協奏坊西餐廳

營業中

休息中

餐廳：協奏坊西餐廳地點：銅鑼灣香港珀麗酒店菜式：半自助午餐，每日12-2:30供應。星期六日價錢$188加一。包括沙律吧+中西式湯+熱盤+主菜三選一+甜品+咖啡和茶，好豐富！主菜三選一，可以加$78升級龍蝦米多或者燒肉眼扒。香煎盲鰽魚配茴香汁 香煎盲鰽魚配茴香汁係用碗上，一大片煎得脆皮既盲鰽，面頭加上新鮮菜苗，下底係四片薯仔，伴有車厘茄兩粒同洋蔥絲。個茴香汁又滑溜又香，好邪惡。個人鍾意呢款主菜多d。香煎豬柳配玉桂蘋果紅酒汁豬柳一大條，切開有好多肉食。個汁果然好香蘋果味，甜甜地。伴有四片薯仔，兩粒車厘茄同洋蔥絲。沙律吧有7款，包括沙律雜菜、羽衣甘藍、粟米粒、雜果沙律、鷹嘴豆、火腿、西瓜哈密瓜菠蘿粒，羽衣甘藍中途換左做南瓜奇亞籽提子乾沙律，甜甜地好好食。配有兩款沙律醬汁。中西式湯有是日中湯同意大利雜菜湯兩款，隔離有兩款圓麵包配湯食。是日中湯係菜乾豬骨湯，好多料。意大利雜菜湯都有好多雜菜，酸酸地好開胃。有主菜居然都仲有熱盤任食。熱盤區有咖喱牛肋條、牛油蒸粟米、烤豬肉腸、燒豬肋骨、鴨胸、豉油皇炒麵。咖喱牛肋條炆得算淋，咖哩味唔錯，完全唔辣，可以食多d。燒豬肋骨都幾好，淋淋地而個燒汁味唔錯。咖喱

母親節前夕，想帶媽媽食一餐開心又不會讓她覺得太貴，最終在網上找到這間幾抵食的半自助午餐，更可任食2.5小時，便預約帶她過去試試✏️位置（8/10）：酒店位於中央圖書館附近，港鐵銅鑼灣站出口步行不用十分鐘✏️環境（8/10）：西餐廳裝修，空間大座位多，自助餐分區清晰，一點也不迫✏️服務（8/10）：侍應相當友善及有禮貌，會主動幫忙收碟，主菜亦上得很快✏️食物（8/10）：主菜味道不錯，驚喜在自助區都有不少肉類及其他食物，比不少半自助餐豐富得多🌟半自助午餐 - $188/位一位只需$188，但大小同價，除了一份主菜外，自取區有不少食物選擇，而且味道不錯，一點也不馬虎，性價比相當高🍴紅酒燴牛尾第一款主菜選了燴牛尾，牛尾有兩大件，煮得很入味及很稔，酒味香，建議大家要選小飯，以免浪費及食不下自助區的食物🍴墨魚汁海鮮意粉意粉煙靭，軟硬適中，墨魚汁及牛油味超香，爽滑可口，而海鮮有青口、魷魚圈及鮮蝦，整體味道香中帶鮮，值得推薦🍴自助區🥗沙律吧有沙律菜、羽衣甘藍、粟米粒、雜果沙律、荔枝肉及鷹嘴豆，配以兩款沙律醬汁，選擇雖不多，但作為前菜已很足夠，而且也夠新鮮🫕中西式湯提供是日中湯及意大利雜菜湯兩款，同時有自取餐

難得今日放假，我就和家人一齊到銅鑼灣行行，順便準備一下聖誕禮物。難得和家人行街，我就打算帶他們去食餐好的。一邊搭車，家人就一邊說很肚餓，問我去哪裡食，我就突然諗到，不如去食午市自助餐吧，又不用多想，一定適合家人的口味。上網一睇，銅鑼灣珀麗酒店正在做午市半自助餐的推廣，主菜三選一，然後可以又有自助區。在銅鑼灣找間西餐廳食個午餐，其實都是差不多的價錢，那我不如去酒店食個半自助餐吧，起碼食物有更多選擇，又有不同飲品吧。由於臨近聖誕關係，香港珀麗酒店都有不少聖誕裝潢，其協奏坊西餐廳都不例外。餐廳有兩邊坐位，有近自助區的位置，亦有房內較為寧靜的坐位。我和家人的話，那就坐個靜一點的位置更加好。⥁ 主食 - 燒豬寸骨配酸椰菜汁 & 香煎石斑配柚子汁3款主食裡面，我們當然要食肉類吧。協奏坊將燒豬寸骨炮製得像羊架一樣，肉質嫩滑且啖啖肉，和家人就可以不顧儀態地拿著豬骨來食，非常滋味。石斑就煎得恰到好處，不會過火肉乾，而且皮脆爽口，魚味香濃。而且，我很喜歡餐廳用上薯角來作伴菜，與爽脆的石斑魚非常匹配。⥁ 自助區我們當天自助區的食物有「麥樂雞」、薯條、炒飯、沙律、中西湯等等。在等待主食之前，可以夾一些作為小食

