牛角次男坊 (荃灣廣場)

營業中

休息中

每次經過都見好多人排隊，晚市6點半左右，趁未多人去食。而家外賣更加有優惠添。入座前要量體溫，可以揀好位，睇岩食咩之後，先去收銀處落order，等職員送餐，好似semi自助形式。叫左牛角次男坊丼配鴨肝定食($139)，豚丼配穴子定食($98)。食物堆到好高，好似一座山咁，好吸睛。首先，鴨肝外皮煎到夠脆，咬開啖啖油脂香味，唔會油膩。牛肉起碼有10多塊，每塊既size都唔細，而且唔係薄切，所以好滿足。加埋牛肉燒汁一齊配飯食，一流。有大量蔥絲，感覺清新。個豌唔大但夠深，所以食食下都幾飽。可以揀普通豚丼或者有配穴子既定食。穴子一大條放係面，有噱頭。穴子燒完好香，唔會有骨，啖啖肉，而且肥美算厚肉。而豚肉肉味重，亦都係每片都厚。仲有紫菜絲係飯上面，同樣有大量蔥絲。定食跟一個前菜，及飲品。前菜係中華沙律，清爽正常。而飲品可以係道地解茶/汽水。整體，menu仲有好多款巨丼可以揀，不定時會有新丼推出。輕鬆舒服食dinner。

2019/12/24同男朋友去嚐新 開左咁耐第一次去食因為平安夜男朋友早左收工 可以去撐枱腳男友叫左牛角次男坊丼配鴨肝定食官網說係匈牙利優質鴨肝 入口即化但係可能無乜人真係點呢個食 所以廚房整得麻麻鴨肝唔夠熟 外表唔夠金黃 口感唔夠脆btw可能因為煎得唔夠耐 我同男友都瀉左一日亦可能我食物敏感 剩係試左佢半塊鴨肝 第二日全身風癱除左肝之外 牛肉夠香好好食 略嫌邊位太乾身丼飯本身加左大量芽菜增加高度芽菜炒得爽口 唔會太老 鐘意芽菜會覺得加分而我自己就叫左豚丼配穴子定食豚肉都係好食 只不過有點太老 邊位硬左dd豚丼會配京蔥 而我對京蔥麻麻地京蔥偏生望落無炒過 反而如果佢配洋蔥會更好穴子方面 肉質細滑 煮得剛好 可以再燶d口感都係略嫌唔夠脆/硬 入口感覺好軟咁穴子外表唔係我鐘意既口感 不過都好食飯食方面 略嫌太硬 用既係珍珠米但係可以再落多d水 因為肉又硬飯又硬會食到好攰整體黎講 係好食既 對得起價錢但係如果佢可以每個細節位花多一分鐘個定價可以再高d 所以而家既水準只係對得起價錢最後 其實都係要睇返當日廚房心情可能今日心情唔好 所以先會失水準始終煮野食既廚師們 都唔係食客控制得到