蓮香樓 (已易手) 新餐廳

呢間由細到大，由討厭到欣賞既一間，亦係由我有意識以來，我應該係飲得最多既一間酒樓(因為我老豆日日去，仲要早茶，中午都去，我放暑假就多數跟老豆"返工"，所以一定係最多XD 所以可以既話我會跟其他人去食第二樣)細細個係跟老豆，避飛劍，好似真係有人攞住籠雀... 我細個去既唔係呢一間，而係係對面，綠色牆身，有上下兩層... 我地一定係去樓上既(好似仲有一層，但唔多肯定) 呢間既印象就多好多啦!今日去有幾位都見過，我大個左唔跟老豆自然唔會有人認得! 以前搵唔到位，老豆塞張"青蟹"好快就有位，有時仲要分開坐住先... 推車仔唔洗出去搶...話哂今日係最後一個星期日(但聽聞會改名再續)，人多就預左... 應該話一次比一次多，由以前既阿伯到lunch見到白領，再去到見日本旅客同鬼佬，又見翻香港人... 其實感覺都幾特別... 我諗都冇咩人會同我一樣，我印象中無咩同齡既人，所以我既情意結應該比大家重...今日我懶瞓，遲左食唔到已經好少有既蒸蘿蔔糕，馬拉糕， 鵪鶉蛋燒賣，乾蒸牛肉等... 今日見到人一窩蜂去搶野食都真係幾得意... 之前最多係廚房門攞，但今日見係繡癲... 去蓮香其實最緊要係盅茶! 所以

我地呢啲90後其實都比較少去舊式推點心車嘅茶樓 特別而家間間茶樓都用點心紙 同其他茶客爭點心嘅機會越來越少於是就特登過海來蓮香懷舊一下其實點心車係幾好玩嘅 不過要成日留意住幾時有新點心出 再出去同人爭點心都幾傷神 玩過一兩次都係去番D有點心紙嘅茶樓好了食物方面，係點心車揀嘅點心總是吸引啲嘅 不過食落其實都不算太驚艷啦雞札幾欣賞佢係用有骨嘅雞肉來整 係比一般用無骨雞肉的雞札好食嘅奶黃包雖然佢唔係流心但個餡都係幾滑嘅 無流心無咁多油感覺無咁罪惡😂燒賣其實同其他酒樓的燒賣差不多 蝦都無想像的多馬拉糕真係幾香嘅 好食不過咁啱俾中啲邊緣位我 感覺稍微細份左啲

一向都覺得自己是三分鐘熱度的人，嘗新後的振奮和好奇心一過，就撐不了多久，又去試別的東西。沒想過這一年多以來，竟寫下了二百篇食評，有一段時間更是不寫字不舒服，連我自己都覺得出奇。或許正如蓮香樓一樣，近百年前由賣糕酥做到茶樓，以至成為現代人心目中「傳統茶樓」的佼佼者，都是東主意想不到的發展。近來擱筆了好一會，反覆思量著自己的定位、知識、筆風等，不想盲目地去做一些事。第二百篇只是對自己來說很重要（俗語上的自high），卻沒有選上寫一頓很昂貴，或是慶生之類的飯，而是易吃難精的點心。不是怎麼矯情的去命題，只是人生或尋找美食，就像在這兒吃一頓點心般，可遇不可求。蓮香樓喝個茶的體驗是獨一無異的，跟普通酒樓無法比擬。找到位坐不代表找到心目中想吃的，來的時間要對；坐下沖好茶後，不代表你可以安坐於座位等吃，不夠眼明手快搶點心，便會撲空。很像戰場，但一眾茶客樂此不疲，這就是蓮香樓。或許你會聽過蓮香樓、蓮香居，幸好地址有別，有時連我自己都把名稱撈亂，唯有補充一句「上環/中環」那間。兩家都是源於廣州蓮香樓，不是因意見不合而分家的，兩家的facebook 專頁都有互相分享各自的消息，名副其實是姊妹店，只是歷史和經

再次光顧, 因為跟老公一起等去打針, 因為時門未到, 所以近近地諗起蓮香樓又再來HEA下今早食了早餐才出門, 所以並沒有吃很多一到了蓮香樓, 老公今次快口話行到最入先揾位坐, 因為冷氣又比較入先涼快行了一半, 有一位侍應招手, 執好位子比我地二位, 真係好彩, 又唔駛等位啦!!!!而且一坐落個位度, YEAH! 今次冷氣好夠Bor, 並唔似得上次坐近門口位咁熱!今次要了香片同龍井, 試下唔同茶既味道先...大家都知蓮香樓, 次次來食咩點心都係可遇不可求....有十分驚喜, 又唔貴, 所以好鐘意去雖然位子小, 人又多, 但係見到外國人次次係度玩個泡茶柸子, 斟茶都搞到一枱都係水就覺得好搞笑今次同枱又有一位年青外國人, 似乎佢好開心覺得呢間茶樓好特別bor...今次侍應加水又加得快, 動作又快, 服務不錯!!點心可遇不可求, 今次吃了....1.茶味濃, 沖左幾十次都仲係濃..正2.綿花雞, 最正係魚肚, 好入味, 雞較少, 大碟0的就好la....豬潤燒賣, 好大塊豬潤, 正架, 不過我麻麻地食豬潤...老公話比較熟, un了一些3.馬拉糕, 都係老公叫, 佢想食4.燒賣, 本來係想等魚