weekend想帶屋企人去食下特別點的lunch，見到四星級酒店內嘅semi buffet做緊優惠，$188就有2.5 小時semi buffet，而家仲做緊8折，當然要去下😍餐廳內環境好舒服，當日around 12:30先到，已經坐滿曬人，好彩有book位！雖然full house，但餐廳內位子之間好夠空間感，所以都幾舒服，仲有sofa凳坐！個人覺得semi buffet嘅重點永遠係外面嘅食物😝所以即刻order main後出動！1️⃣沙律bar 🥗基本上好多沙律菜款都有齊，而且款款新鮮，還有番茄仔、粟米、豆類！菜款真係出乎意料地水準好好，食落去好fresh，個人比較喜歡配千島醬，仲encore左好多次沙律菜！🥗2️⃣肉類區永遠排曬隊嘅係肉類，有師傅現場切牛扒/smoked ham ，聽講如果早d去到仲有豬手！因為唔食牛嘅關係，點了個smoked ham，竟然唔係死鹹且啖啖肉texture，肉質幾嫩。3️⃣甜品區甜品區係我去得最多嘅area😛😜，款式多而且竟然有chocolate fountain！💕必食甜品-芝士蛋糕，估唔到係硬身而且texture不黏口，甜度剛剛好散發芝士香，忍唔住食左好多件

💛🧡🤎$𝟭𝘅𝘅 連加一🍽酒店半自助餐成日覺得酒店嘢食太貴，所以好少去食🥹不過前幾日搵到銅鑼灣珀麗酒店入面有親民價嘅半自助餐，好抵食🤣❣️半自助午餐❣️ 7折 (尾圖有折扣詳情)平日 $168 ；周末、紅日 $188半自助午餐時段為12:00-14:30，百幾蚊食足2.5小時都幾抵㗎😝💚自助沙律吧及是日餐湯💚沙律吧嘅選擇都幾多，沙律菜都有幾款🥬另外都有火腿🥓，餐湯就係粟米濃湯，香甜而且濃郁 飲湯嘅時候食返個餐包就啱啦！🧡主菜🧡主菜有3款選擇，今次食咗2款✨紅酒燴牛臉肉🐮-紅酒入味，肉質易咬易入口，底部仲有軟綿薯蓉黑松露軟殼蟹意粉🦀-軟殼蟹炸得酥脆，醬汁剛剛好可以掛上每條意粉，又滑又帶黑松露香❤️自助甜品❤️甜品係全場最受歡迎嘅自助區，所以餐廳都好識做🤣瘋狂refill，仲會轉下新款😝俾大家試多幾款呀！Hatty最鍾意就係佢哋嘅慕絲小蛋糕，軟滑好味！🍰除咗小蛋糕，呢度仲有朱古力噴泉啊😍淋上雪糕表面🍨仲可以做到脆皮效果添！🤎咖啡或茶🤎飲品嘅部份，如果想飲咖啡就可以用佢哋嘅咖啡機☕️食件cake再飲返杯咖啡，解解膩就啱啦！餐廳環境都幾寬敞，坐得舒服 而且採光度都好足夠😆都可以幫食物影到靚相㗎！雖然係平日

之前來到香港珀麗酒店協奏坊西餐廳細味戀上法日海鮮自助晚餐。餐廳環境寬敞，座位之間不會排得太擠，店員勤快收碟執拾，坐得舒服自在。冰鎮海鮮種類亦不少，有蟹腳、青口、小龍蝦、凍蝦等，想不到二字頭價位的buffet會有麵包蟹供應呢！蟹蓋儲滿豐富的蟹膏，甘香軟滑，不過每次refill蟹蓋時數量亦不多，想吃的話就要手快了。魚生刺身即叫即切，肉質油潤而軟滑，帶出鮮甜的魚味。最特別就是有即叫即燒的喜馬拉雅山鹽板燒牛脷及安格斯肉眼，我自己就尤其喜歡油脂分佈均勻細緻的安格斯肉眼，肉質鬆軟富油香，簡簡單單以鹽調味，更能突出濃郁的肉味，滿口瀰漫著牛脂香氣，卻又不會太肥膩，我也忍不住encore了好幾轉。法式田螺焗酥盒將焗烤田螺及黑松露薯茸釀入鬆化的酥皮，可說是經典的法式美食。香煎鴨肝油脂豐腴，軟綿順口，與脆卜卜的多士互相輝映。而且還有好幾款熱辣辣鍋物，材料以海鮮為主，包括日式清酒煮蜆、法式海龍皇煲和三文魚頭麵豉鍋。和風炸物有炸天婦羅、日式芝麻雞翼，炸得夠香口，沖繩苦瓜特色炒蛋吃起來苦味稍淡，是初接觸苦瓜的入門菜式，退火消暑。日式鰻魚炒飯有不少切粒鰻魚，真材實料，炒飯炒得夠乾身，粒粒分明。個人尤其推介照燒鯖魚柳

