影片
更多
2020-02-19
339 瀏覽
之前有個女仔Friend強烈推介半山一間隱世Cafe，話啱哂情侶拍拖💏。呢排我盡量唔去人太多嘅地方，所以星期日一早起身同個朋友行咗個圈上山頂，再沿住纜車徑落返山，順便試埋呢間收藏咗嘅Cafe😙。Cafe店如其名，真係喺正纜車徑隔離，纜車景觀一覽無遺。我哋好好彩地霸到個窗口位🌄，所以除咗食嘢外，就係不斷𥄫住出面纜車幾時到，即刻影相。不過捕捉嘅過程非常艱難，纜車電光火石之間就行過咗，舉起手機都影唔切😫。言歸正傳，講返食物🍽，選擇比想像中多。套餐有四個揀，分別係全日早餐、飯同意粉。另外，仲有漢堡包、熱狗同炸餃子等。甜品就有鬆餅、蛋糕同乳酪，但係呢日乳酪已經售罄，無得試埋😭。話哂做完運動，我哋都餓了，所以叫咗好多嘢食😂，要咗兩份套餐、一個漢堡包、一件蛋糕、一件Muffin鬆餅同兩杯飲品。食物放到成枱都係🙈，好豐富。A餐($78)，呢份All Day Breakfast份量十足，有香濃蕃茄雜菜湯通粉、🥓煙肉、黑松露炒蛋、薯餅、茄汁豆同牛角包。🍅蕃茄湯通粉個湯超正超濃郁，好似飲緊羅宋湯咁，喺凍冰冰嘅天氣下飲熱辣辣嘅濃湯，實屬一流。至於黑松露炒蛋🥚亦同樣出色，松露味道香香的，絕對無偷工減料。其他食材
之前有個女仔Friend強烈推介半山一間隱世Cafe，話啱哂情侶拍拖💏。呢排我盡量唔去人太多嘅地方，所以星期日一早起身同個朋友行咗個圈上山頂，再沿住纜車徑落返山，順便試埋呢間收藏咗嘅Cafe😙。Cafe店如其名，真係喺正纜車徑隔離，纜車景觀一覽無遺。
我哋好好彩地霸到個窗口位🌄，所以除咗食嘢外，就係不斷𥄫住出面纜車幾時到，即刻影相。不過捕捉嘅過程非常艱難，纜車電光火石之間就行過咗，舉起手機都影唔切😫。
言歸正傳，講返食物🍽，選擇比想像中多。套餐有四個揀，分別係全日早餐、飯同意粉。另外，仲有漢堡包、熱狗同炸餃子等。甜品就有鬆餅、蛋糕同乳酪，但係呢日乳酪已經售罄，無得試埋😭。
話哂做完運動，我哋都餓了，所以叫咗好多嘢食😂，要咗兩份套餐、一個漢堡包、一件蛋糕、一件Muffin鬆餅同兩杯飲品。食物放到成枱都係🙈，好豐富。
香濃蕃茄雜菜湯通粉
$78
29 瀏覽
0 讚好
0 留言
芝士焗呑拿魚肉醬意粉
$58
21 瀏覽
0 讚好
0 留言
牛肉漢堡包拼薯條
$50
32 瀏覽
0 讚好
0 留言
15 瀏覽
0 讚好
0 留言
朱古力鬆餅
$25
16 瀏覽
0 讚好
0 留言
另外，我哋加$20要咗件合桃朱古力蛋糕🍰，呢件蛋糕嘅朱古力味同樣濃郁，一層蛋糕、一層朱古力，再配搭核桃🌰都幾夾，味道唔錯，不過整體未算太突出。
飲品方面，跟餐叫有得以優惠價換購特飲。我要咗冬日暖笠笠特飲嘅麥蘆卡杭菊蜜🌼(原價$48)，用上透明玻璃杯盛住，菊蜜上面浮住幾粒胎菊，幾吸睛。味道清清甜甜唔錯，無平日蜜糖咁漏，大大杯可以慢慢嘆。
我朋友本身點普通美式咖啡Americano☕️，店員好友善咁推介佢不如試下啲特式咖啡啦，所以後尾要咗埃塞俄比亞嘅G1西達摩Sidamo(原價$85/手沖;$95/虹吸)。我自己就唔多識咖啡，朋友話飲落都幾回甘，甘得嚟唔苦，但聞落就無想像中香，不過都值得一試。
12 瀏覽
1 讚好
0 留言
話哂我主要目的係嚟打卡，所以除咗食物外，都想介紹多少少個環境😊。除咗個窗口位外，室內嘅座位有長櫈同梳化椅，中間仲有個偽火爐仔🔥，真係好鬼正，好似身處喺歐洲啲屋仔咁。
餐廳有個區賣紀念品仔的😛。
餐廳亦設有室外區，有四至五張枱，環境夠哂寫意。再者，依到仲有一張搖搖椅，夠兩個人坐，可以好嘆咁坐喺到Fing下、放空一下。如果張椅係直接面向纜車徑嗰邊，個View會更正😍。
由於個環境太正，能夠令我哋好好放鬆一下。我哋食下嘢、影下相、傾下偈都坐咗差唔多成個下午🙈，真係快樂不知時日過。
總括嚟講，呢間Cafe無乜可挑剔嘅地方，以下簡單幾句可以概括哂：食物好、價錢平、性價高、環境靚、服務佳💯。我曾經有一刻私心唔想寫食評介紹，因為驚太多人會發現呢粒滄海遺珠，下次嚟會變到人山人海無位坐。不過有好嘢都係想同大家分享，而且餐廳質素咁好，絕對值得我好好記錄一下✌🏻。
張貼
