下站帖 (已結業)

最近大熱嘅黑糖珍珠鮮奶，雖然都飲過好多次，不過成日都心思思想飲番杯 今日路過下站帖，有兩樣野吸引咗我去幫襯！第1～見到佢個大電視講明係用真鮮奶做飲品，我又偷睇咗鋪頭入面，的確係真材實料，並唔係坊間用嘅奶精！！第二～喺呢個乍暖還寒嘅冬天，我就被熱飲嘅圖片吸引左，平時飲開都係加冰的，冬天飲真係好凍嫁......老虎堂嗰啲係好出名，但天氣太凍真係唔想飲最後叫咗杯黑糖芝士厚醇奶（熱的），另外受人所託外賣杯爆切海檸茶（朋友話之前飲過，要encore!)嘩～台式飲品真係靚，好有層次！最頂有朱古力餅碎（我估係），之後有奶蓋，鮮奶，黑糖珍珠，杯周圍仲有黑糖掛杯。店員好細心，又教我先飲奶蓋，後再攪勻。因為係熱飲，仲比張紙巾我格一格，唔會燙手。人情味嘅野，就係啲連鎖式經營嘅店所沒有。攪勻後就咁嘅樣。下站帖嘅飲品都幾大杯，好抵飲我相信下次路過我會再買來飲，下次天氣暖番就飲杯凍嘅！下次再來，天氣仲凍就繼續飲熱嘅！見到朋友後，偷飲咗海檸茶，酸酸地幾開胃，無咩化學味，係真材實料嘅水果茶。

今日出開尖沙咀行街，經過近排好多飲品店開左既加連威老道，見佢裝修幾摩登，又突然好想飲黑糖珍珠飲品，於是就試下呢間飲品店！看見他們有4款比較受歡迎，於是便跟友人點了兩款試下！黑糖波霸厚醇奶($30)，呢度既黑糖沒有幸福堂咁甜，而我就較為喜歡這間的黑糖，起碼我可以成杯飲哂！他們的珍珠煙煙韌韌，唔會好淋，有咬口！等待飲品的時候，見列他們是用明治鮮奶的，所以飲品很滑！整杯感覺唔會好甜好漏！爆切海檸茶($28)，這款檸檬茶飲唔會好酸，淡淡的檸檬味加上茶香，易入口，令人有舒服清新的感覺！總括黎講，飲品的黑糖飲品比起幸福堂好飲好多，唔會甜到飲唔到，而且飲品店還有一個位置俾你影相打卡，有機會要再黎試下其他飲品！

O係尖沙咀行街, 發覺呢頭最近開左好多飲品店!發現左呢間黎自台灣既新店, 所以就試一試!有好多種類既野飲, 黑糖珍珠鮮奶(TOP1)係必叫既, 另外兩杯就叫左TOP3同 TOP4~Cashier附近貼住左個教學~而店員整好杯野飲都會再溫馨提示~落order後見到店員認真製作中!下站帖波霸厚醇奶黑糖珍珠好夠味, 而且好煙韌, 口感岩岩好!奶味好香, 而黑糖份量好好, 唔會過甜. 之前試過幸福堂, 珍煮丹同老虎堂, 呢間既甜度控制得好好,感覺較優勝呢~日出蜜香紅奶蓋頭幾啖未飲到下面既紅茶. 就咁飲到D奶蓋都唔覺得膩.D奶蓋好軟滑, 好濃郁既芝士味~帶有少少海鹽既咸味! 連埋D紅茶飲又係另一種既感覺, 蜜香紅茶既香甜同奶蓋好夾~好多奶蓋, 正!爆切海檸茶雖然天氣轉涼, 但當日出猛太陽, 所以朋友想買D解渴既飲品.呢杯飲品岩哂! 有青檸同柑桔, 係有層次既酸, 柑桔飲落有D回甘, 好清新!叫左少糖, 甜味又可以中和返D酸味~好欣賞店內有個好型格既打卡位! 影相真係一流!而且店員仲好親切! 

之前都講過我唔係果啲黑糖珍珠奶茶Fans，但我另一半係，成日比佢拉去飲，我唔抗拒既，只係我唔會比錢飲，都係佢飲左幾啖就塞比我，今日又係呢個日子。呢間又係來自台灣既黑糖珍珠奶茶店，已經唔知係第幾間台灣過江龍。飲品店位於尖沙咀既「加連威老道」唔難搵，好當眼，如果黑糖迷一定會開心，唔洗山長水遠先飲到。飲品選擇不外乎果幾款，但係佢有啲特別既款，例如「下站帖花生厚醇奶」、「下站帖芝麻厚醇奶」、「下站帖太極厚醇奶」，但女友揀返最basic既「下站帖波霸厚醇奶」，我就當然又係飲非奶茶類既野。下站帖波霸厚醇奶 $30另一半指呢間店既黑糖掛紋杯係佢飲過咁多間數一數二咁靚，可以Hold好耐，影相同等埋另一杯佢啲紋都仲keep到，平時有啲飲品放1、2分鐘已經冇哂啲紋，呢杯唔會。都係同坊間一樣用明治4.3鮮奶，奶味無需質疑，而佢既黑糖味有但可以更重，而珍珠偏稔左啲，可以更Q彈，整體一般。爆切海檸茶 $26呢杯係用用茉莉綠茶，加左少少玫瑰鹽整成，仲有青檸做調味，飲落清新舒服，唔會太甜太咸，比例調配得幾好，我會中意飲類型既茶飲多好多。正常一間台飲店，對我黎講冇乜特別，加上太多間賣呢類飲品既台飲店，不斷開新既，真係