牛角次男坊 (荃灣廣場)

營業中

休息中

牛角出品既丼飯，肉質都有一定水準。環境都有日式feel, 因為唔係牛角咁自己燒，就無咁大油煙味。每個丼飯都會有一個前菜同一罐可樂/茶，前菜（中華沙律）無咩特別，野飲如果有得揀日式飲品或更多選擇會更好，始終都呢個價錢都唔算係好平，勝在食物既擺放同質素真係拯救全場。 💁🏻‍♀️豚丼定食（西班牙豚梅肉） $78上枱就覺得佢好驚艷😍! 玉子＋爆多蔥＋好多塊豚肉~ 唔洗講都知一定足料，真係可以一啖肉一啖飯! 呢個價錢確實係好抵👍! 每一塊豚肉都好腍、好入味，有豚肉既味道但又唔會騷，最難得既係明明見唔到有肥膏🤔，但都係腍而又唔係覺得佢落左鬆肉粉~ 醬汁亦好足夠，可以配晒成個飯!正~ 💁🏻‍♀️牛角次男坊丼定食（美國草飼牛腹腩） $88呢個一枱真係嘩😯一聲~ 堆到好高好多牛🤩~ 本來以為實係好似豚丼咁"真材實料"，點知佢塞左芽菜學人僭建🤭! 好彩僭建左既牛都唔少既~ 但望落醬汁唔算好多，多番少少配到飯會更好，但佢既牛係入味同好軟! 佢既質素都係配得起個價錢! 佢有跟4️⃣塊紫菜，仲可以包住飯黎食~ 有多一個食法~ 唔錯~ 推介! 👍

牛角次男坊行親去荃新天地都好想食，因為見到佢d牛肉成座山咁高！去既時侯其實係年初一同埋差唔多九點，所以唔洗排隊，上菜都非常快。今次叫左個牛角次男坊丼定食，d牛真係好多同高呀！牛肉下面有放左d芽菜嘅，令到唔洗成碗飯都係肉咁滯。牛肉都幾滑幾好食，中間有d脂肪，加埋燒汁整體食落去好香口，撈飯真係一流！有少少可以改善嘅地方係d飯煮得耐，差少少口感。成個定食只需$88，有前菜、主餐同飲品（可以選解茶或汽水），唔算話平但性價比都幾高！另外再加＄8就有雪糕泡芙食，整體感覺良好，絕對值得一試！

打著牛角嘅出品，牛角次男坊剛開時已經想試。黎到當然不得不食牛肉，叫咗牛角次男坊丼定食。$88定食包埋道地解茶、小菜。上菜時目光已被成個牛肉小山丘所吸引，蓋過成碗飯。牛肉上有滿滿嘅燒汁，送飯一流，燒汁比較濃味，食得多會有少少鹹，好彩有枝解茶。牛肉有大約7-8片，每片都好大片，啖啖肉好滿足。牛肉唔係肥牛，唔會有好多肥膏，但都冇燒到乾曬嘅情況。話明係燒肉，肉嘅油脂出曬黎。雖然好邪惡，但間唔中一次半次冇所謂啦。下次仲想試下豚肉丼！