添記燒臘飯店

營業中

休息中

添記的燒味深受街坊歡迎，長期有人龍，通常中午賣完就收舖。今日經過見人龍唔太長，於是排隊買熱辣辣嘅燒腩仔。企咗一陣，眼見砧板上的燒腩仔越斬越少，擔心排到自己時會唔會仲有。幸好店員拎住一夠熱辣辣、新鮮出爐嘅燒腩出來，好嘢！👏👏燒腩肥可以揀全瘦或者半肥瘦，我就要咗100蚊半肥瘦。買幾多錢，師傅就會切幾多，然後放上磅比大家睇，非常均爭。終於到主角出場了！燒腩仔睇落好似好肥好膩，但皮脆肉嫩，皮燒得好脆，夾住一層肥肉、一層瘦肉，肥而不膩，十分滋味！值得一讚嘅係，發泡膠盒開咗個窿疏氣，保持燒腩仔乾身，真係好細心！佢哋嘅單併飯$28，都好抵食，燒味份量都好足料。不過環境衛生就麻麻，所以只會買外賣，唔堂食。😅

話說屈小姐知道賴生鍾意食燒腩仔，係早排佢send左個燒腩仔大比拼黎毒害賴生(明知人地減緊肥)，令賴生對元朗【添記燒臘飯店】動左心! 係某日既lunch時間，賴生就同同事們組左個帶飯組加餸團，每位同事拎20蚊出黎去買添記加餸食……去到既時候，只見一條人龍排緊隊，排到賴生果陣，只見師傳，砧板，刀同一大舊燒腩肉…，賴生戰戰兢兢講出句:【60蚊燒腩仔拎走】，師傳就已經手起刀落劈向果舊燒腩仔……賴生不但只聞咔咔聲(把刀劈落爆脆化皮既聲，更聞到陣陣令人垂涎欲滴既豬肉香……係果一刻賴生就知道…【敵人太強大啦】，再加上店員係外賣盒細心地開左小洞疏氣，交到賴生手時盒野係熱辣辣嫁賴生馬上用9分49秒既速度飛番office同同事s 品嚐，即使番到去，d燒腩仔都仲熱嫁賴生毫不猶疑出手啦，未咬，佢果陣豬肉味已經撲鼻而來，一咬……不得了，個爆脆皮厚道適中，咬落咔咔聲響，超正，個燒腩仔肥瘦分明，先係一層皮，一層肥，一層肉，又一層肥，又一層肉，無論層次同肥瘦度都適中，味道就唔會太鹹，新鮮豬肉味出晒黎，仲有陣好特別既香味就算而家打緊食評，都好想整番舊#有個細心體貼既女朋友係幸福既#搵日會毒埋妳嫁😂😂#唔好諗住有得走😂😂