金記冰室 (霎東街) (已結業)

為左食炸雞翼🍗沙律🥗，專誠再次到訪金記！仲記得早兩次食炸雞翼都😋😋😋，雞翼炸到金黃色，雞尖位炸到脆卜卜🤤自此想食炸雞翼都會諗起「金記」～-金記銅鑼灣店嘅裝修好有懷舊feel，玄關位抬頭一望，有舊時戲院，街邊招牌嘅縮影；直望就見到舊電車（叮叮）車身設計，分隔用餐區同等候/收銀區。一坐低都唔洗諗，即刻叫生炸雞翼配沙律！（其實你唔即叫，侍應都好快衝埋黎問你食咩，落餐快，上餐快，收拾快，用餐節奏真係好快！😂 入得黎食就要做好心理準備，唔好到時怨服務唔好，咁就無謂啦🤷🏻‍♀️）-主角一上枱😰 咦！點解咁似韓國餐廳啲烤雞嘅 🤔 雞翼非但唔脆身，仲有一層油係雞皮面，感覺就好似焗雞翼。其實都夠入味嘅，如果你當佢烤雞食，真係唔錯⋯⋯但⋯⋯我其實好想食炸野😭而沙律，ok la，以薯仔粒（生生地，唔肯定係咪全生）& 栗米為主，偶爾食到椰果粒。由於雞翼配沙律係散叫，冇餐飲/加配餐飲，要正價點熱奶茶🤨 不過算夠港式，就豪廿蚊俾佢啦🙈

過門而不入無數次後，今日終於黎打個卡🙈一入門口就聽到果打鑼打鼓type既音樂，不過開得唔算非常大聲，想傾計都係可以傾到🙈而裝修就充滿懷舊風，招牌啊、燈膽等，好靚。坐低望一望是日晚餐，$80-100... 果斷叫返我最愛既常餐，通粉炒蛋多士熱奶茶🙈先講生牛通，如果唔食蔥記得一定要走蔥同薑，因為蔥味同薑味都幾濃下，食左幾啖成個口都係蔥味🤣而由於蔥味非常重同有薑味既關係，唔係好試到個湯底，我推斷應該偏淡；通粉用左細滑種類，都幾吸湯，愈食愈脹🤣而牛肉，嫩！雖然話就話叫生牛，其實都係全熟，重牛味。到炒蛋多士，炒蛋炒到全熟，正常水平，但估唔到多士係有奶味🤣幾有趣，不過份量少，牛油都唔夠多，有少少可惜。熱奶茶，茶底濃，茶奶比例都偏重茶，係香，可惜唔夠滑稍有澀感。總結而言，除非愛好蔥薑味，如果唔係唔建議叫生牛通餐🤣 雖然非我杯茶，但愛好茶底濃可以一試熱奶茶，都ok。望到隔離枱點左乾炒牛河... 好吸引啊，下次可能試試😋