逸東軒

慶祝屋企人生日 提早book左逸東軒慶祝 CP值很滿意片皮鴨(二食) 1隻-HK$780 必試一食配傳統春餅，青瓜，青蔥及海鮮醬二食鴨崧炒飯揀炒飯係因為見到其他生菜包鴨崧d生菜好頹, 但個日見到d生菜好新鮮同埋好整齊 值得一試冬瓜盅 時令湯水 足料好飲燒味揀左叉燒同燒腩仔 食得出係用新鮮肉 真係好好食 必試龍蝦伊麵 龍蝦肉好新鮮有彈口 龍蝦肉與伊麵一齊拌炒 口感濃郁多汁好惹味 鍾意食海鮮龍蝦既 都係必試之一避風塘炒蟹 可能唔係好辣嘅關係 比起龍蝦遜色左少少 唯一美中不足係芒果糯米糍 諗住芒果係時令生果會幾甜 但芒果少酸

之前响活動買到半價$400現金券，趁得閒帶埋屋企人嚟食晚飯。餐廳安排咗坐偏廳，偏廳比大堂光線充足，如果有老人家唔慣坐偏暗嘅餐廳，偏廳係一個幾好嘅選擇。三個人嗌左以下幾個餸，除咗個炸蠔有啲偏鹹其他都唔錯。屋企人特別讚賞片皮鴨，二食嘅鴨鬆炒飯亦都炒得粒粒分明。服務方面，如果侍應可以勤啲斟茶就更好，有時茶壺空咗好耐。另外，我哋有食物想打包拎走，佢冇好似其他中菜廳咁幫客人打包埋，而係俾個外賣盒客人自己處理。可能係因為疫情關係。不過好小事，唔影響整體評價。而家做緊主餐牌八折相對來講都幾抵食

一班舊戰友返舊公司捧場逸東軒真係越做越好大部分嘅菜式都好好味片皮鴨即場片 熱㷫㷫好味😋二食鴨鬆就削咗啲好細碟 味道普通叉燒係必點嘅 肥瘦適中又唔會乾呢個杏鮑菇都好好味 少少辣海蜇頭拼Wasai木耳爽口好味椒鹽豆腐都好味 夠脆 不過細碟咗啲叫咗個例湯 應該係粉葛赤小豆湯都可以嘅 不過飲完之後少少口渴蟶子粉絲煲係職員推介唔錯唔錯上湯本菇豆苗清清地好味全餐最唔掂係呢個南乳一字骨一放入口熔咗 個樣勁似齋舖啲齋一啲都唔吸引總括嚟講食物幾好係細碟咗啲

好出名嘅中菜餐廳，早咗兩個月book先book到星期五晚市，未開始食已經好期待！一嚟即刻叫啲前菜先，話梅車厘茄好好味，酸酸甜甜，話梅襯托下顯得車厘茄更加甜。反而金莎豆腐一般，椒鹽味太重，一度懷疑佢上錯咗椒鹽豆腐燒味揀咗個叉燒，見好多人推介，但我覺得一般，水準略高於一般燒味舖，但唔夠香亦都唔夠鬆軟。片皮鴨就好出色，鴨皮香得嚟唔肥膩，餅皮超薄，兩食先$598真係物超所值！蟶子好新鮮，可惜我食嗰隻略嫌過熟，有啲難𡁻。芝士蟹蓋都好好食，蟹味同芝士味都好出，食晒成個都唔覺得膩。杏汁豬肺湯就正常，但$180一位就貴咗少少。好少食蝦醬生菜呢個組合，幾香口，唔算太油。最後嚟一個甜品收尾，都係好食嘅，糖水舖水準。平日晚市仲有全單75折，去過好多酒店中餐優惠期間都會略降水準，逸東軒係維持水準，難怪booking咁full。

今晚是雙方家長見面，所以找了一個比較得體又安靜的地方坐下來慢慢傾慢慢食，就找了黃店酒店這間之前食過午餐（點心），好正好高質素又抵食，今次同家人一齊食好啲熱茶是出名靚又好飲點了龍井及普洱茶前菜是微辣豆角配豆乾粒及燒肉，幾香口好食菜式不算很多，我們點了：1. 脆皮片皮雞脆皮片皮雞，原隻送來讓我們看，服務員幫忙片成薄片連雞肉，但雞份量少、只有少部份片出的雞片及2隻雞翼連尖；配上蒸出熱熱的傳統春餅、青蔥、青瓜及海鮮醬，包著吃！2. （二食）雞鬆炒飯這個雞鬆炒飯好香，黎到食了唔記得影相，粒粒炒得靚，配有蛋、蔥粒、雞肉及肉粒3. 砂鍋薑蔥爆乳香銀鱈魚這個好香好惹味，銀鱈魚外脆內嫩，配有洋蔥、蔥段等，醬汁香濃配飯一流4. 高湯蝦球窩麵這個好食，蝦球大隻又爽口，高湯唔咸好味，麵軟硬剛好，配有甜甜的菜心苗，自家添上紅醋，更正！