帝京軒

平時唔會考慮新鴻基旗下的酒店，因為join咗帝賞會有$100迎新卷又有9折，所以訂枱嚟試下星期六分了時段，10:00-12:00/12:00-14:00/14:00-16:00，下午茶有8折但唔用得$100迎新卷，我地揀咗12:00嚟，嚟到時已好full，環境、裝修都幾好，唔知係咪剛翻新過呢？訂位時話可以留2-3位，但到昨日都無打嚟confirm booking，我都主勳同酒店講返今日得2位，但嚟到都是擺咗3位，服務方面就做唔到唔洗自己加茶呢樣嘢，加水後壺水失蹤咗叫咗一些小菜廿年陳皮煎焗翡翠澳洲鮑魚，酒店上咗刀叉，我以為原隻上，原來已經切片，幾惹味但d🍄偏咸金鈎蝦醬啫啫唐生菜，D金鈎好大隻呀！香脆芝麻蝦多士，蝦大隻又彈牙但偏咸，多士夠脆之後蒸點就開始嚟啦！出面少有的懷舊都有2款珍寶水晶鮮蝦餃，漲卜卜又真係幾大隻，皮薄、蝦肉彈牙但都是偏咸懷舊乾蒸牛肉，比其他酒樓好食、大件少少羊肚菌鵪鶉蛋燒賣，鵪鶉蛋剛剛熟、燒賣底有🍄香唔錯整體嚟講，食物唔錯，可以係無期望下有意外驚喜

📯以往都是吃這裏的晚膳，由於疫情的種種原因，很久沒光顧了。摯友相約，又看到下午茶有7折，決定就在此相聚🪑仍是坐得寬敞和舒服，有一定的枱之間距離🔰珍寶水晶鮮蝦餃$78(折後$54.6)，真的很大粒，餡料也足，但蝦餃皮要改善，一夾啲皮粘著筷子，皮便破爛🔰山竹牛肉球$50(折後$35)，只有馬蹄粒而沒有芫荽，相信不吃芫荽的人士會喜愛，但我愛吃芫荽，那就像欠缺了重要的食材🔰豉蒜蒸魚雲$128(折後$89.6)，新鮮嫩滑，豉蒜惹味，佐飯一流🍚🥢🔰燒味拼盤$338(折後$236.6)，1. 燒鵝👉🏼剛巧是髀位，甘香肉嫩，啖啖肉搭配酸梅醬，不錯2. 乳豬👉🏼乳豬皮脆卜卜🤩，像吃薯片般，皮下有一層脂肪，個人喜歡去掉3. 义燒👉🏼太瘦不嫩，質感嚡，下次再吃時要order半肥瘦燒鵝🌟🌟🌟🌟乳豬🌟🌟🌟🌟🌟义燒🌟🌟

是日三人行慶生，諗住食好啲，所以揀咗帝京軒。大家睇嚟睇去都係覺得食午市套餐抵過嗌點心，雖然最少要叫四位。首先到既係荔芋元貝天鵝酥（左上角）、玫瑰桶子豉油雞（左二）、XO醬海蜇蟲草花（右上角）同金牌黑豚叉燒（左下角）。天鵝酥賣相好可愛，芋頭餡好味唔會太鹹，天鵝頸食落甜甜地，質感似餅乾。XO海蜇蟲草花辣辣地，好開胃。叉燒最有驚喜，半肥瘦，肉質正，非常入味。相比之下，豉油雞就普普通通。跟住就到老火湯（是日老火湯係牛大力粉葛紅蘿蔔扁豆湯），飲得出無味精珍寶蝦餃有如其名，大大隻，皮厚薄適中，裡面既蝦爽口又有鮮味呢個琥珀牛肝鮮菌蝦球桂花蚌都好好食，琥珀合桃好新鮮，蝦同蚌都各有四件而呢個燒賣有別於一般酒樓既燒賣，上面既黑魚子好鹹香，裡面既肉餡一啲都唔油膩，讚！其實都已經食到幾飽，不過都覺得龍躉柳好食，平時怕腥唔食魚既都可以一試。加埋陳皮同薑蔥一齊食就仲香，比較有驚喜既係墊底既本菇，吸收咗龍躉、薑蔥、陳皮同豉油既精華，好好食。到荷葉飯已經食唔落，因為要留肚食兩款甜品，所以成個打包。夜晚整返熱黎食都好香好食，裡面有蝦、燒鵝同冬菇等配料。最正既係甜品都有兩款。首先到既係蛋白杏仁茶。甜度適中，杏仁磨得好幼滑