All Day Cafe (已結業)

💁🏻‍♀️甚少喺上水出沒嘅我喺上水廣場搵食，雖然已經係中午但對我嚟講係早餐時間想嘆番杯咖啡，見到呢間Cafe 座位寬躺舒適就揀咗呢間飲杯啡☕️食個brunch。叫得做All Day Cafe當然主打係All Day Breakfast🍳，All Day Breakfast嘅基本組合有沙律+蕃茄+火腿+蛋+茄汁豆（$68），如果想食豐富啲就（$98+ ）- 可另加五款自選食物，自選配搭有好多唔同嘅組合，如煙三文魚、大啡菇等，全日早餐擺盤用心，賣相精緻，蛋炒得香滑濃郁，炒蘑菇鮮甜多汁。朋友想食得light d叫咗個特色沙律House Salad 🥗 ($58)，沙律菜非常新鮮份量多，店員介紹個醬汁係自家製蜜糖芥末口味，入口柔和清新。點左兩款特別口味嘅咖啡- 🍊香橙意式濃縮咖啡 Iced Mandarin Expresso ($48)，呢個配搭互相協調得幾好而且顏色仲好靚，橙香味為黑咖啡添上一份清甜。🍫🍊熱柑橘朱古力咖啡 Mandarin Mocha ($52)，呢款係加咗橙肉粒嘅朱古力咖啡，香橙朱古力係一個經典配搭，橙味同朱古力味平衡得剛好唔會蓋過咖啡味，整體味道配搭不錯。除咗全日早餐，餐廳仲

無嚟上水廣場一段時間，原來呢度五樓翻新過，多左好多食肆，經過呢間Cafe，喜歡果種簡單明亮嘅感覺，再加上見到杯香橙意式濃縮咖啡，感覺好特別，應該幾好飲，所以在眾多食肆之中揀左呢間食Lunch。疫情關係食多左嘢，見到有特色沙律，即刻揀呢個，食得健康d😀；朋友就揀左拿破崙意粉，仲有黑啡(Americano)。香橙意式濃縮咖啡🥃其中一款靚嘅、好味嘅咖啡就係有柑橘嘅果香，所以先會被呢杯吸引入嚟。果然無揀錯，入口第一個感覺好Fresh，好香甜嘅橙味🍊，攪拌後再試一口，感覺好得意，橙味同咖啡味各自在嘴裡邊，然後咖啡嘅香濃味慢慢蓋過橙味，最後只剩下咖啡嘅餘韻。隨著時間過去，再慢慢細嚐，橙味已慢慢被逐漸蓋過，但呢杯Espresso的確易入口、醇厚。特色沙律🥗好鍾意淋喺面果層嘅蛋黃醬，唔只顏色靚，入口好滑，微微有一點介辣嘅香味，仲有好開胃嘅微酸(分唔到係檸檬汁，還是醋)，配上新鮮嘅羅馬生菜及車厘茄，味道很清，亦很夾。拿破崙意粉🍝配料有火腿、香腸、磨菇等，呢個拿破崙醬又係好好味，坊間好多拿破崙意粉都係有過濃嘅茄汁味，但呢款唔係，食得出有蕃茄嘅香濃，但唔會太搶味，因為除左蕃茄嘅酸味，仲夾雜著一種好清新嘅微酸