爆辣冷麵

營業中

休息中

西菁街一向都多好野食，而今次呢間街頭小食店，老闆就將90後嘅童年回憶，昇華到另一個層次。爆 辣 賽 螃 蟹 杯 麵 ($30)中學時成日食包包撈麵，總係食到成手污糟晒又唔夠飽。但杯麵呢個設計賣相相當討好，份量足夠做lunch之餘亦唔會食得狼狽。而賽螃蟹其實係炒蛋白，老闆亦加左蟹柳，增加番啲鮮味。個人就中意落埋鎮江醋，咁就更加貼近賽螃蟹嘅味道😜爆 荽 蟹 子 冷 麵 ($40)滿滿嘅芫茜蟹籽冷麵，芫茜控真係不能錯過🌿卜卜脆嘅蟹籽同芫荽好夾，撈冷麵嘅醬蒜頭味亦超濃，成個冷麵都好惹味。值得一提佢嘅冷麵粗幼適中，可以掛到哂汁同蟹籽，唔錯👍🏻今次第一次食，所有野都只係叫左小辣過下口癮，下次可以挑戰下中辣🔥而除左冷麵外，佢仲有其他小食同炒飯，選擇都幾多。不過所有野都係即叫即整，可能要等耐少少，叫定外賣自取啲時間應該會易就啲。

之前去既時候，小店仲設於小型商場既舖仔，今次再黎已經係搬左去西菁街地舖。而食物款式都多左好多，仲有埋熱食添。佢地既辣真係唔惹少，最少既蚊仔辣都辣架！✨味道75分，服務70分。.🔸爆荽蟹籽冷麵($40)上次男朋友對爆荽冷麵念念不忘，覺得過癮。今次再去梗係幫佢再encore啦~滿滿既芫荽舖係冷麵上面，可以食每一啖都食到。.🔸賽螃蟹杯麵($30)杯裝，最底係冷麵，上面舖左層厚厚既賽螃蟹，仲有啲蟹棒，紫菜絲，蟹籽，西蘭花，呢個諗法幾新穎，賽螃蟹有蛋白香，西蘭花煮得偏硬，同埋杯好滿有啲難撈匀🤣.🔸爆辣哥斯拉雞翼($12/2pcs)正！應該落好重料煮個汁，好入味，亦都好q辣🌶.🔸雞軟骨($38)可以揀辣/唔辣，炒得好香口，好香蒜味，鹹到啱啱好。.🔸蟹籽沙律($48)底下有好多青瓜絲，上面有帶子裙邊，再撈左啲粟米，蟹籽，紫菜，汁都幾多不過較稀身，唔會好膩。.🔸爆辣蒜($25)原來係佢哋自己親手切，可以自己煮餸，打邊爐，醃野調味落。

令人食上癮嘅辣味🔥 毫不吝嗇嘅超大份量✨ 係我對爆辣冷麵嘅印象 今次佢搬咗新鋪 雖然仍只做外賣 不過鋪面開揚咗之餘 位置又方便咗好多 而且又出咗幾款新嘢食 所以我就決定帶埋2位嗜辣嘅朋友二訪再戰啦😍我哋食咗：👉🏻  爆辣哥斯拉雞翼呢個係新推出嘅！雞翼大大隻 色澤吸引 一望就已經令人食慾大增😍 配埋汁同蟹籽 味道亦如預期般咁好食😋 佢嘅辣度係固定 第一啖食覺得唔係好辣 但之後啲辣味就係咁湧上嚟🤣👉🏻爆荽蟹籽冷麵（中辣）芫荽同蟹籽多到鋪滿面 麵嘅份量勁多 譚仔5小辣朋友表示好辣🤧 另一位勁人就覺得啱啱好😋 醬料好好食 可惜天氣太熱 喺戶外食得有啲辛苦🥵💦 建議大家搵個有冷氣嘅地方🌬️ 或者等天氣冇咁悶熱時進食🙏🏻👉🏻 爆辣雞軟骨呢個都係新產品！我本身好鍾意食雞軟骨 呢個用秘製生蒜油炒過 撈埋蟹籽同青瓜都幾好食 辣度都係固定 但就相對容易入口 唔覺唔覺就食咗好多🤣  👉🏻招牌蟹籽沙津呢個新推出嘅沙津簡直係解辣清口腔嘅不二之選💕 當你食完一口辣麵 個口好似畀火燒緊嘅時候 即刻食一大啖沙津 入面有青瓜、蟹柳、帶子裙邊等 令你即刻fresh晒 又可以繼續向辣度挑戰啦😎👉🏻滷水翼尖除咗辣麵、辣小食之外