樓下冰室

營業中

休息中

一坐低就見到枱上介紹六大必點美食，兩個人去就試咗其中兩個。首先介紹特色蕃茄濃湯通粉配炒蛋，加招牌瑞士雞髀（$59）。番茄濃湯據稱以200斤新鮮蕃茄、豬骨同雞骨烹調10小時製作，的確幾濃味，只係略嫌太甜。瑞士雞髀同蕃茄湯一樣，雖然味道唔錯，但係又莫名其妙地甜。另一個午餐點咗金牌咖喱牛腩飯配熱奶茶（$62）。咖喱汁撈飯，都幾好食，可惜部份牛腩有啲韌，奇怪之處就係咖喱汁少少辣之中又有啲甜味，唔知呢間冰室嘅廚師係咪好鍾意甜甜哋？

呢間懷舊冰室本身係開係荃灣，終於係港島開咗分店！而佢地嘅蕃茄通粉同埋瑞士雞髀就最吸引，見到就已經流晒口水🤤瑞士雞脾大大隻，見到佢嘅深啡色都知道夠晒入味。佢地嘅瑞士汁鹹香得黎又唔會過甜，入面嘅雞髀肉仲好多汁嫩滑，一切開就流啲肉汁出嚟～茄通嘅湯底鮮甜唔會過酸，茄味濃郁，仲有唔少茄茸，應該用咗唔少番茄熬製。炒蛋都唔錯，有好香蛋味，亦都炒得嫩滑。食完呢個咁豐富嘅下午茶真係好飽😌不過美中不足係呢個餐唔包餐飲，要另外再單點。

細個嘅時候曾經喺鰂魚涌居住，今日同媽媽懷緬舊地 😌  下午茶時間搵個地方坐下先，沿住英皇道行行吓，我哋被「樓下冰室」嘅懷舊門面吸引到，一於試吓～餐廳光猛，走懷舊冰室風格，綠白格地磚、霓虹燈、舊式招牌。餐廳供應嘅選擇幾多，結果揀咗餐廳主打——番茄湯同瑞士汁雞髀，試試招牌combination！另外媽媽嗌咗個下午茶餐--「瑞士雞髀配粟米什果沙律」🥗=========================【特色蕃茄濃湯螺絲粉配牛乳炒蛋拼瑞士雞髀】＄55先嚟嘅係瑞士雞髀！賣相吸引，漲卜卜好大隻，同枱兩隻大細均勻，唔會一隻大、一隻細  👍肉質結實彈牙冇雪味，唔會因為煮得耐，而過腍過老，切開時仲有肉汁流出，估唔到 😮瑞士汁濃郁，味道帶甜，易入口。招牌雞髀不錯，媽媽食得好乾淨  😂番茄湯幾濃稠，有番茄蓉，亦有番茄粒，味道帶微酸，幾醒胃～牛乳炒蛋幾滑，連埋番茄湯一齊食，有屋企番茄炒蛋嘅味道 😆  螺絲粉掛湯，不過份量偏多，我同媽媽share都食唔哂🙈 【凍奶茶】（跟餐＋＄10）呢set唔包飲品，不過加配飲品有半價優惠；凍奶茶不過不失，幾大杯 🤔【瑞士雞髀拼粟米什果沙律配熱奶茶】＄39「粟米什果沙律」係港式茶

尋日lunch 同事提議食樓下冰室，話聽聞個雞髀好味！但上次我食過早餐，味道麻麻地！但唔緊要啦，去試下午餐感覺又如何啦！去到叫左個雞髀番茄蛋通，又出奇地好食喎，係鹹左小小！食完先見到人地叫凍朱古力！其實呢個都係出名野飲！早知都叫杯試下啦