牛角日本燒肉專門店 (荃新天地2)

營業中

休息中

今日去左荃灣行街，夜晚心郁郁想食牛角，但而家好多人都係金會員，所以每次都要等好耐，自己又未做會員，所以晨早去拎飛，一路行街一路等，最後等左一個鐘終於入到去。每次食牛角都會飽到頂住走，其實都幾辛苦，所以我地兩個人都係散叫啲黎食住先～上級牛肋肉，肩脊肉，牛舌就基本黎一碟，跟住牛油金菇，多春魚，同埋今期做緊既熊本豚肉（辛辣味）！當然，重點係牛角飯，真係要一人一碗先夠！！「特選燒肉六品盛合」因為今次唔係食buffet，所以燒完一輪都覺得差少少咁，就再加一碟「特選燒肉六品盛合」，同一杯梅子青檸梳打gur下。最後又係飽到頂住走，但真係大滿足！餐廳：牛角日本燒肉專門店 (荃新天地)  Gyu-Kaku (Citywalk)地址：荃灣楊屋道18號荃新天地二期地下G69號舖Address：G69, G/F, Citywalk 2, 18 Yeung Uk Road, Tsuen Wan#肥誠 #肥誠搵食 #餐廳 #香港美食 #香港餐廳 #灣仔 #觀塘 #屯門 #金鐘 #早餐 #午餐 #晚餐 #hongkong #hongkongfood #hongkongfoodie #hongkongfoodblog

雖然週末下晝去食牛角午餐冇七折，但對於上班一族嚟講，可以喺weekend享受吓好食嘅日本燒肉，都係好吸引的～今次介紹吓每次去到都會食嘅組合！-1）燒肉定食B 網燒一口牛+丹麥皇冠豚扒（半塊） $85其中一份餐點我通常都會叫燒肉定食B，因為可以用比較平嘅價錢去食曬牛同埋豬，而依個皇冠豚扒質素係好高的🐖豚扒建議一開始放喺網嘅正中間去燒大概5至7分鐘，受熱會比較平均；至於網燒一口牛，鍾意口感比較Raw嘅朋友記得燒4至5分鐘就好食啦！（當然時間都取決於當日爐嘅火力）-2）燒肉盛合定食F $135另一份每次必點嘅就係F餐！對於熱愛息口嘅人士來講F餐應該可以滿足到大部份願望，特別係厚燒牛舌！真係每次食都特別Juicy🥴盛合定食免費送埋牛角飯，上面紫菜都多，可以同普通定食嘅飯share食～（而且仲有得免費追加，所以好抵食！）所以一個燒肉定食+一個盛合定食=抵食夾好食の組合(ง'̀-'́)ง-3）會員優惠！海鮮二品盛合星期一至日食夠$200都可以用呢張優惠券，呢個set有兩隻蝦同埋兩隻廣島蠔🦐出乎意料隻蝦竟然好好食🤫本身都以為冇乜特別，但食落鹽香幾重，唔會好淡，廣島蠔就不過不失～-真心分享🤭我認為鍾意食日

老公生日話想食燒肉而家又無晚市 所以就帶佢去牛角食午餐平日都幾多人食等咗差唔多半個鐘先有得入發現原來入面都好多張吉枱不過人手唔夠 所以未執得切ʅ（◞‿◟）ʃ如果人手夠我諗一早就入得 好叫咗一人一個餐 F牛角特選牛五品燒肉盛盒$135同G和牛3品&牛角2品$228 湯同沙律都上得好快過5分鐘左右都上埋個肉我地先食F餐嘅肉 每種肉有兩片我同老公全部一人一半 當中有兩款係牛舌牛舌真係牛角最好味嘅肉！食到咁上下 肉都無咗大半碟 個飯都未到都差唔多等咗15分鐘見到格離兩枱都追緊個飯 我地唯有再追追佢 講完都過咗5分鐘先出到 其實真係幾失望始終有時淨食肉咁「漏」都想食兩啖飯中和下同埋本身都好期待個牛角飯食完我F餐就食下個G餐點知當中有兩款肉都唔係好靚 肉質好多根牛味都欠奉 只有一款牛肉好少少 應該真係和牛入口即溶 又多油 好好食！不過成個餐228都真係唔太抵食下次情願叫多個F餐 好似抵食d 食到中間又再叫多兩碗牛角飯（因為午餐牛角飯係任食）但又係等咗超過15分鐘 真係唔係想怪d員工 因為見到佢地都好努力做野 無停手 真係睇得出佢地好唔夠人不過始終食野又限時但成餐飯我就已經白等咗30分鐘 等牛角飯