大圍小食

營業中

休息中

次次嚟到大圍，總係見到呢檔小食有好多街坊圍住當然啦，呢間可以話係大圍嘅landmark，有質素先開到咁多年，有大份又抵食佢地嘅魚蛋燒賣原來攞過獎㗎喎，關鍵係咖喱汁，點少少已經好刺激，魚蛋細細粒好香魚味燒賣質感好彈牙，唔會發到好腍，魚香好出見啲串燒大大串好吸引，就試吓佢地幾出名嘅豬頸肉，搽晒醬咁燒，色澤令人垂涎，肉質勁爽彈，點解可以咁好食㗎？炸大腸炸得好金黃，炸得爽身，食落冇揦鮓味，洗得好乾淨，但同時好香口臭豆腐都好堅，好臭好臭，勁大嚿放入口脆卜卜，裡面質感好香豆味兩份煎釀三寶都可以當飯食㗎，尤其是呢間，大大嚿係希原因，有啲不可思議嘅配搭，連冬菇同西蘭花都有每一嚿紅腸、茄子、青椒、豆腐、冬菇同西蘭花都有鯪魚煎餅黐住，仲要好多，打到大啲細骨同肉碎粒都冇，超犀利。餃子唔係鯪魚肉，但都好飽肚一碗韭菜豬紅，仲以為會好細碗，菜多過肉，點知豬紅豬腸爆多，食晒啲菜都未食完豬紅同豬腸，豬紅好滑唔會啜脷，冇怪味好香，豬腸洗到白𠽌𠽌，發揮到豬腸本有嘅香味，難怪街坊咁捧場啦

.每次出大圍站經過大圍小食都一定有幾條人龍大圍小食已經係老字號，屹立多年嘅老店💁🏻‍♀️ 性價比超高今晚同朋友一齊試下，終於知道點解😻我地叫左串燒、碗仔翅、煎釀三寶、燒賣💁🏻‍♀️..串燒（$16-18)大大串，叫左豬頸肉，串燒長度幾乎有15cm，大件抵食!!雞肉🍗串，同樣大大舊，串燒調味可以自選，辣/唔辣都有，更可以選擇蜜糖🍯或沙嗲口味，小食姐姐推介孜然味😋好香口，串燒即叫即燒，所以好新鮮😜..煎釀三寶（$40)煎釀三寶大大盒😌，最特別係有西蘭花🥦，最中意係茄子🍆&冬菇😋，仲有辣菜脯餃子🥟..燒賣($12)另一樣必食係燒賣!! 一定要配上特製嘅辣醬，燒賣好煙韌，係我最中意燒賣嘅口感🥰真心好食..地址：大圍小食 (大圍)大圍富嘉花園22號地舖..

友人推介的大圍名店，Dinner Time一如所料，人流不絕！選擇非常豐富，已經超越我對街邊小食檔的概念，Order了兩大袋外賣回家開餐，也不到$200，而且每一款都在質素之上，人氣之旺並非無道理！臭豆腐 $15 | 港式炸大腸 $15陳皮魚蛋 / 燒賣 $12/10粒煎釀三寶 $20/5件 | 串燒 $30/2串紫菜魚皮餃 $25 | 足料糯米飯 $35港味掃街必試臭豆腐，現在已經不多地方有賣，而且夠重口味的更是少之又少。這個100%香港製造的小食相當受歡迎，排隊的差不多80%都有Order幾件。即炸臭豆腐配上鉅利醬園的豆瓣醬及甜醬，好有港味和回憶！另外，串燒也是熱門Item之一，店員忙過不停，一串接一串，眼明手快，每一串都盡是心機，還可以選擇孜然、七味、川椒、蜜糖、沙嗲、香茅等自選味道，而且份量比預計中多，CP值甚高！紫菜魚皮餃也是心心眼之作，魚皮餃正常發揮，湯底也不馬虎，加上大量清爽紫菜，可以緩緩解一解膩。糯米飯加上花生等不同配料，加$10要臘腸或潤腸，超級足料！

其實呢間大圍小食最出名系炸大腸同臭豆腐但史努比唔食豬大腸🫣又唔太好臭豆腐於是乎就試下佢哋嘅燒賣啦👍🏿燒賣 $12/10粒最最最揼心就系冇試到佢哋嘅秘製辣醬🥲史努比唔知原來要叫姐姐落先有 所以淨系落咗啲豉油同埋自己吱嗰啲辣醬燒賣嘅size正常啦 冇話特別大或細夠熱 但冇蒸過龍👍🏿個皮唔會蒸到溶溶爛爛 仲hold到個shape食落少少煙韌 少少彈牙🤣辣醬偏向死辣嘅感覺有啲刺激喉嚨🥲唔點呢隻辣醬嘅話味道唔錯嘅～ 經過可以一試味道: 7/10性價比: 8/10回頭率: 6/10-

