更多
2021-05-30
1445 瀏覽
今晚外父生日,一家同佢去咗新新酒樓食生日飯,分別叫咗懷舊金錢雞、金銀蛋莧菜、片皮鴨、清蒸鮑魚、蝦多士、砵仔焗魚腸、杏汁豬肺湯、蘢仔荷香薑米蟹蒸飯。先講懷舊金錢雞,第一次食呢味餸,面層係蜜汁叉燒、中間好似係豬油、然後再夾住塊豬膶。食落去幾香口,同埋咁樣食豬膶,個味同平時唔同,感覺變得有啲似鵝肝。金銀蛋莧菜就無咩特別,正常。片皮鴨亦都唔算太突出,同埋啲鴨肉有啲韌,不過就幾多鴨同薄餅。清蒸鮑魚亦都普通,同埋覺得蒸得耐咗啲,鮑魚亦都係有啲韌,同埋無咩味。到碟蝦多士,上碟時都仲熱辣辣,同埋隻蝦好香,件多士亦好鬆脆,唔會太油,乾乾地身,幾好食。砵仔焗魚腸亦唔腥,同埋幾多魚腸喺入面,入面啲油炸鬼亦都唔淋,同一般出面食到嗰啲都幾唔同。杏汁豬肺湯亦幾香,飲落去幾清甜。最正係蘢仔荷香薑米蟹蒸飯,本身一望落去啲飯白雪雪,以為會無咩味,點知食落去啲飯吸咗啲蟹味,同埋有啲蟹黃,而且個飯有啲懷疑係豬油,食落去好香,好正,正到一之次連食三碗。雖然啲餸菜整體唔錯,但有一樣嘢覺得間酒樓需要改善,就係冷氣,成間酒樓熱到好似無冷氣咁,成餐飯都要開住把手提風扇,如果唔係實出晒汗。同埋臨走前去洗手間,發現洗手間入面啲冷氣係超凍
先講懷舊金錢雞,第一次食呢味餸,面層係蜜汁叉燒、中間好似係豬油、然後再夾住塊豬膶。食落去幾香口,同埋咁樣食豬膶,個味同平時唔同,感覺變得有啲似鵝肝。
金銀蛋莧菜就無咩特別,正常。
片皮鴨亦都唔算太突出,同埋啲鴨肉有啲韌,不過就幾多鴨同薄餅。
清蒸鮑魚亦都普通,同埋覺得蒸得耐咗啲,鮑魚亦都係有啲韌,同埋無咩味。
到碟蝦多士,上碟時都仲熱辣辣,同埋隻蝦好香,件多士亦好鬆脆,唔會太油,乾乾地身,幾好食。
砵仔焗魚腸亦唔腥,同埋幾多魚腸喺入面,入面啲油炸鬼亦都唔淋,同一般出面食到嗰啲都幾唔同。
杏汁豬肺湯亦幾香,飲落去幾清甜。
最正係蘢仔荷香薑米蟹蒸飯,本身一望落去啲飯白雪雪,以為會無咩味,點知食落去啲飯吸咗啲蟹味,同埋有啲蟹黃,而且個飯有啲懷疑係豬油,食落去好香,好正,正到一之次連食三碗。
雖然啲餸菜整體唔錯,但有一樣嘢覺得間酒樓需要改善,就係冷氣,成間酒樓熱到好似無冷氣咁,成餐飯都要開住把手提風扇,如果唔係實出晒汗。同埋臨走前去洗手間,發現洗手間入面啲冷氣係超凍同超大風,究竟會唔會喺洗手間同大廳啲冷氣喉駁錯咗?
懷舊金錢雞
10 瀏覽
1 讚好
0 留言
杏汁豬肺湯
9 瀏覽
1 讚好
0 留言
金銀蛋莧菜
10 瀏覽
0 讚好
0 留言
蝦多士
28 瀏覽
0 讚好
0 留言
片皮鴨
31 瀏覽
0 讚好
0 留言
清蒸鮑魚
15 瀏覽
0 讚好
0 留言
砵仔焗魚腸
35 瀏覽
0 讚好
0 留言
蘢仔荷香薑米蟹蒸飯
27 瀏覽
0 讚好
0 留言
張貼