Med Chef (已結業)

今日同朋友呢左呢一間以CBD為主題嘅餐廳～ 之前喺其他地方多數都係聽以CBD為主題嘅Cafe，今次係餐廳所以試吓差唔多六點幾黎所以未有人， 有卡位坐得都舒服依度用QR code點餐，大多數食物都落左CBD，但可以mark返唔要CBD或者double CBD～首先嚟咗前菜嘅係蟹肉牛油果他他。蟹肉都幾足料，配上牛油果同埋油醋汁，都幾清新開胃。可以改善嘅地方係我覺得啲麵包可以烘脆啲。然後上嘅係安吉拉雞卷。本身呢度菜賣相一般，但係味道有驚喜 外皮酥脆又唔油，沾上咖喱汁十分惹味。咖喱汁唔太稠可以減低油膩感，不過唔食得辣嘅朋友要叫返杯飲品番茄龍蝦汁虎蝦意粉賣相好靚，味道亦不俗。有三隻大虎蝦，意粉十分掛汁。佢寫住有一個辣椒但又唔算好辣，係有少少辣椒碎飲品方面我哋叫咗柚子梳打同埋CBD latte:雖然食品有添加到CBD，但係食落完全冇難聞嘅大麻味道㗎 餐廳幾有新意！希望真係可以幫助消除疲勞，今晚好瞓啲～

CBD大麻二酚在這年才開始興起，有些咖啡店有option可選擇加錢加CBD，但用它來做主題餐廳的話，Med Chef可能是第一家。正因如此，我跟友人就訂座來朝聖。桌上的底紙已經是菜單，還有仔細介紹甚麼是CBD和它的作用、FAQ等等，讓大家不要誤會它。基本上所有菜式都有加CBD的，註明某些飲品例外。就如友人這杯熱情果柚子伯爵茶梳打就沒加CBD，但覺得伯爵茶竟然用來做有氣飲品好新奇就試試。本身就有佛手柑香的茶，跟熱帶水果配合得挺好的。我就要了Mocha Chocolate，朱古力味不算超濃郁，但它勝在沒甚麼甜度，能好好感受可可原有的味道。只點了兩道菜，但份量為之驚人。先是板燒西班牙八爪魚海鮮炒長米飯配秘製醬油汁，用鐵板上菜，清楚看到頂部有一大條八爪魚鬚橫跨整塊鐵板！八爪魚鬚原條燒，外層充滿燒烤香味，肉非常厚，咬下去有鮮味十足的汁溢出，質感又彈牙。其他海鮮也沒欺場，都是足料又大大件！爽口清甜的蝦、柔滑的蟹柳、還有其他部位的八爪魚肉也充滿鮮味。飯都煮得好正，炒得粒粒分明卻同時有點濕潤，加上秘製醬油汁、香料及蔬菜配料，飯底的味道及質感豐富可口，就算飽都會一口接一口吃。另外點的是薩他羊架配楓香乳酪

聽朋友推介呢間大麻餐廳 佢話好好食！ 地點都好方便喺厚福街😆 成日聽人講去外國合法食大麻 未試過都好奇想知係咩味道 ～ 兩個人坐卡位夠晒闊落 沙發又舒服👍🏻👍🏻我覺得呢度嘅飲品簡直係佢嘅signature😍😍 好好飲 又令！點都要叫翻杯慢慢嘆～ 焦糖脆脆奶茶 $52 茶底非常香濃 面上有焦糖脆脆同埋忌廉 中間係茶 底係奶 層次分明 雖然到最後都係撈埋一齊飲😋🤪 唔會太甜 茶味香濃💕 朋友叫咗熱情果柚子伯爵茶梳打 $38 🍸整體感覺非常清甜 爽口 估唔到呢三樣嘢mix埋味道好夾 好啱熱辣辣嘅夏天坐住冷氣品嚐 個底都真係有熱情果粒好新鮮！日式芥末忌廉香煎廣島蠔闊條麵 $158 旁邊紅色嘅係辣粉 真係日式芥末嘅味道 闊條麵整得好入味 每一條都充滿忌廉 唔會話好乾 廣島號另外煎得非常香 同埋非常新鮮！ 最緊要係冇腥味😍😍 食完唔係好夠喉 會想再食 有少少停唔到口 但感覺大麻就食唔出 不過呢種想再食嘅感覺 唔知係關大麻事定係太好味😂威靈頓三文魚配秘魯黃椒醬 $198 非常鬆軟嘅威靈頓皮 薄薄一層 包住非常多汁新鮮嘅三文魚 三文魚非常厚身 煮得剛剛好半生半熟嘅感覺 而且伴隨着豐厚嘅肉汁 旁邊仲有特

今日出開尖沙咀行街, 順便黎呢間餐廳食, 呢到特別在所有野食都會加上CBD, CBD係可以舒緩神經既野, 詳情就唔喺到多講了.呢到有埋Bar枱位, 飲杯野叫個小食黎chill下都無問題.熱帶雨林, 飲落口偏甜, 幾款果汁溝埋幾夾, 有少少酸幾好味.熱情果柚子伯爵茶梳打, 熱情果味較重, 加上柚子令到甜味恰到好處.帶子蟹肉牛油果他他, 他他分兩層, 上層係帶子蟹肉撈埋, 下層係牛油果蓉, 兩層放上脆多士到再配埋薑油黑醋汁, 酸酸地又fresh又有粒粒既彈口帶子肉, 口感同味道都非常特別. 他他都幾多, 但本身多士跟得4塊, 建議加多一份多士.威靈頓三文魚, 第一次食係用三文魚整, 個面焗到好鬆脆, 入面既三文魚好嫩仲好juicy, 碟上既秘魯黃椒醬辣辣地既惹味.西班牙油炸鬼, 仲會有埋一球雲呢拿雪糕, Churros食落係比較硬, 另外有一小碗焦糖, 淡淡既油炸鬼點焦糖黎食, 令到焦糖特別甜, 仲可以加埋雪糕一齊食.

