Coffee by Zion

營業中

休息中

喺香港 Freelance 人生，辛苦在無時無刻都要揹住部Macbook （先安心） 同時開心在有籍口畀自己去唔同嘅Cafe  ，喺非繁忙時間靜靜地舒服地食 Lunch 做陣嘢 （因為屋企做會勁唔專心）估唔到西營盤地鐵站出口就一間好OK嘅Cafe～有少量戶外座位，入面嘅座位都好闊落 設計幾有格調，Local 小店得嚟又有自己品牌特色 幾有人情味拿鐵咖啡 $40 拉花非常勁🤩 我最愛嘅貓貓🐱 （＋120分）作為貓奴直程唔捨得飲﹗（附上愛貓 7個 肥仔 靚仔照😎）煙三文魚水波蛋班尼迪 $118首先就叫咗一款輕食 煙三文魚水波蛋班尼迪，煙三文魚份量夠水波蛋生熟恰到好處，啱啱好流晒蛋汁班尼迪嘅靈魂，荷蘭醬都調得很不錯👍士多啤梨🍓 可頌窩夫 $108想揀個開胃啲嘅甜品，所以揀咗士多啤梨，仲有啲藍莓同莓醬，酸酸甜甜咁配雪糕 非常夾 仲中和返個甜味可頌窩夫係比窩夫更邪惡👿 外層酥脆，唔會好似純窩夫咁厚粉牛油味更香濃呢～～凍檸檬橙乾青檸茉莉花茶 $53，口味清新，夏日必備

即使已經放完4日聖誕連假，依然沉醉於佳節美饌之中！💫位於西營盤第一街的Coffee By Zion今個聖誕裝飾成浪漫歐陸風，簡簡單單一小棵松葉聖誕樹配上一杯拉花Latte已經令氣氛格外浪漫動人！❤️．鮮奶咖啡非常漂亮細緻的聖誕樹和麋鹿拉花，藏著咖啡師的用心，為今個聖誕賦予滿滿儀式感！🎄🦌．自家製巴斯克乳酪蛋糕沉浸在暖陽聖誕的下午時光，吃一片口感紮實、芝士氣味淡淡的巴斯克乳酪蛋糕心情也好起來了，這就是「甜」的治癒力！🍰．焦糖香蕉榛子醬可頌窩夫配朱古力雪糕熱辣辣！兩件超大份！金黃色的Croffle淋上滿滿焦糖醬和榛子醬，一咬更琳脆鬆軟，牛油味出眾，光是看著都覺得邪惡！🥐🍌．煙三文魚水波蛋班尼迪班尼迪不一定配英式Muffin，以美式牛油麵包Burger嘅形式上枱也份外吸引！煙三魚和流心效果一流的水波蛋組合是絕對，配上荷蘭醬和牛油果醬口味出色！🍳

放假過咗去西營盤揾食，一出西營盤B出口就見到呢間pets friendly cafe，餐廳裝修簡約，座位唔算多，想試記得早啲過嚟！煙三文魚水波蛋班尼迪（$108）水波蛋熟度完美，輕輕劃一刀蛋汁就流出黎，好治癒！三文魚下面仲有牛油果，感覺健康又好味！Croffle （$58）今期special係熱辣辣即叫即整牛角包窩夫，酥香、鹹鹹甜甜加上牛油同糖漿，好食到停唔到！Homemade Basque Cheesecake （$68）見到每枱都會點蛋糕做甜品，我哋就揀咗呢款店員推薦嘅自家製巴斯克芝士蛋糕，表面焦香，口感軟滑但輕盈，加上忌廉、雜果，配咖啡一流！Latte （$38）拉花特別整咗個好得意又應節嘅女巫，我見每個客人嘅拉花都有唔同，咖啡師好有心思！今次揀咗nutty version，酸度較低，香濃烘焙、堅果味，入口順滑！Americano （$35）同樣嘅nutty嘅豆，飲americano就飲到更香、更濃嘅堅果香，質感滑潤！

近著西營盤地鐵B出口，這間CAFE的裝修以工業風為主，每枱擺放精美的乾花裝飾，也有復古的吊燈，充滿著中世紀復古感。門外更有少量位置，可帶同寵物一起進餐。早餐的選擇很多，有Sandwich、Toast、Pancake、All Day Breakfast和Muesli，跟送熱美式咖啡或英伯爵茶，或可半價升級其他飲品。煙三文魚水波蛋班尼迪 - $108兩粒白白滑滑的水波蛋，塗上香濃的荷蘭醬，切開滑溜的蛋白，流出濃濃的蛋黃汁，正好流到鬆脆的漢堡包上，變得更濕潤之餘，還夾著清脆的炒綠蘆筍、綿密的牛油果蓉、肥美豐滿的煙三文魚片，濃郁魚香的餘韻久久不散。火腿芝士牛角包 - $60一層層酥脆柔軟的牛角包充滿牛油香，夾著大量爽脆的生菜沙律，還有香甜多汁的蕃茄片和咸香的芝士，以及煎香的火腿片，塗上薄薄的沙律醬更添濕潤感。Latte +$19(半價)第一次見這麼精美的拉花圖案，超可愛的八爪魚耍雜耍拋心心；Latte有著牛奶比例較多的特色，咖啡味會較淡，帶著咖啡味道的牛奶，口感非常之柔順絲滑。Caffe Mocha +$22.5(半價)超可愛的虎紋貓咪拉花圖案，還有兩個小肉球印；同樣咖啡味較淡，有著牛奶的順滑