一樂燒鵝

營業中

休息中

今天又是一個人的午餐，由於工作關係，在中環忙完已是三點，路過一樂門口，見唔使排長龍，一支公又即有位，咪入嚟回味一下想當年⋯⋯燒鵝瀨$65~由於冇指定燒鵝位置，所以送上背脊位，筆者一向喜歡有骨落地比啖啖肉更過癮，正合筆者心意。但如果有三兩知己，真係點半隻燒鵝慢慢嘆會開心好多⋯⋯那塊燒鵝脆皮真心造得出色。整體來說:燒鵝真心好吃，多年來仍保持水準，但成為米芝連之後，因已是景點，每每都大排長龍，在這裡遊客居多，所以要耐心等候吃燒鵝。

今日嚟到呢間米芝蓮一星嘅小店其實之前朋友已經帶過嚟食，我記得佢嘅份量好少，但係燒鵝嘅質素真係好好食，同你平時喺酒樓食嘅真係完全唔一樣啦，今次我嚟到又係食返燒鵝瀨，最基本嘅，因為我覺得燒鵝髀瀨一百幾蚊真係有少少貴不過之後有啲後悔，早知叫個燒鵝髀既然一場黎到燒鵝嘅質素無變，仍然都係好好食，個皮好脆啲肉好夠味，選下啲骨都好甜。奶粉嘅份量依然都係好少，我見隔離枱有另外叫一個淨瀨。 下次可以次下。服務態度又冇其他人講到咁差，阿姐都好好態度。

半年前朋友嚟香港玩，話想食，我就試咗我人生第一次既一樂。好好食？咪普通既燒鵝囉。服務態度比一般茶餐廳差。唯一好既就係要求全世界搭檯，比我識咗幾個唔同國家既人吹咗2咀。但係佢地對遊客同香港人既態度真係10個差。後嚟朋友再嚟玩話想再食。我今日經過就入去問下通常鵝比幾點就賣完，等佢有心理準備會賣完。點知遇著個聾耳陳（同其他員工吹緊水但係就係無能力聽到你同佢講緊嘢）🙄。跟住問佢上次經過既時候成間鋪吉咗，係咪裝過修嚟，佢話「關你咩事，你出返去！！！」多謝你咁好既服務態度，我發誓我餓死都唔會再去呢間食。又唔係特別好味，服務態度好似我殺咗佢全家咁。我勸各位諗住帶外國朋友去既人千萬唔好帶佢地去影衰香港人。帶佢地去甘牌食燒鵝，或者再興食叉燒。（再興堅好食，同埋服務態度係上一代嗰種，敬業嗰啲快靚正）

睇食評好多都係寫老板娘發皮四多過寫食物，但凡事都要親身體驗吓方為真。lunch尾聲兩點嚟到，喺門口等咗一兩分鐘就有位。椅同椅之間距離淺窄，如果坐最入個客要走坐路口嗰個要起身讓路先夠行。姐姐好有禮貌，笑容滿面，百忙之中也能和熟客談笑風生。紋身哥哥英文「luck luck」聲，同樣有禮。店員間氣氛歡愉，老闆娘也正正常常，沒有傳說中的經常爆seed。燒鵝飯，$50，分量都幾足，兩份鵝，但如果可以配條菜賣相應該可以更吸引。酸梅鵝醬要同伙記要求先會俾。因為一般鵝飯同鵝脾飯價錢都差幾遠($88)，所以都擔心會俾啲好差嘅部位，但最終都唔差，我呢碟肉都算厚。朋友叫燒鵝瀨就皮多過肉。我第一口食咗一片連肥膏嘅淨皮，脆皮，肥，有啲騷，但我鐘意。鵝醃料入味到入哂骨，但又唔會死咸，食完唔會口渴。自己建議配飯好過配瀨，因為瀨個湯令鵝皮冧咗，享受唔到個脆皮。