Gastrobox The Cameron (已結業)

是次用餐主要是好友生日飯，坦白說，一年見面次數不多，本來就是見個面比吃甚麼重要。不過這裏用心的服務實在讓我印象深刻，驅使我第一次打食評 環境方面，這裏確實並不大，不過感覺旺中帶靜，也算是坐得舒適，也很適合聊天的感覺。幾個女孩坐下來先顧著談天，吃點面包，也沒細閱餐牌，只是很隨意點了四人餐，剛好這個餐的甜品是火焰雪山蛋糕，也算配合生日飯這個主題。（我們其實是五個女孩子，大家都食量不大，事實這個餐份量完全夠我們吃）首先來餐湯，四人餐來四份湯之外，侍應主動附加吉碗一隻，這樣我們可以自行分配。然後是沙律，不得不說份量比想像中大，（質素就是很正常的三文魚沙律🥗）再來是意粉和意大利飯，份量是跟外邊一樣的正常一人份，兩款也都ok, 當然意大利飯不易掌握，本人吃過不少「伏」的版本，而這間我覺得是ok 的。之後就是全晚主角，牛扒 （抱歉我忘記是甚麼扒）由於我們沒預先預訂，因此餐廳說需要三十分鐘解凍時間，不過前面吃著吃著就不覺得等好久。塊扒有我塊面咁大，還有份量十足的車厘茄，小椰菜，薯角作配。但想不到是成份餐上桌是先讓我們拍照📷，然後配菜留下，牛扒就給侍應拿去切件了，完全不用自己動手。牛扒肉味/質不錯，配菜

尖沙咀嘅食肆不少，要搵一間價錢唔貴，但環境又唔錯嘅餐廳都頗花功夫，最近到訪位於金馬倫道一個商場嘅西餐廳 - Gastrobox。餐廳門面闊落，但實際面積唔算話好大。最吸引人之處就係大部分位置後面都係大玻璃，可以望到窗外情況，視野廣闊，幾加分。店內裝潢幾有格調，樓底夠高，歐式佈置加上柔和燈光、別緻嘅吊燈、擺設，幾適合情侶約會，唯一可惜係座位間嘅空間不足，相對冇咁寧靜不過值得一提係店員嘅服務好細心有禮，都算為晚餐加分不少。餐牌供應二人晚餐，亦可單點食物，例如沙律、湯、炸物、前菜、海鮮、扒類、羊仔鞍、意大利粉、意大利飯、小食、甜品。單點選擇一款主菜/意大利粉可加$68升級為套餐，包括沙律、餐湯、餐包、飲品，自由度較大。煙三文魚凱撒沙律煙三文魚卷成花形狀，賣相討好，食落都唔會過鹹。沙律菜新鮮，醬汁量適中，加上麵包脆脆，口感豐富。甘筍忌廉湯以甘筍蓉製成，並冇加上額外調味，係食材最原始嘅味道，質地唔會過稠，味道香濃。餐包裡面有啲蒜蓉香，仲有啲香料嘅味道，包身微溫，都幾好食。烤特級安格斯肉眼牛扒 $318/12安士牛扒驟眼睇都幾大塊，外面烤得幾惹味咁，比較薄身，因為我唔食太生嘅牛肉，點左七成熟，熟成

男朋友今日帶左我去食好野，去左尖沙咀食西餐。首先個門面已經好靚。入到去個環境都十分之好。係到食野感覺好舒服好悠閒，有少少似去左旅行享受嘅感覺。我都每人叫左一個set dinner，佢叫左深海星斑鵝肝魚柳卷，我就叫左大蝦黑松露野菌意大利飯。先上前菜，呢個係煙三文魚凱撒沙律。平時唔太喜歡食沙律嘅我都好鐘意食呢個。點解呢？因為佢啲菜全部都好新鮮，而且佢落汁嘅份量好適中，唔會太多太膩，又唔會太少無味。煙三文魚都頗新鮮同都幾厚，好味。唯一挑剔嘅係鹹左少少。🙈然後有我最喜歡的黑松露野菌忌廉湯，對於我呢個鐘意忌廉嘅人黎講就覺得稀左少少，不過男朋友就好鐘意。佢有好香濃嘅菇菌味，亦都有好多野菌粒，我都好喜歡。❤️連呢個麵包都要講，因為個包真係好好食。個包整得好煙韌，同埋佢落左啲香草，令成個包更加香更加好味。終於到主菜了，呢個大蝦黑松露野菌意大利飯好香。佢啲飯煮得唔算好硬又唔算太腍，加埋個汁食落真係不得了。隻大蝦都好新鮮好甜，我覺得呢個意大利飯好正。至於另一份主菜就麻麻，因為魚有少少腥，鵝肝都不錯的。份量比想像中多，所以都好夠飽。最後仲有甜品，雖然唔知咩黎，不過食落似硬左嘅牛乳布丁。唔會話好好食，不過幾特別

