城中鴨子

營業中

休息中

有海港城卷 200 減100 中午12 點去到 唔算多人片皮鴨 好食 值得再食蟹鉗 好食 雖然貴左小小 但值得一試燻魚 甜甜的 不錯 麵類 麻麻地 擔擔麵同嫩雞麵都一般蔥油餅 同牛肉餅 有驚喜小籠包 普通🙃

大排長龍嘅一間餐廳，要喺晚市開始前半個鐘去到開始排隊先有機會入到去食。晚市：平日5:30、六/日/假日6:00👍🏽片皮鴨 - 半隻：傳統式正宗嘅片皮鴨，睇落份量唔多 但都可以包9-10件 算係咁上下啦，鴨皮夠脆、鴨肉嫩滑不油膩 但無香味同鴨味，粉皮夠簿 軟滑、甜甜地 👍🏽 加啲配料甜醬 包完食落口 感覺都幾好 略嫌鴨肉無咩味又無咩燒嘅香氣✨👍🏽燻魚：好食👍🏽甜甜地 外脆內軟 有魚味，唔會燻到乾晒硬繃繃，不過份量較少 一碟得4片 但值得食✨👍🏽牛肉餅：都幾細個 但 確實唔錯，外皮夠乾、鬆脆、蛋香，咬落去 啲牛肉汁泌哂出黎！ 好香濃嘅牛肉味 牛肉餡足料 牛味算重 重有啲咬口👍🏽 外香脆 內香濃有口感， 略嫌份量較少 但 值得推薦✨👍🏽蔥油餅：同平時見到嘅蔥油餅略有不同，外層係香脆嘅脆皮，好似食粥嗰啲卜卜脆，不過佢係厚脆，入面餡料有蔥油碎。食落去口感幾好外脆內香，但係味道太淡唔夠鹹，蔥油餡太少。新奇、都幾好食，可以試食👍🏽✨👍🏽水煮新鮮牛肉：有麻味 有香味 有辣味，可能配合香港人口味，味道適中但唔夠濃。裏面有少少薯粉、金菇菜、同埋新鮮牛肉片。牛肉片嘅份量算多，味道都幾好食，唔會太辣，適合大眾