面有creamy 軟心芝士, 食起上嚟仲會拉絲- 年糕口感煙煙韌韌，配上Creamy忌廉汁，真係有啲飽滯😂🌹玫瑰醬無骨炸雞 🍗 $108- 賣相好靚，金黃色嘅炸雞配上芝麻同玫瑰花瓣❤️- 半份嘅份量都幾多，3-4人share都冇問題- 炸雞炸到金黃色，外皮香脆，雞肉嫩滑，重點係去晒骨，懶人恩物，味道香甜- 配菜炸薯條都炸得好香脆- 年糕炸完有啲乾海鮮煎蔥餅 $89- 有三大塊，分量充足- 海鮮材料好豐富，有蝦仁🍤，蜆肉，魷魚仔🦑，香蔥，配上特製嘅醬汁十分惹味- 煎餅略厚咗少少，