有朋友生日,當然要食好啲慶祝下啦,揀左呢間餐廳,因為環境幾岩傾下計又夠闊落,坐得好舒服我地一人一個dinner set前菜係煙三文魚凱撒沙律沙律份量都唔少,沙律醬好開胃菜亦好fresh,最鐘意佢啲麵包粒,脆卜卜好正湯就叫左個黑松露湯一黎到已經聞到超香既黑松露味,而入面仲有粒粒既菇幾有咬口,湯幾cramy,啖啖都係黑松露既香味朋友叫左個龍蝦湯湯比黑松露湯較濃,同咸左啲龍蝦得一隻,好珍貴呀!不過食落好爽口餐包亦都好軟熟主菜叫左烤美國安格斯T骨牛扒牛扒薄薄地,但超大塊叫左五成熟,入面都仲係粉嫩不過食落就好硬,而且牛味冇乜,有啲失望另一主菜係露筍蟹拑卡邦尼扁意粉扁意粉帶點煙韌,唔會過林,口感唔錯蟹拑幾鮮味,而露筍都幾鮮甜整體味道唔錯餐飲飲杯檸檬茶解解膩,再食甜品朱古力心太軟伴雪糕不得不讚下廚師既心機,係碟上畫左咁靚既圖案心太軟一黎到就聞到勁香朱古力味一切開朱古力就傾湧而出整體不太甜,味道唔錯唯一係心太軟濕在少少焦糖燉蛋碟上圖案又係畫得好靚,好吸睛敲碎上面既焦糖,連同下面滑嘟嘟既蛋一齊食

和朋友單獨聚舊，為了就腳和計到最抵，故多數選擇小型咖啡茶座或西餐廳。不過今個月得知立法會正式通過追收上一年至今的通漲薪金back pay，便決定和好朋友吃一餐好的。朋友提議去一些有情調，又能据扒的西餐廳享受一下，於是出動了openrice app搜尋一輪後，看到位於尖沙咀的Gastrobox相對評價較好，性價比亦高，晚餐方面每人只是二百多元，於尖沙咀昂貴地段來說，價錢合理，於是決定柴娃娃去了。餐廳的面積其實說不上很大，不過室內的裝潢用料誇張用心得完全映入眼簾。步入廳內，先有個小型酒吧在前方，接著從左手旁小路而進入用餐之地。樓底很高，四座巨型的玻璃閃石吊燈，奢華而極具氣派，靠左而坐可近觀樓下的街景，靠右是以藍寶石的牆身，刻畫了多條魚兒在水中暢游的模樣，再向前觀看是一座巨型的化妝鏡子，牆身之下就是仿火爐，刻意營造一種華麗摩登式的宮廷寢室。一坐下，員工先為我們倒下兩杯微溫水。這幾天天氣一直很差，周不時也下著滂沱大雨，即使撐著大傘，強風都令雨點灑落在路人的身軀，衣服也明顯被淋濕了。此時能喝到一杯熱熱的溫水，既溫暖雙手又能暖胃，真的感受到員工對客人的貼心啊！員工再為我們熱切推介精選晚餐（$198