成日聽人講好出名呀,攪到好想食,星期日同yan and yin一齊來試了,大家都有種感覺就係好似返工呀,bec係中環~!老字號古色古香既酒樓,幾懷舊咁呀,個人都鍾意,加上已越來越少舊式茶樓,阿姐推車仔同搶食而加好多酒樓都少了,多數係落order呀.....!至於食物上就覺得普通,可惜食唔到最想食既點心呀><,唔知佢有賣晒定星期日唔整得多了~!有時間會再戰~!魚翅餃~!個賣相幾吸引呀,不過食落同燒賣差唔多味既(只係唔同左個樣),都唔錯~!山竹牛肉~!好普通,不過個人幾鍾意食牛肉~!雞扎~!又係好普通呀~!不過成日覺得喱款點心好似幾難變個味~!燒賣~!等左好耐仲係得普通既燒賣,冇鵪鶉蛋燒賣呀....唔開心.不過照食了,好普通!馬拉糕~!好耐未食過呀,覺得幾好味~!馬拉糕,細個板,不過喱個有係蓮容涵既,幾特別~ha~!蓮容包~!聽講幾好味同出名呀~!即試了~!個涵都幾得呀(真係有月餅既感覺),又唔覺好漏呀,幾好味~!

幾年前去過呢度飲茶，感覺好唔得，D野食又唔新鮮，不過前排有班朋友仔黎搵我食飯，佢地提議去呢度，我一向都跟大圍，所以照黎，估唔到今次有咁大分別！呢度其中一個最特別既地方就係各人有自己既茶，大家可以唔使就其他人，叫自己鍾意既茶就可以了！ 不過最大問題係我唔識用呢個茶壺黎倒茶俾自己... 好在側邊個位肯幫我！呢度要自己出去拎點心，朋友拎左一大堆返黎：魚肚扎 - 我只係食左半塊腐皮，因為本身對魚肚興趣不大珍珠雞 - 好巨型丫，不過見到佢就飽哂，所以我都係無食過...豬肚 - 好好味丫！仲要有好多... 食極都食唔完咁... 好多酒樓D豬肚好薄得黎又無乜味，不過呢度好厚肉架！仲要好入味~燒賣 - 無乜肥肉，好味麻蓉包 - 入面有大粒芝麻，都幾好~千層糕 - 朋友話好味，我覺得一般啦粟米斑塊飯炒底 - 嘩！估唔到咁好味！我咁怕腥既人都覺得個斑塊好香好好味！總括黎講今次簡直係好似去左另一間酒樓咁！好味！

三月十七日 (星期三)今日是Mandy的last day,我們同事為她歡笑特地派人早來等位皇天不負有心人,終於等到一張十二人大枱伙計都問我們為何那麼有神心呢?蓮香樓,晚餐都吃過,午餐還是頭一回,因為想想都擠滿人而令人卻步難得今日多人,當然盡情叫點心!首先是腸粉和鵪鶉燒賣作熱身腸粉頗厚皮,但甚有口感而且餡料十足,絕不偷工減料至於鵪鶉燒賣我倆都沒有吃,同事們卻讚不絕口,味道十足再來是臘腸蒸雞飯看似是平平無奇,吃落雞味已滲入飯內傳內陣陣雞香味的飯,不需餸已可整碗吃掉偏偏餸還是多著呢雞肉肉質鮮美,還有老公仔最愛的臘腸...愛極了同事們點了鮮豬肉燒賣因用了鮮豬肉,比平時吃到的感覺更新鮮而且是新鮮出爐,傳來陣陣香氣,誘死了至於包類,我們分別試了义燒包,奶黃包和最馳名的蓮蓉包义燒包餡豐富,义燒差點滿溢於包外奶黃包-奶黃比出面吃到的較呈固體狀,有點像馬拉糕的味道蓮蓉包-晚市食要訂的,我們有幸嘗到,那陣濃濃的蓮蓉香味,老公仔稱是全港第一!點心以外,我們還叫了三碟炒粉麵飯菜遠石班飯-石班肉鮮而味美,吃過蓮香樓的"炆班刺"應知道箇中滋味菜遠排骨炒麵-排骨肉質煙韌,很有咬口,加上脆脆的麵條,配上出色的醬汁,一