合益泰小食

營業中

休息中

小朋友停課，趁佢哋喺屋企網上上課，我同老公仔去樓下食個極速早餐🤣🤣🤣食最高人氣嘅合益泰小食埋嚟睇埋嚟揀款式眾多，價錢優惠，任君選擇🤣🤣🤣睇吓我嗌咗啲咩兩丁友，少少哋嗌住4樣嘢食先啦混帳腸粉係佢哋嘅王牌小食，我同老公仔都唔客氣嗌咗大份的。又大份又好食，超正，食到我同老公仔舔舔脷😋😋😋大大隻珍珠雞，都係$6雞咋由細到大我都非常喜歡吃珍珠雞，所以我覺得呢隻珍珠雞超好味 魚片粥又係我的至愛，大大碗，粥底又綿又滑，魚片又多又大塊。不過唯一的缺點就係，啲魚片好多魚骨🙈大大粒牛肉球，新鮮牛肉打制而成，咬落去，啖啖肉又Juicy，呢個都係必食推介，三粒大大粒嘅牛肉球，都係$12咋！極速早餐食到呢度，係時候返屋企湊馬騮仔了🐵

其實早在合益泰未奪米芝蓮「香港街頭小食」之前，我已久聞其名，但一直無暇拜訪。因為身為宅女的我，黃金絕不是我愛流連的地方，最多要買相機配件時，才會到鴨寮街一趟，但一年中也不過是一兩次。剛巧星仔父母今次來香港，我們正好一行幾人拜訪合益泰，好多試幾款食物。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊合益泰就在桂林街，從深水埗港鐵站C2出口直行約2分鐘就到，非常易找。甫到時雖然只是早上十時許，但店內已座無虛席。座位都是自己進店內自己找的，所以不難發現三三倆倆的人站在快要離開食客旁邊。店面雖然不算大，目測約三四百呎，但因為座位較迫，食客都擠在一起，所以也可容納四五十人。餐牌選擇不算多，主要分小食、粥品、粉麵和飲品，由$3至$25不等，價位非常親民。 豬肉艇仔粥($15)艇仔粥有分牛肉和豬肉，但來到時侍應說沒有牛肉，所以就選了豬肉。粥品份量就跟一般粥店差不多，但價錢卻非常划算，而粥料也沒有因為廉價已減少份量。粥底煲得非常綿滑，入面有魷魚、豬皮、豬肉丸和蔥花，味道不錯。 燒賣($10/3粒)燒賣每粒如乒乓球大小，以$10三粒計，確是非常抵食。不過肉質就不夠滑口，味道只屬中規中舉，

4月17日, 因為有要事, 中午時間就嚟到深水埗~ 先去食個街知巷聞嘅腸粉做早餐~ 外賣大排長龍, 但係堂食就唔算多人, 好好彩等一陣就有位~ 枱枱人都叫個腸粉, 好熱鬧~::: 腸粉 ::: $7份量有大中細之分, 我地叫咗中嘅有6條, 都夠2人小嚐~ 聽說店家在醬汁中加入豬油, 令到腸粉沾上醬汁後更加香滑, 果真係親身感受先領會到~ 預先落咗嘅豉油麻油充滿豬油香, 腸粉又夠薄身, 一條滑溜溜嘅腸粉就咁跣入喉嚨, 非常美味! 再加上辣醬甜醬就成了混醬腸粉, 甜甜地鹹鹹地又辣辣地咁, 加埋腸粉嘅米香, 真係名不虛傳, 正!::: 粉果 ::: $4因為就咁食腸粉有d齋, 所以都叫d有肉嘅野食. 呢個粉果味道就夠濃, 有胡椒香, 但係皮太厚, 好似喺街邊$5買到兩個嘅貨色, $4一個就不便宜…::: 珍珠雞 ::: $5珍珠雞熱辣辣, 一打開好多水蒸氣飄出嚟~ 比一般珍珠雞細, 裏面料大多都係糯米,其他野都唔係好多~ 都係中規中距,,,::: 炒麵 ::: $8好大一碟, 有韮王、芽菜同椰菜~ 麵條好有咬勁, 蠔油味都好香, 應該都有落豬油落去炒先有咁嘅香味~ 2 個人食都幾飽~:::

用餐日期: 2010 年 4月 4日 食物: 細 size; 1串燒賣 2個粉果﹔1串魚旦﹔1杯豆漿﹔1個珍珠雞味道: 腸粉 真係好滑﹐ 唔會同其他粘埋一齊。 芝痲係任灑﹐ 因為芝痲落左後係勁香﹐ 加埋本身同花生醬混埋一齊既 豬油﹐ 香上加香。 甜醬同辣醬都係比你任加。魚旦又大粒又彈牙﹐ 出面街個D真係無得同佢比。 叫左一隻珍珠雞﹐ 諗主應該係普通貨式﹐ 點知估錯。似係自己整﹐ 足料﹐ 有雞肉﹐ 冬菇﹐ 又唔乾﹐ 好有味。 杯豆漿就差D﹐ 好水。 無咩豆味﹐ 可以改良下 環境4-5張枱。一定同人SHARE。 但係好涼﹐ 風扇夠勁﹐ 就算出面熱到35度﹐都唔會食到身水身汗 服務: 無咩服務。 D 亞姐好趕。咁價錢唔好要求咁多位置: 好近mtr 站﹐ 係黃金反方向。 好容易搵出面好似好多人排隊﹐ 買外賣﹐ 或企係出面食。 搞到我以為入面坐爆人。 但其實入面係有位﹐ 如過無﹐ 等一陣係入面﹐ 好快有人走。 係快過出面排隊企係出面食。又有風扇.