之前聽朋友講有間餐廳好得意，因為佢主打CBD，對於唔清楚咩係CBD嘅朋友，可能呢度要稍作解釋先。CBD係大麻提取出嚟嘅化合物，係合法嘅，亦都證明咗有治療同放鬆嘅功效。而依間餐廳就喺嘢食上邊落咗CBD，真係非常有趣同一大特點。一入到餐廳，成個氣氛都好chill好relax，座位亦都好闊落。總之就係舒服到爆啦覺得。嘢食方面嗌左帶子蟹肉牛油果他他，鐵板青咖喱安格拉雞卷，日本芥末忌廉香煎廣島蠔闊條麵，甜品叫咗流心芝士撻。帶子蟹肉牛油果他他擺盤非常漂亮，份量亦都幾好，兩個人食就啱啱夠啦。已用了上面呢亦都冇揸流攤，帶子同埋蟹肉都非常多，食落去仲要食到切粒帶子嘅鮮味，他他上面仲有三文魚子，再加上個黑醋汁，食落去真係好開胃，甜甜酸酸，咬爆三文魚子個刻有返啲鹹味，中和得幾好。我放啲他他落去薄多士上面，又吹又軟，係一度唔錯嘅前菜。鐵板青咖喱安格拉雞卷青咖喱都有啲辣，我就覺得啱啱好，但如果唔係好食得辣嘅朋友就小心啲。雞卷外皮整得啱啱好，唔會話淋晒，少脆。雞肉冇overcook，配料仲要非常豐富，有三色椒同埋翠玉瓜。雖然冇個前菜咁出色，但其實都好好味，鍾意食雞卷嘅朋友不妨一試。日本芥末忌廉香煎廣島蠔闊條麵整個

經過厚福街，抬頭一望叫到呢個紫色招牌，設計幾特別，而且感覺好 chill 行近一望，原來餐廳的食物都會加入 CBD, 幫助減壓，令人提高睡眠質素，咁堅？再望望餐牌，見到D長長嘅菜名就知 - fusion 野，啱我。飲品種類亦多，咖啡、花茶、酒精及非酒精都有，仲見到我最愛的Earl Grey 溝梳打，怎能不試吓？好奇心驅使下就上咗，環境唔錯噃。青咖哩安吉拉雞捲 $138類似炸腐皮裡面包了煎雞肉，再淋上青咖哩汁，拌著洋葱紅椒絲與香葉，咁大個人第一次食呢款雞捲，脆卜卜的咖喱雞，好過癮好有趣柚子漬三文魚半熟吞拿魚赤身珍珠飯 $148好味又有趣的刺身飯，餸菜鋪滿成碗，有三文魚粒、半熟吞拿魚片、溫泉蛋，綠色一條條的是鮮嫰露筍，金黃色一粒粒是炸過的椰菜苗，底層仲鋪了沙律菜。成個飯口感豐富，而且充滿新鮮感。份量好足，兩人share 啱啱好，推薦大家試一試。開心果青檸鮮奶油芒果千層酥 $58千層酥的餅底好薄好脆好甜，似糖脆片。反而cream 幾清爽，不肥膩。加上少少芒菓，算是個輕量級甜品吧！流心菲達芝士撻$48上枱已覺驚艷，無論顏色配搭同擺盤都好吸引人。芝士撻是流心的，暖暖地仲好重芝士味。價錢好抵，必食

呢日放工後去左間前排好多人推介既餐廳，入到去見到個半開放式既實驗室，加上粉紫迷幻既燈光，好似進入左個科幻空間咁💡無論廚師定係侍應都係滿滿年輕既面孔，熱情介紹呢度既特色係可以食物會加入左小量既CBD，有助舒緩情緒放鬆身心，但係孕婦同埋小童就要避免服用，落單時可以自行選擇返唔加🤭▪️ 薩他羊架配楓香乳酪醬伴蘋果玉桂藜麥沙律（7/10）💲248🐑切成四大舊既羊架，色澤粉嫩大概係三至五成熟，食落都唔會太羶，但有點兒略鹹🙈醬汁配搭亦幾創新，係個乳酪醬同埋底下有蘋果肉桂蕎麥沙律，酸酸甜甜咁中和返頗為清新🤣但係咁新穎配搭都應該視乎個人口味，估計未必個個鍾意▪️ 威靈頓三文魚配秘魯黃椒汁（8/10）💲198威靈頓魚幾有驚喜，上檯要盡快食左先，個金黃色既酥皮入口酥脆，亦帶有牛油香，包裹住菠菜同埋三文魚，生熟度控制得唔錯保持到半熟嫩滑，蘸上個幾夾既秘魯黃椒汁😍▪️ 香蒜橄欖油海虎蝦扁意粉（7.5/10）💲138虎蝦肉質爽口彈牙，個邊位帶點焦香，加上蒜絲同埋辣粉，味道雖則比預期中辣，但都香口惹味，連同淋有橄欖油既闊條麵，可以一戰😛▪️ 熱情果柚子伯爵茶梳打（7.5/10）💲38開始時要攪拌一下沉澱係底下既柚子醬，飲