老虎堂黑糖專売 (渣甸街)

營業中

休息中

係黑糖珍珠鮮奶系列當中，又點少得呢間♥老虎堂黑糖專売♥！珍珠厚鮮奶 $30一場黎到，緊係要試下佢地既招牌飲品啦，就係呢杯珍珠厚鮮奶啦～嘩嘩嘩，店名真係無改錯，同杯野飲相當MATCH！因為賣相已經被黑糖打造成老虎紋一樣，好吸睛呀～👀✨佢既奶味雖然都重，不過出奇地我又接受，因為唔係一味得個甜，配埋佢既黑糖味道，令佢既甜味係有層次😋而且珍珠都好好咬口，偏和淋身少少，味道都係帶有甜甜的味道，係我飲過咁多珍珠鮮奶當中算係最好飲同埋最抵飲既一間🤘🏻

做嘢咁辛苦得閒梗係要出嚟抖下啦。銅鑼灣珍珠奶茶嘅選擇有好多，同一條街上邊買珍珠奶茶嘅可以連住三四間。而黑糖珍珠奶茶當中最出名嘅可以話係老虎堂。我去到嘅時候四點幾，咁啱冇乜人排緊隊，前面淨係得六個人，當我買完嘅時候，後邊已經有十幾個人排緊隊，所以真係好睇彩數。如果趕時間返office嘅話，其實旁邊都仲有好幾個選擇。落咗order要等十幾個號碼，但事實上等十分鐘就有得飲啦。今次我叫咗珍珠厚鮮奶，杯嘅外邊有老虎斑紋，上下搖十下前左右就可以飲。鍾意大粒珍珠嘅朋友可以叫波霸，我自己叫珍珠，鍾意細粒唔使咬，黑糖味同奶味都好重，珍珠有黑糖味，有趙口唔會太軟。值得一提，老虎堂係可以用八達通俾錢，但係旁邊嗰間淨係可以用現金。