牛極 (通菜街)

營業中

休息中

很久沒有到旺角吃飯了，這晚朋友比較夜放工，所以便來到女人街覓食，見到這間餐廳是吃石燒牛的，所以便試試。晚上9時還是很多客人，首先在餐廳門口點餐，然後店員會安排座位。這裡的沙律、白飯和面豉湯都是任食的，所以想吃幾多可以自己取。另外餐廳也有提供圍裙，不用怕牛肉汁和油彈到在衫上。枱上有鹽、黑椒等調味料，另外也有蒜蓉、辣醬和牛肉汁可以取。我和朋友一人點了一份牛。牛肩排180g，這份牛扒真的很便宜，$80便可以吃到高質牛肉。這裡的牛扒餐廳會先提供1成熟的牛，然後自行在火山石上再煎到自己想要的熟度。而這款牛煎到大概5成熟便是最好食，但就算再熟D，肉質還是很鬆軟，牛肉味濃!牛柳200g，這款牛柳沒有太多油脂，但是食落唔會好鞋，大概煎到7成熟會比較好食，肉質是鬆軟的，而且都幾多肉汁!能夠以這麼便宜的價錢食到牛扒和任食沙律、飯和湯，實在太超值了，有機會一定會再黎食過!

  難得同同事出去見客行同一區，即刻捉佢嚟食好西。  嚟到旺角牛極，一入門口，就嗅到個陣燒牛脂味❤️❤️❤️好餓啦喂  跟住見到門口售賣機，好似買汽水咁，好正，買完就可以自己搵位，自己拎湯拎沙律拎餐具，完全係全自助😂任你添湯/沙律/飯，大食嘅話就啱晒。  我叫咗牛柳200g, 同事叫咗牛肩排180g,因為廚房只會煎1成熟牛排出嚟放上熱石上，所以我坐低都未有3分鐘，牛排就上枱啦，貼心地鋪咗張廚房紙，d油脂唔會彈到成衫都係👍  我嘅建議食法係，食幾多切幾多，輕輕放上石板煎煎佢，咁就5成熟✨，如果切太多就會煎熟晒，塊牛柳好厚身，$110堅抵食啊，肉味都夠，好軟身多汁，淨食晒200g肉完全唔覺得油膩😂塊熱石板好正，因為可以keep到牛排夠熱之餘，重有煎香帶少少脆嘅口感。  同事叫咗牛肩排180g, 無牛柳咁厚身，但肉嘅口感較有層次，肉味都濃，適合鍾意食7成熟嘅朋友仔👍  整體嚟講牛極絕對係牛肉愛好者嘅好選擇，抵食有質素，亦坐得舒適❤️下次再嚟😋

今日午餐同朋友係旺角揀左呢間牛極熱石牛試試，坊間呢排越開越多這類半自助熱石牛肉店，請少助伙記減輕成本可以回饋食客，食牛肩肉大大嚿180g（$80）抵食上枱時連熱石板才一成熟(rare) 靠自己切細件自己按自己食法决定幾多成熟，肉質鮮嫰充滿牛肉味，因為係牛肩肉關係，有筋位食落好有咬口。牛柳200g（$110）上枱時好大嚿，好夠份量，一樣切開一件件自己用熱石之熱力弄熟，好有牛肉味又有肉汁，完全大滿足，值得推介及回頭，愛吃牛嘅朋友一定要嚟試試。

㩒演唱會飛㩒到差不多兩點都唔成功，好沮喪，就call阿媽去食個late lunch。阿媽話好肚餓，就帶佢去牛極食牛扒（半放題）。一共有六款唔同既牛扒選擇，每款有三種唔同重量揀！點餐係用自助點餐機，好方便好日式！店內唔算太大，簡單日式的裝修，令客人坐得舒適！自助區有米飯，湯，沙律，水，醬料，食幾多自己攞幾多！飯係用珍珠米，好軟綿綿；湯是牛肉湯，但有d似羅宋湯；沙律新鮮，加埋柚子沙律汁，好清新令人開胃。牛柳200g （$110）牛肉味好濃，肉質勁淋，自己又可以控制牛柳幾成熟。牛肩肉眼180g （$80）牛肉味濃郁，肉質比牛柳實一些，當然唔會韌。以呢個價錢食到呢種牛扒，絕對超值！

在旺角行完街，想食D重口味既野，見到女人銜有呢間牛極，門口有部日本餐廳的自助點餐機，睇過之後都幾好咁，所以就同朋友入去試下。點菜機簡單易用，職員都會好用心協助，點完想食咩之後，就可以入去坐了。有沙律、白飯及日式牛肉湯任飲，值得一提既係個湯好好味，好有牛既甜味，而且仲有好多羅白、洋蔥等，好足料，我飲左3碗呀我點左$100既牛肋骨，200G，其實都好大件，再配白飯，呢個午餐好豐富呢~~朋友就豪D食牛柳200G, 都是$120，費$20，肉質好軟兩個牛肉都好鮮味，好正。最特別既地方係佢塊熱石板，可以自己將牛扒切細件，再按自己喜好整到O岩既熟度，呢個做方非常貼心，自己可控制食幾生或熟。如果板冷了，可以請佢再換過另一塊板。

近期愈來愈多呢類用火山石燒牛扒上既餐廳，咁就當然要黎試下啦大約夜晚7點半黎到，大約等位等左20分鐘，終於輪到我地入座。佢似足日本餐廳咁，係用自助機點餐後，出返張票出黎然後畀職員，不過部自助機收現金，如果可以增加信用卡或者八達通付款就更加好喇。佢呢到全部都係SET黎，基本上係揀食幾多gram同邊款牛排，然後就出面自助區有得任添白飯、味噌湯同沙律。我地就揀左 牛柳200G ($120) + 牛肩肉眼180G ($80) 牛柳200G牛肩肉眼180G任添白飯,味噌湯,沙律佢上菜時d牛排得一成熟，然後由個客人自己控制燒幾耐，黎決定食幾成熟，咁就唔會出現落單3成熟，結果出黎7成熟既問題佢D牛柳同牛肩肉眼食落都充滿牛味，牛排唔會太多根，質素高另外個自助區除左任添白飯，味噌湯同沙律之外，出面仲有d燒肉醬汁可以拎，有胡麻沙拉汁，辛味芥末燒汁，自家製燒肉汁可以點D牛排黎食。呢個價錢有得任添白飯，味噌湯同沙律，仲有高質牛排食，性價比一流