第一郡 (已搬遷) 新店位置

好似有次睇森美唔知寫咩有介紹過呢間，就一直bookmark左，今日終於嚟到深水埗又近呢度就排隊試，好彩人唔算多所以就照排，等左約半個鐘就可入內，餐廳好細，每枱食的野好似差唔多😂嚟呢間點可能唔食蕃茄蟹檬，湯底好正，蕃茄索了蟹和肉汁湯好好味，內心正在想著where is 蟹膏？原來那塊厚厚的蛋餅就是了，說真的頭3啖真係好好味，但之後就開始有點鹹😆扎肉勁彈牙爽口，整體嚟講成碗野好味到不得了. 做左功課知道牛油果沙冰必試，果然冇老點，好滑牛油果味好濃，朋友由於不喜歡牛油果，所以叫了青檸梳打. 其實成間店個個都同一杯野🤣🤣估唔到咁大件，斑蘭味好香，好煙韌，一定要試. 2個人share都夠，因為碗粉好足料好飽，還好沒叫其他小食😆

朋友食過好食，琴日摸門釘，原來例休星期一，今日再嚟過，好好彩，唔駛等太耐，目測小店應該廿十個位左右，午餐時間比較多人。我地叫左蟹膏蕃茄湯檬 ，湯底濃郁唔重味精，蟹膏釀在豆腐裡，好香唔會散，蕃茄好多汁又厚切，好有口感，檬粉好幼滑。再叫左個甜品係班蘭綠豆糕，好煙韌，唔太甜，值得推介，出門越南餐廳好少食到。最後點少得嘆返杯越南滴漏咖啡，仲可以叫佢少啲奶，無咁甜，咖啡好濃郁，有厚度，回味。另外見到啲越式三文治，潛艇賣相一流，由於份量好足夠，要留返下次先可以試下。

今日喺深水埗覓食，竟然喺呢間餐廳嘅門口撞返一位好耐冇見嘅朋友。呢間嘅法包超正，既然大家都咁識貨，又相請不如偶遇，咁梗係一齊食啦😆我哋都各點咗一份🥖越式法包 ($45) - 入面有腩肉、扎肉、肉鬆、酸瓜、青瓜、蔥、肝醬同金大量嘅芫荽🤩咁多芫荽，身為芫荽控嘅我表示非常高興😂所有嘅材料都好新鮮。🥑牛油果沙冰 ($30) - 平時喺其他餐廳少見，清新好味，同要讚嘅係唔會成杯都只係冰，整杯都好滑好smooth🟢班蘭綠豆糕 ($15@) - 班蘭味唔太食到，但綠豆蓉是不錯的，總括而言，呢個係中規中矩。幾樣嘢加埋其實都幾飽，無論係做lunch或者tea都好滿足😋

無懼世事變改,還是越南越愛,無得去旅行嘅日子,唯有係香港搵下啲外國地道美食以解思鄉之苦😖.以越南胡志明市嘅第一郡Q1 黎命名,呢間深水埗小店係專賣越式法包(Banh Mi),撈檬同越/泰式糕點. Banh Mi黎講,我一定會揀越式扎肉款($43),法包即焗,上檯keep住香脆,一定要係食到成檯/成條褲都係麵包碎先證明係香脆！而配料,芫茜係不可或缺,加埋酸蘿蔔,青瓜同醬味,粉量十足(可見下圖幾厚切🥖🥬🥕🥒🥩)開胃得黎一啲都唔膩🤗.野飲可以叫返杯富東南亞風味嘅($30)🥑🥑🥑成杯好creamy 好濃郁,加埋個banh mi 啱啱好夠哂飽！唔夠喉其實呢度有好多糕點,見lunch都好多人外賣拎走,今次試左($15)一件黎講都算大件,好香嘅斑蘭同綠豆味,絕對可以encore!ps聽講呢度啲都係一大招牌,但小弟我湯粉黎講,越南野只會食生牛肉粉,所以留返俾有緣人試完話我知好冇食了😉)

我好鍾意食越南野，所以會周圍搵下邊度有好嘅越南餐廳食,喺網上搜尋到呢間第一郡，所以即刻去試吓。第一次食係3個人去食，我地點左勁多嘢食：越式法包$40、蟹膏番茄湯檬$45、蔬菜燉牛腩$48、斑蘭豆糕兩個（每個$13 ）、糕點四個每個$24 、牛油果沙冰一杯$28，總共$211,每個人$70。我哋外帶左其中一個班蘭綠豆糕和一半法包，因為我地兩個男仔一個女仔三個人都係食得超飽！飽到想嘔！😂你間鋪頭好細，入面只有十幾個位，食物品質真係唔錯，而且份量好多，價錢係好符合返嗰個質素，CP值係好高，係我係香港食過咁多間越南餐廳，我覺得係非常之值得推薦這一間，呢一間算係我食過最好食嘅一間。我個人特別推介蟹膏番茄湯檬、越式法包、班蘭綠豆糕。蟹膏蕃茄湯檬：熱辣辣，勁足料，材料又新鮮，湯底又甜，一d腥味都無，我之前去荃灣試過一間的蟹膏番茄湯檬係有腥味又凍。越式法包：都係必試，好多料！法包外脆內軟！勁好味！班蘭綠豆糕：好特別，外面無見過，唔會太甜，好香！我之後又去多次，試埋個米紙蝦捲，兩條$32，個人覺得麻麻地，好齋，米線好多！

今日5.1假期，同老公放假拍拖出去食餐好。突然想起早前參加孕婦分娩球班前係深水埗食野，發覺該處有好多高質素但價錢親民既小店。即時上OR搵下美食，見到呢間既米紙卷同越式法包好吸引，決定動身前往尋美食。去到1點左右，已經有6,7人係門口排隊。入面員工見到我粗身大細，好窩心問我使唔使比張椅子坐底休息下😍等左二十分鐘就有位可以入去，我要左一碗"蟹膏蕃茄湯檬"，老公要"豬肉撈檬"。另外點了"米紙蝦卷"同"凍既越南滴漏咖啡"。最後再叫了"越式法包"同"班蘭綠豆糕"外賣拎走。先黎"米紙蝦卷":用上蕉葉包住米紙卷，非常有風味，食起黎方便又衛生。平時會沾醋食，呢間配上小店既醬，類似沙爹醬，入面有碎花生粒同幾條蔬菜，好香好甜，但又唔會好咸好濃，我地每食完一啖，就加一匙醬上去米紙卷再食，食完唔會口渴，唔錯。凍越南滴漏咖啡:我以前係其他小店飲過一次，非常鍾意。所以今次強烈要求老公點呢個黎飲(原本老公點了普通凍咖啡，我話係越南小店食野，緊係配番一杯越南滴漏咖啡啦😜) 。大肚既我雖然唔可以飲咖啡，但見住咖啡一滴一滴咁落入練奶中，亦非常治療😍😍老公見我冇得飲好可憐，比咖啡我聞一聞止癢😅😅混左練奶既咖啡味道好香甜。但