是夜Ⓢ與男友慶生，選了Gastrobox。Ⓢ以前也曾到過Gastrobox，無論係環境定係食物質素都好滿意，所以特地喺男友生日再嚟一次 今次Ⓢ早喺兩星期前用tablemap預約，唔夠24小時就已經收到電話confirm預約，絕對唔似有之前負評所講嘅冇confirm booking事件發生（我諗只係個別system問題吧）。我預約時亦request想喺甜品上寫上happy birthday字句，店員仲好nice主動offer不如加埋朋友個名喺碟上面！👍▼當晚我地一去到已經可以即時入座，雖然無坐到最靚景嘅位置（Ⓢ認為是在場內最入近牆的位置），但都唔影響進食嘅心情  皆因睇見檯上的精心佈置都好令人賞心悅目 ▼點餐過後，率先呈上嘅係餐前餐包。麵包雖然唔係D咩特別嘅味道，但熱乎乎的這一點很貼心 ▼之後亦呈上埋《煙三文魚凱撒沙律》，非常惹味開胃！煙三文魚雖然睇落只有兩塊，但其實都幾大塊，足夠二人份量。沙律中除左開胃的麻醬外，仲加左唔同嘅配料，有Ⓢ同男友最愛嘅芒果，而且仲好甜當然加咗唔少分。▼餐前菜又點少得餐湯，Gastrobox的《黑松露野菌忌廉湯》絕對係Ⓢ目前飲過的同類湯中最一等的黑松露份

有時候，食飯唔一定要有個好環境，尤其趕時間，隨意一餐；但有時候，一個富情調嘅環境，令人不單坐得舒適合意，心情輕省，用餐亦會食得暢懷啲。今夜走進富情調嘅Gastrobox，跟朋友共晉晚餐，暢談飲食心得，何其樂事！由門口直走入用餐區，處處都喺英倫典雅氣息，一室深啡木傢俱，襯湖水藍牆身，仿壁爐，亮麗燈飾，感覺高貴華麗，再加上樓底高，空間感足，晌柔和嘅燈光配合下，洋溢著浪漫情懷。散點餐牌分為餐湯、前菜、海鮮、主菜、意大利粉及伴菜，若散叫自不然無咁划算，就以主菜為例，定價由$138-$488，但大部份喺晌$200左右嘅價位；而甜品則列晌另外有一個餐牌之內。店長推介凍海鮮拼盤，最近做特別推廣，仲附送兩杯餐酒或生啤，唔喜歡嘅又可改飲非酒精特飲。而海鮮拼盤有分大（$398）及細份（$238），同樣包括龍蝦、青口、蝦、翡翠螺及帶子，在乎份量唔同而已，前者適合3-4人，後者則可供2人享用。凍海鮮拼盤 $398以海鮮拼盤作為我哋嘅頭盤，加上以巨型玻璃盤盛載登場，確喺幾有氣派。以冰粒鎮住，保持海鮮鮮度，波士頓龍蝦實在好味，啖啖肉鮮味爽彈；凍蝦及翡翠螺亦不俗，蝦肉爽甜，翡翠螺有咬口，喺略嫌啲帶子肉奀啲。附上嘅紅

最愛是湖水藍的顏色, 尤如在海中, 只聽到自己的呼吸聲, 無人騷擾, 寧靜得令人放鬆…….它正正以湖水藍作為主調, 令我著迷!金色的餐廳招牌放在餐廳正中央高處, 加上門面金光閃閃的裝潢, 極至搶眼耀目。門口放了各款的餐牌, 有二人晚餐、精選晚餐、散點和飲品, 一目了然。餐廳地方不大, 內裏設有二人高枱、二人或四人木枱配湖水藍的木椅及英式的沙發椅, 再配上數盞大型的水晶吊燈, 走到最盡頭還有以英式設計的高枱配閃爍的圓鏡, 相當華麗高貴, 此時竟令我想馬上換上一條貴族的長裙, 穿上高跟鞋來配合這個環境, 可惜我今日穿得有點“土”, 哈!身為海鮮的愛好者, 見到枱上海鮮拼盤的宣傳牌極之吸引, 當然忍不住要點一客來試試。一客以高身玻璃盤盛載的凍海鮮拼盤($398/大), 內裏放滿冰粒以保持各款海鮮冰凍。拼盤集合了五款海鮮, 包括波士頓龍蝦、日本元貝、美國藍青口、越南蝦及印尼翡翠螺, 還有清新爽口的西芹條 和紅蘿蔔條 相伴, 當然不少得以酸咪咪的醋汁 和海鮮蕃醬 來提升海鮮的鮮味。巨大的波士頓龍蝦 已分半, 方便客人進食。雖然龍蝦膏不多, 但鮮橙色的龍蝦肉既爽口彈牙亦鮮味十足, 相當美味! 潔白