春水堂人文茶館 (創紀之城五期(apm))

營業中

休息中

本來約了朋友在牛頭角那邊晚飯，但她遲了放工，為讓朋友放工後快點join，就揀了就近地鐵站的apm。朋友羅列了幾間有興趣的食店，只有春水堂是我還未試過的，就決定試這間咯！平日晚上7點9，店門外也有不少人在等位。輪候了約20至25分鐘左右才輪到我們。春水堂以茶飲起家，是源自台中的連鎖茶館。單一杯原味茶，沒什麼配料都要$30杯了～～也沒有任何點主食再加配飲品的優惠啊！所以價格屬偏高，對餐點和飲品會有略高的期望。紅燒牛肉麵，湯底味道香甜溫和，不會太油膩。麵條是用細麵，麵質滑溜卻不算彈牙。牛肉與牛筋份量足夠，牛筋大大件，煮得夠稔身入味，好食！牛肉的質感亦夠軟稔，肥肉部分不多，容易入口。魯肉飯 (小碗)，魯肉份量幾乎滿蓋飯面。魯肉雖已是半肥首，但甘香度還是稍欠。招牌滷味豆干米血糕 ($58)，這道完全是很台式風味的一道滷物！！一整碟以豆干為主，有少量的米血糕，但卻沒有我所想的「鹵味」如牛筋﹑牛肚和大腸等等。醬汁的味道也很特別，有說是帶點沙茶醬風味的特調滷包醬汁，帶微微的辣。米血糕口感不錯，黏糯而不軟爛，本身米血糕無什麼味道，所以也要蘸點醬來吃！豆干幾香，也很吸醬汁，但份量太多，愈吃就愈覺得濃味和鹹

我被餐牌幅相同甜品名吸引著, 於是我就點了這個珍珠鐵觀音雪糕吐司小編本身好喜歡食吐司, 喜歡飲珍珠奶茶, 又好喜歡飲鐵觀音茶和雪糕 所以我就決定點這一個集於一身我喜歡的甜品最驚喜係雪糕上面灑了一些珍珠, 而吐司就好似我哋平時食嘅西多士一樣, 切開咗四塊, 烘得金黃色, 裏面麵包係香口的, 夾住鐵觀音雪糕同珍珠一起吃, 非常之特別, 加上灑上一些焦糖汁, 並不是太甜, 是小編最喜愛的一款甜品之一

Apm 台灣菜地點在APM裏面方便易找，另收+1服務費，環境舒適樸素#珍珠鐵觀音雪糕吐司 $58製作需時20分鐘，感覺有點像天仁茗茶疏乎厘上的忌廉，不錯，不過底下有很多焦糖很甜XD 鐵觀音雪糕都OK，有兩小球～茶味再多一點就更好。吃完有點膩#觀音可可流沙包 $23熱烘烘的留心朱古力，不會太甜，外形跟奶皇包一樣～可以試一試服務質素：6/10環境舒適度：7/10ᶘ ᵒᴥᵒᶅ個人口味評分：6/10#foodies

珍珠鐵觀音雪糕吐司$ 58去到春水堂除吃食滷肉飯、鹽酥雞、牛肉麵、珍珠奶茶曾其實仲有好多甜品揀㗎！今次叫咗呢個toast，表面有好多珍珠仲有一大pat cream，呢個combination好難唔好食！啲珍珠真係好好好好味呀，夠晒煙銀！個雪糕係鐵觀音味，茶味都幾香濃，茶味嘅話又唔會太甜。個吐司有烘過，食落好香脆，卜卜脆真係好正啊。一齊食好好味，推介推介〜呢度嘅位置都好方便，坐得好舒服，推介大家都嚟！！！

作為鍾意食甜品既人當然會周圍搵下有咩好食既甜品啦，今次就黎到觀塘既春水堂，又係唔洗等位，就入去試下佢地既台式甜品。環境都算大，夠光又夠乾淨，所以都坐得好舒服。睇完menu，最終決定食珍珠鐵觀音雪糕吐司，黎到既時候賣相係唔錯既，多士一睇就知係岩岩整既，唔係放左好耐淋哂個Ｄ。珍珠數目都夠，唔會太over或者太少，所以睇到都覺得唔錯。之後就當然係放入口試下啦。一入口，多士既脆吸收左雲尼那雪糕既甜，再加埋珍珠既咬口，同時加插左鐵觀音既香，再係會好想想完一啖再食一啖。份量就唔算少既，但真係太好味，搞到我想叫多份！但為左唔好食唔落晚餐，所以都係食一份就算。

