Just Eat (已結業)

Fatvava 揾食😋😋燒豬扒撈檬 $68豬扒燒得香口有誠意既，唔會太肥，又軟滑，檬粉加上菜少少炸蒜，淋上唔會太甜既汁，成件事係開胃，唔錯！芒果軟殼蟹卷 $68足料軟殼蟹，每舊卷都有，入面再有米粉既軟棉棉，青瓜同菜既脆口，加上芒果既fresh，有層次有口感，又唔會太滯。香茅串燒牛 $40 大大串，唔好太乾身，有肉汁，帶少少牛味，燒得香口既。滋味地道墨魚餅 $52足料墨魚餅，咬到一粒粒既墨魚粒，爽口有口感！馬拉盞炒芥蘭 $60有鑊氣，馬拉盞味夠地道香濃，芥蘭唔會好硬又帶d爽口，唔錯！菠蘿冰 $38有驚喜，唔會好甜，入面有粒粒既菠蘿肉，解渴解滯。越南凍咖啡奶 $48同個色水一樣咁香濃，完全冇hea既沖粉感覺，重既越南咖啡味，唔錯！📍環境唔錯，清靜舒服，都幾適合同朋友傾下計chill下！

今日同朋友行西環，睇下啲歷史野，都好chill﹐唔知點解個境特別岩秋天黎行🍂..晚餐去左一間覺得幾高質嘅越南餐廳，好想介紹比大家✨環境都幾舒服先點左，越式蝦卷Rice roll一定係我地去越南鋪必點菜式之一，佢啲菜都好fresh﹐每啖都索索聲🥬﹐蝦量適中，都係頭盤之選。Main 我想食牛肉，又心絲絲想食牛丸，朋友話why not both😋😚! 要左濃味牛湯浸手切牛肉河，加牛丸四粒！果然係冇錯架！半生熟嘅手切牛好嫩滑，牛濃湯夠晒香。最令人驚豔嘅真係牛丸😍 粒粒爆汁..係香濃牛嘅油脂味，絕對唔會膩，而係滿足🥰朋友嘅燒豬扒撈檬都好唔錯。豬扒香口，更keep得住juicy...真係好少做到咁嘅lv🤤 感覺醃料係調校過，係比HK人嘅口味，唔會過鹹👍🏻 個人都幾欣賞。加埋撈檬汁，愈食愈開胃🤤朋友好奇想試越南啤，揀左比較濃味嘅，不過不失，點都比飲水gur啲嘅😆 輕鬆下lor~~

今次搵食黎到西環，聽講依頭幾多小店，點知行行吓就落大雨😣，見附近有間越南野，就入去食野當避下雨🤭🔻蕃茄濃湯海鮮檬$68🔻湯底好香，好鮮甜蝦味🦐，同蕃茄幾夾，絕對無搶左海鮮既味道👍🏻。有魷魚🦑，有蝦，食落有咬口，的蝦都幾新鮮🤤，香濃鮮甜嘅鮮蝦湯底，再加上鮮蝦，真係好濃郁，然後咬啖蕃茄，鮮味又再提升👼🏻。🔻燒豬扒撈檬$68🔻熱辣辣既燒豬扒，仲要係厚切🤩，juicy有口感又夠味，啲香茅味啱啱好，唔會搶咗豬扒嘅味👍🏻。檬粉爽口夠凍，加上甜酸汁，非常開胃🤤。🔻越式雞$56🔻睇落好似海南雞😛，暖暖地，食落幾嫩口唔鞋😌，最正係個越式辣汁，辣辣地同個雞幾夾🤩，加的青檸汁，味道又越南的☺️。🔻泰式生菜包$72🔻超香囉，一黎到就流晒口水🤤，香料唔多但又好夠味喎👍🏻，而且都幾香辣，肉粒啖啖肉，幾鐘意😍，生菜好嫩好爽脆🥬，份量幾多，都夠4個人食👍🏻佢有2人餐，好似幾多野食，下次可以叫多2個朋友一齊黎食