阿木台灣麵 (廣華街) (已結業)

-{黃店💛旺角大熱台灣麵🍜}未有GULU app之前我絕對唔會食依間 據說要排成三個鐘😂依家有app就同 @joyce 去覓食啦😍🤤招牌牛肉麵🤤 ($56)一嚟就好大碗 四大片牛肉 勁淋😍湯底濃郁但係唔會口渴😛麵質好彈牙 所以一食就好快食晒🤩仲有啲想飲埋d湯添☺️👖褲評: 9/10🤤魯肉飯🤤 ($35)原本諗住係一細碗 點知成個牛肉麵嘅size上嚇親😂😂魯肉同肉燥都好多 係粒粒都有汁😍又係好快食曬😎👖褲評: 8.8/10🤤芝士肉鬆蛋餅🤤 ($42)三樣嘢夾埋係絕配！食嗰陣冇拉絲 頭同尾都有啲少餡 中間食係最滿足嘅 都係好大大份😚😂👖褲評: 8.6/10🤤甜不辣🤤 ($26)係煙韌版嘅魚餅👀第一次食但覺得有啲太銀要咬好多下先食到 外架揸得脆脆地有啲椒鹽味 未必於會encore喇~👖褲評: 8.2/10食完就明白左點解之前會有咁多人排隊 依家有app係極方便😍店員態度非常好 而且所有嘢食都大大份 又平又好食 環境就有少少迫 一定會返嚟encore!!!性價比: 9.8/10服務: 8.8/10環境: 7.6/10🚩阿木台灣麵🚩地址: 旺角豉油街60-102號鴻都大廈地下3

先講可以app拎飛先！可以早啲拎飛排少陣我地去到都等左半個鐘先有位😂同埋啲野好大份！ ！！叫太多睇住食唔晒😂肉鬆蛋餅 - 好鬼好味，仲要本身女友唔太食肉鬆 撩晒出黎 一睇先知原來真係好足料 唔好睇少依舊野已經可以飽飽地鹽酥雞 - 雞唔算好滑 但成兜即炸熱辣辣甜不辣 - 少少煙韌，但估唔到既係真係大碟到咁... 起碼兩三舊 比依碟野濟飽左😂😂肉燥拌面 - 面質黎講好好食 好食到我想問佢有冇得獨立買，但加埋肉燥果啲就唔太夾

抗疫期間都好少出去食飯有機會當然留番俾黃店啦💛🥰🥰今站———— 阿木台灣麵❤️❤️❤️食我最愛既台灣野❤️ 紅燒牛肉麵 —— 湯頭好台灣味❤️ 香濃得黎唔會好鹹另外我轉左粗麵 個麵都好滑又唔會太厚啲牛肉舊舊都咁厚 仲要好冧好滑好入味🥳鍾意食辣既朋友記得加埋佢地個自家製麻辣醬 又另一番風味😋當然唔少得我最鍾意食既甜不辣🤤🤤🤤 仲有叫左個鹽酥雞滷肉飯❤️餐牌上面好貼心 仲有得揀埋多飯多汁😂岩哂啲大食既朋友仔食完仲可以係門口買到啲台灣成日見到 但香港就冇乜地方有既 台灣小吃/飲料之類見到佢地宜家做緊中秋早鳥優惠 $138 就可以買到1盒8個既手工鳳梨酥喇有興趣既朋友記得like佢地社交平台

⭐️台灣蛋餅真心好食推介⭐️炎炎夏日，無咩事都想涼下冷氣，呢個假期嚟到門口，見到勁長龍，個心都離一離，但係聽講呢度有好食嘅蛋餅，我都堅持等落去....😂因為我真係好鍾意喺台灣食蛋餅😋叫咗個鹽酥雞肉澡飯便當🆗佢招牌係佢嘅鹽酥雞，但係講真都幾普通，原因係啲雞太老，好鞋，中間冇晒肉汁。便當包左三種小食，仲有一碗肉澡飯，個飯都ok ge ，不過可以揀多汁，好餸飯！台式香腸，其實都只係將啲台灣香腸整返熱，所以呢個唔會輸嘅，好食😂甜不辣，呢個都幾好食，熱辣辣，好煙韌，好有咬口！😋到我最鍾意食嘅蛋餅，叫咗粟米芝士蛋餅！其實都有好多台灣餐廳有蛋餅食，但係往往個蛋餅皮同台灣嘅都不一樣，今次終於食到同台灣嘅好相似，而且即叫即整，熱辣辣，出晒煙，零舍好食！仲記得台灣旅行嘅時候，早餐周圍都有得食，而且係超級平，呢到賣$40 ，不過冇辦法啦香港物價貴好多🤦🏻‍♀️最後叫咗杯黑糖珍珠鮮奶，啲珍珠冇咩味，嘛嘛地。總括來講，最好食最好食都係蛋餅，另外兩款小食都OK嘅，係個鹽酥雞同杯嘢飲唔得🤔不過我會為咗個蛋餅比高分呢間餐廳，希望保持水準，等我下次可以再食啦！

去到餐廳既時候，離遠都見到好多人排緊隊，最後等左大概30分鐘終於有得入!呢度既野食都好有台灣既風味，而價錢又唔會太貴，可以話係物超所值！鹽酥肉便當飯既份量極多，肉燥唔係搞到碎晒，係會有小小大既肉粒，令個口感豐富好多，甜甜地鹹鹹地，加飯一流！肉既外皮炸得極酥脆但唔會油，肉夠淋又會有一絲絲既質感，感覺到並唔係用鬆肉粉醃到淋既芝士肉鬆蛋餅芝士香，肉鬆酥，蛋味香，外皮彈，呢個蛋餅真係無得輸！！！台式炸大腸佢炸到外皮極香，本身既油都俾佢炸到逼出黎，所以咬落唔會油膩，而係食到大腸本身既香味！菜就新鮮，醬油調味岩岩好，份量夠大！甜不辣炸得香，質感結實有魚香，值得一試仲飲左杯鳳梨紅茶，唔會死甜，有菠蘿肉，飲到本身茶香既澀味。呢間台灣店真係會令人想一食再食，唔怪得咁多人排隊！