😳唔知係咪去唔到台灣既緣故, 成日都好想食台灣菜 頂住癮先😆, 呢間bookmark左好耐, 喺台灣珍珠奶茶始, 終於黎左試下😋😷疫情期間門口未算好多人排隊, 入座前店員都會同食客先量體溫, 枱與枱之間本身都寬敞, 較近既座位都有安排隔枱黎坐~野食方面，每次首嚐台灣菜餐廳, 我地通常都慣左點碗牛肉麵來試下虛實, 今次都唔例外, 揀左"紅燒牛肉麵-半筋半肉", 牛肉偏軟腍, 牛筋就炆得幾腍, 但就幾中意佢嘅麵身, 比其他台灣餐廳幼少少, 幾特別又Q彈, 唔會過淋, 湯底幾重牛肉味又唔鹹, 食完一段時間都唔口渴~👍🏻👍🏻😅缺點係份量較少, 只有2-3塊, 麵量也不多, 男人食應該唔夠飽XD😂😂😗由於想食鹽酥雞又想食魯肉飯, 但個胃又食唔落2個菜, 唯有叫"鹽酥雞翼魯肉便當", 諗住可以一次過滿足2個願望XD😆魯肉好香, 係半肥半瘦, 滷水如果再多點就更出色, 而鹽酥雞翼幾大隻, 可惜味道就一般, 炸粉唔多但都唔薄, 雞翼醃製未算太入味, 睇黎都係分開單點返"香酥雞"會好d XD😂😂黎到👧🏻👧🏻最愛既甜品時間: 🍦珍珠鐵觀音雪糕吐司, 一黎到已經聞到好香既黑糖味, 面頭淋上咗黑糖醬同軟滑嘅忌

平時午飯時間想食春水堂可謂無乜機會, 因為條人龍太長. 而家少左人返工終於可以試下.紅燒牛肉麵同牛肉湯牛肉麪各有千秋, 想食得清淡啲可以叫牛肉湯, 牛肉好腍好滑, 係碗麵比較細啲, 如果男仕食可能未必夠飽. 便當就比較豐富, 有湯又多配菜, 鹽酥雞翼都算大隻,滷汁排骨就有啲平淡. 4個人唔夠飽就叫埋招牌甜品珍珠鐵觀音雪糕吐司. 幾種味道質感合而為一非常滿足.珍珠奶茶就好睇個人口味, 對珍珠唔大興趣嘅都可以叫奶茶, 杯芽奶茶係我嘅推介.

今日同朋友去春水堂食下午茶，終於都可以品嘗一次，但去到個時候已經long q左，等左幾張枱終於到我地！基於唔想食太飽所以就左一個魯肉飯share食，肉既分佈唔會過多，而且有肥有瘦，唔會太肥膩。而且面上有少有既肉鬆，令飯上面有啲咬口同兩種味道！不過我認為飯比較軟身，咬口唔太有。但整體味道9/10 ！而且魯汁唔會太咸同食完並唔會口渴，有台灣本土味道😍另外甜品叫左個珍珠烏龍雪糕吐司，超級重茶味，十分香，完全可以覆桌！如果雪糕mix cream 味道啱啱好，唔會太過甜同膩！ 不過如果單食雪糕，會有點甜。但整體10/10😍😍另外吐司即整，所以上枱時，仲會脆卜卜！