依間位於大圍既多年老店，賣好多唔同種類既野食，小食又有飽肚既又有，而且價錢又平，性價比高，同埋佢真係好岀名，一路keep住好多人排隊，人流冇小過😂，之前都試過凌晨過黎，都仲有唔小街坊落嚟買宵夜，深愛街坊歡迎。當中最吸引我既就係碳水😂，估唔到有狗仔粉、銀針粉、糯米飯、油渣麵、車仔麵等😳，乜都想食啲😂。-💕沙嗲串燒👅好味指數：8.5/10串燒豬頸肉/雞肉 $16/1 $30/2串燒黑椒牛丸/墨丸/ 貢丸 $18串必食丸類😍❗️每款每粒都脹卜卜，燒得好焦香，食落好彈牙！配上蜜糖汁，香香甜甜勁正，真係好似bbq咁😍。-💕格仔餅 $15底👅好味指數：8.5/10好正好邪惡❗️🥹餅底比較薄好香脆😍，裏面落左爆多既牛油,煉奶,花生醬,砂糖，多到面層仲有啲煉奶🤤重點花生醬係有花生碎粒既，增加口感🤤-💕細糯米飯 $35+ 蠟腸$10👅好味指數：8/10好足料好香❗️勁多花生🥜菜脯，飯底好軟糯😍有黏黏地既感覺，唔會太濕/太乾，配埋蠟腸，好夠鹹香味。-💕細油渣麵 $40 👅好味指數：8.2/10細既都好大碗好足料😂，面層放左好多炸蒜，炸豬油渣，冬菇，同自製辣菜脯，炸豬油渣成條都幾粗身😳好脆口，麵底都好多，粗身彈牙

炸髀好大塊，顏色炸得好靚，裡面既肉唔會鞋。足料糯米飯天氣開始凍，糯米飯開始出現既時候啦😍😍配料有菜甫、花生🥜同蔥花，好正。食糯米飯點可以無佢既朋友「臘腸」🤪加左$10要一條。食哂一盒好滿足，又飽又暖笠笠。芫茜狗仔粉作為芫茜Fans一定要試，爆多芫茜，而且新鮮翠綠，鐘意辣既朋友，記得叫佢加自家製既辣菜甫😋燒賣魚蛋燒賣幾煙韌，陳皮魚蛋帶有回甘味，配埋佢既秘製醬😋蘿蔔豬皮豬紅要讚佢個蘿蔔清甜、入味同冇渣，豬皮都唔錯，紋得夠爽同入味😄小食店咩都有，價錢親民，每樣又keep到水準，果然係屹立不倒既老字號。

🧡🤎💛經典小食🥡平價又好食就算唔係住附近，好多人都有聽過依間小食店嘅名「大圍小食」，加上之前ViuTv節目介紹佢哋嘅臭豆腐😍睇到Hatty心郁郁，決定踩完單車去補充熱量先！🚴🏻‍♀️🤎臭豆腐🤎 $15/1件臭豆腐嘅「香」味真係令人流晒口水🤤咩都唔好講！先嚟一份啖臭豆腐先🤭豆腐份量十足，外層極酥脆，內層豆腐密度高 有口感！沾上豆瓣醬😳風味尤佳！真心大推✨❤️炸大腸❤️ $15/1串炸大腸要做得好，其實好難🤯清潔唔乾淨、唔新鮮都會影響口感同味道🥹不過依個炸大腸肥而不膩，外層香脆！最鍾意搭配黃芥末一齊食，清新又刺激🤣🧡魚蛋🧡 $12/10粒金獎魚蛋豈能錯過？依度嘅秘製辣汁好過癮，老闆仲問我好唔好食(個口咬住魚蛋，有啲難講嘢😂我唯有以行動清盤！一碗魚蛋關鍵在於醬汁，依個辣汁重口而不過鹹，辣度適中🌶絕對可以encore！💛燒賣💛 $12/10粒淨係魚蛋邊夠喎，食埋燒賣就perfect 啦！燒賣軟硬適中，熱辣辣嘅燒賣加上醬汁，好好食😍🖤串燒魷魚串🖤 $20/串買嘢食嘅時候留意到店內姐姐烤緊魷魚，姐姐見我雙眼發光 叫我整返串喎😳「唔好啦！一串邊夠㗎🤣兩串啦！唔該靚姐」唔知係咪我嗌咗佢靚姐，依兩串魷魚都好大