塚田食堂

營業中

休息中

第二次幫襯坑口呢間塚田食堂，之前食過食物質素唔錯，所以又再黎食喇！今次見到餐牌有更新到，幾有新鮮感，唔怕食到悶! 每款定食都成個餐盤送上，好日式，有晒前菜同麵豉湯！前菜有三款：牛蒡、凍豆腐、酸瓜漬物，每款分量少少地，啱晒做餐前小食！🆙+$20 升級可任食沙律吧🥗🍹🍰價錢唔貴，而且都好多野食，在場好多人都有加！除左沙律菜之外，仲有好多款飲品同兩款蛋糕仔食，好值得升級！▪️燒花魚定食🐟花魚都幾大條，燒到條魚好香好好食，附上碟醬汁，我覺得唔使點已經好夠味，魚味濃郁！而且佢嘅米飯係用日本米，令整體感覺更加日式，米飯粒圓潤飽滿，帶點黏度，仲有少許微甜味道，非常好味，平時唔太食飯嘅我都成碗食晒！▪️豚肉泡菜定食🐖呢個係惹味之選，醬汁味道濃郁，豚肉份量都幾多，有咬口亦唔會好肥！連埋泡菜食好夾，伴碟仲有啲沙律菜配芝麻醬，幾清新！最尾再出去拎兩件蛋糕食，非常滿足的一餐😛

同一位置本來是日式火鍋餐廳但疫情下，火鍋店生意比一般食肆更差轉為同集團但走日式家庭餐廳路線才能維持下去可能之前是火鍋店，所以餐廳賣點也以惠顧$58以上餐點可以享用自助沙律，甜品飲品區為賣點飲品款式豐富，除了罐裝及盒裝飲品（在沙律吧下面的雪櫃）還有4款果汁和4-5款水果茶熱飲有4-5款茶包和咖啡甜品當日只有2款蛋糕沙律有6款材料+2款醬汁添加次數頻密，短短數十分鐘的一餐，已經進進出出3次添補各款食品，飲品。點了燒花魚定食，味噌湯，白飯都很正常但牛蒡漬物明顯偏少（可能我唔好彩或者平常客人浪費太多，想減少浪費）燒花魚比起常見的鯖魚肉質結實一點而且腥味較少，肉味比較濃奇怪的是兩邊中間的魚骨沒有除去，妨礙進食最大問題是定食中的薯仔沙律吃了一口即時覺得很奇怪的口感，比較散，是又乾又散，像消化餅，而且無薯味！連沙律醬的味道也沒有。忍不住跟侍應詢問是否出了問題得到結果是廚房忘了放沙律醬😑雖然更換了一碟加了沙律醬的薯仔沙律，但仍然是沒有薯味，所以最後放棄了。 總結：餐廳的服務和環境不俗尤其在反映意見後的態度和積極回應食物份量非常充足（定食唔夠還有沙律，甜品吧😂）食物味道一般，可以考慮之後試其他炸物菜式

喺東港城開咗『塚田食堂』，襯住放多日新年假同屋企人去lunch先。午市過後才到， 顧客竟然也不少， 農曆假期冇咩做出街食飯都係一個好節目。餐牌有唔少定食，刺身， 燒魚，各款日式小食，丼物～～ 非常吸引！加配的選擇也很多， 定食以外仲可以加丼～餐廳不少食材由日本引入，也有介绍来自『日本塚田農埸』 的優質走地雞， 農產品。不過最驚喜既係餐廳嘅自助沙律吧飲品吧( 每位惠顧$58以上可免費享用) ，難怪餐廳咁受歡迎。擺設好乾淨， 整齊，做足防疫措施， 出去自助吧攞嘢食嘅都需要戴口罩。沙律吧有新鮮清甜嘅車厘茄， 南瓜蓉， 扭扭通粉沙律， 沙律菜，紫洋蔥， 簡單健康又美味。熱綠茶也有好幾款， 其他水果茶， 果汁也有多款選擇。。 當然還有紙包，罐裝飲品。燒花魚定食$88魚肉燒得啱啱好， 肉質結實得來有魚香。 唔多骨啖啖肉 ～蘸酸汁和蘿蔔蓉很美味。 味噌湯夠熱唔會太鹹， 定食是不可缺少的👍😋。 還有馬鈴薯蓉作沙律， 牛蒡漬味道突出。 米飯軟熟， 整體豐富美味。四色刺身定食$98屋企人話成個新年都冇食刺身～ 三文魚雖然唔係厚切不過都幾甜，吞拿魚冇雪味， 三文魚子夠鮮味， 油甘魚味道較清， 整體都唔錯！沙