一直都好想試下珍珠奶茶既始祖春水堂，但之前岩岩登陸觀塘既時候，實在太多人排隊了🥺今日終於再黎，雖然都要排隊，但好似就冇之前咁多人。我同朋友等左一陣，終於可以入座了！呢度既環境幾好，坐得好舒服😌我地叫左紅燒牛肉麵(半筋半肉)、豬手魯肉便當🍱、珍珠紅豆鮮奶茶、愛玉檸檬綠茶同埋香港限定既甜點-珍珠鐵觀音雪糕吐司🍞-🎈紅燒牛肉麵(半筋半肉)湯底好濃味，都算重牛肉味🤤至於啲麵配上半筋半肉，感覺幾好食！-🎈豬手魯肉便當我同朋友都強烈推薦呢個豬手魯肉便當🍱因為豬手實在整得太好食了，完全炆煮得好淋同好入味🥳不錯不錯👍🏼-🎈珍珠紅豆鮮奶茶呢杯珍珠紅豆鮮奶茶，飲落去口感比較豐富🙆‍♀️因為有珍珠同紅豆配上鮮奶茶，啲紅豆溶落去啲奶茶入面，飲落去好有層次。-🎈珍珠鐵觀音雪糕吐司第一啖食落去個感覺好新奇😍因為個雪糕係鐵觀音味！！再加上佢仲淋左啲黑糖係面，成個配搭都幾特別～總括而言，我個人覺得都值得一試的😊不過價錢來說，就偏貴左少少！

餐廳採用木筷子, 甚為不環保。小小地食一餐, 再補甜品。魯肉飯 (小碗) $28魯肉飯滿滿一小碗, 加上小食一款, 份量剛好, 還可給甜品留一個位置。肉鬆增添惹味, 魯肉肥瘦適中, 肉汁剛好足夠, 唯淨下飯和汁時則覺清淡。鹽酥杏鮑菇 $38鹽酥杏鮑菇雖然沾上椒鹽, 但味道不會鹹。杏鮑菇夠飽滿肥美, 唯炸得不酥脆, 略為偏硬。珍珠茉香奶茶 (凍) $34珍珠茉香奶茶, 苿香茶味芬芳, 珍珠細小煙韌。珍珠鐵觀音雪糕吐司 $58珍珠鐵觀音雪糕吐司的鐵觀音雪糕味濃, 放在熱燙的多士上, 溶得特別快。多士熱脆, 沾上溶了的雪糕、黑糖漿和忌廉同吃, 甚是滋味。唯珍珠味淡, 與吐司未能融合, 變成獨立個體, 實在可有可無。

春水堂在台灣相當有名，每次去都是買飲料居多，真正坐下來用膳卻只在很久以前試過一次，所以當它竟然在香港開了分店，無論如何也要一吃。雖然已經不是新張期，人客依舊很滿，下午茶時段等了約5分鐘後入座。餐牌長這樣，好正式，裡面的菜單都有附圖，看起來頗吸引。等了10分鐘左右，紅燒牛肉麵半筋半肉先上桌。湯底不算濃，沒有紅燒的重口味感，牛肉偏腍，相比起來牛筋的咬感好一點點，麵身亦太軟，在吃過的台式牛肉麵中只屬下游水平。飲料等的時間更久，一杯珍珠紅豆鮮奶茶差不多20分鐘才出現。奶茶接近台式味道，茶味比奶味稍重，配上微甜的紅豆和小顆的珍珠剛剛好，不會太膩，而且價錢並不貴，畢竟台灣那邊也賣到NT160一杯了。特地後上的甜品，珍珠鐵觀音雪糕吐司。吐司應該有略烤過，但完全沒有酥脆感，鐵觀音雪糕帶有淡淡茶味，卻溶化得太快，加上甜度高的黑糖、份量多的忌廉和粒粒珍珠，搭配起來雖好吃，到最後還是有點飽膩。整體而言，水準還是及不上台灣的店，始終隔了一個海洋，什麼都不一樣了。

4點幾經過春水堂唔多人，排15分鐘左右已經有位！本來想食甜不辣同魯肉飯，點知兩樣都sold out。聽職員推介試黃金地瓜條，加埋梅子粉都唔錯！反而個鹽酥雞翼粉厚又無味！飲品方面，珍珠茉香奶茶當然無失威！茶味夠珍珠有咬口，另外嗰杯愛玉鐵觀音檸檬茶就酸到震，仲有啲澀口添！不得不提係甜品「珍珠鐵觀音雪糕吐司」有驚喜！雪糕好有茶味，加埋啲滑滑嘅泡沫～就咁食都好正！