山田海韓國料理

營業中

休息中

#環境# 環境不屬於裝修精美 但勝在地道 有置身韓國小店 光線冇花巧設計茶單食物相貼滿牆身 但環境卻是挺乾淨 不過餐廳內客人說話聲都有少少嘈 前菜 $0超水準8大碟前菜 泡菜都有兩款 一款較甜 一款較辣芽菜味道剛剛好 唔會有草青味茄子青瓜魚腐都分別腌我剛剛好 絕不會太咸又或者沒有味 真係忍唔住食哂牛肋骨大醬湯 (包飯) $108牛肋骨炔到肉軟腍離骨 但仲好有肉味 雖然大醬味濃郁但仍不會蓋去牛味肉既份量挺可觀 女生絕對飽白菜充分吸收大醬湯 入哂味 送飯一流 仲有好多棵辣豆腐海鮮湯 (包飯) $118雖然得一隻蝦 但蜆比較多 配料亦好足 同入味 絕不是濫竽充數為加而加 (所以沒有菜)味道都不錯 不過大醬湯更推薦 其他上菜時間要一陣 但考慮到熱辣辣上枱同有前菜食住等就冇問題 店舖仲有燒肉 下次絕對會再去試

駱駝漆工廈越開越多食店，其中山田海韓國料理都算係老店之一，韓國人打理，平日lunch time 無book枱都難食到，今次係平日晚飯時段嚟，得一丶兩張枱係吉，都算幾滿座啦。韓式泡菜八小碟，新鮮泡菜(醃製時間比較短，口感爽脆)丶傳統泡菜(味道重，辣D，口感較淋)丶糖漬蓮藕片丶酸蘿蔔條丶菠菜丶芽菜丶茄子丶白蘿蔔丶青瓜P.S. 新鮮嗰種泡菜，有時要自己問老闆先會提供，每次泡菜種類都唔同的其他地方嘅生牛肉未必夠膽食，但呢度嘅生牛肉好新鮮，帶甜味，食過幾次，我腸胃無乜異樣(當然要視乎返個人體質)，好好好味😋牛肋骨大醬湯，係每次嚟必食嘅，肉質已經忟到好淋又入味，原個石鍋上，熱辣辣，可以食到成碗飯，推介👍🏻

朋友介紹我嚟呢間食午餐，環境一般但乾淨。我哋點了招牌炆牛肋骨，大醬牛肋骨湯和石頭窩牛肉飯，$80 each.  招牌炆牛肋骨- 賣相不錯，有紅蘿蔔，白蘿蔔，冬菇和牛肋骨。所有材料都好稔又入味 ，唔怪之得叫招牌菜 。  牛肋骨大醬湯- 賣相唔得，味道也一般，好似食西洋菜湯加牛肋骨咁。   石頭窩牛肉飯- 賣相對辦，味道也很好 ，有一點飯焦，十分香口 下次要嚟試下烤肉先。