都有一排無食過任食既野，雖然話依家成日唔係食到好多野，但有陣時又幾enjoy任飲任食既感覺既。今晚放工同我媽黎左銅鑼灣既 香港珀麗酒店食自助餐，提前左book，所以有折扣! 好彩上個月呀媽醒目打左去book。黎到好快就有得入座，好興奮，而且帶位既職員超級有禮，笑容滿面，所以好快就留左個好好既印象。我地雖然得兩個人，但都有四人枱，可以比我地擺野，所以坐得好舒服。枱面一黎就放左啲鉗同鉸剪係度，做乜事?!  係比我地食蟹用架! 好貼心，一黎就已經有，好方便。首先唔可以錯過既梗係蟹腳啦! 啲蟹腳好大隻，係幾粗身，剪開見到一條條好粗好飽滿既鮮甜蟹肉，真係食多十條都唔夠啊! 好正啊! 基本上啲蟹肉同殼之間係無空隙的，啲肉係實的，所以你諗吓係勁新鮮!同場加映仲有面包蟹，好多肉好鮮甜，新鮮既海鮮就係咁就已經好好食，唔需要咩特別既煮法或者調味，咁先至原叶原味同食到海鮮本身原有既鮮甜吖嘛!今晚食呢個buffet除左海鮮仲有好多野推介，包括左有骨雞肉腸，好香好滑、照燒靖魚柳，煎烤得好香甜，好滑，唔會乾柴、面包布丁，唔會太甜，勁香，好好味、吉列炸蝦，好鬆脆，啲蝦勁彈牙超鮮甜，我無加調味! 仲有紅酒炆牛尾都炆到

話說估計有10年時間冇同過屋企人去食自助餐，因為屋企人食量都唔大，去食自助餐都唔會食好多野，所以好少同佢地食，事隔咁耐，都總要Family Day一下，朋友話有一間自助餐價錢十分相宜，$300有找！但又有蟹腳食，岩哂細食但又想食自助餐既屋企人，就黎試下！環境位於珀麗酒店二樓，地埋位置屬於天后地鐵站同銅鑼灣地鐵站之間，我地就從銅鑼灣地鐵站行過黎，大約十五分鐘左右，唔算難搵，因為酒店成棟大樓好高，最高仲寫住酒店名“Rosedale”，跟住行都得。餐廳環境寬敞，食物擺放集中，坐得好舒適。價錢戀上法日海鮮自助晚餐- 星期一至四 $398+10%- 星期五至日 $428+10%- 10天前預訂 $268+10%冷盤：海鮮、沙律海鮮當然不少得長蟹腳、麵包蟹、青口、白蜆、龍蝦仔、魷魚圈、蝦，全部refill速度都好快，未試過冇哂。長蟹腳蟹鉗夠大隻，肉都夠多，麵包蟹味就比較淡，蝦夠彈，魷魚圈有醃過幾入味，全部融雪處理冇問題，亦唔會有腥臭問題，可以放開肚皮放心食。冷盤：刺身、壽司刺身選擇唔算多，有三文魚、希靈魚、吞拿魚，壽司款式反倒會多啲，魚子、櫻花蝦、腐皮、鰻魚等，全部質素正常。熱食：炸物、鴨肝、田螺

自從幾年前喺日本食過蟹本家之後原本唔多食蟹嘅我就變得為蟹瘋狂 聽朋友介紹喺銅鑼灣嘅香港珀麗酒店而家做緊個蟹buffet 真係開心到要即刻搵埋屋企人一齊嚟食 上網睇下原來早半個月會平啲嘅 只需要$288就可以食到蟹宴呀 不過我真係急不及待啦所以貴少少唔緊要啦 用餐地方唔算好大不過勝在坐得舒適、冷氣溫度適中而且張枱都好大張，啱曬我哋食buffet嘅時候放到成枱面嘢都係嘢食呀！一嚟唔使講我就食呢個雪場蟹腳啦 我見到隔離外籍嘅遊客食到幾左幾碟高嘅蟹腳殼 咁就知道呢個蟹個真係好抵食 除咗雪場蟹腳仲有麵包蟹同石蟹 蟹膏都幾多 而且會不停refill咁梗係最開心啦仲有每日都空運到港嘅藍青口大蝦同小龍蝦 淨係食呢個冷盤冰鎮海鮮都已經值回票價啦 此外餐廳職員見我地人多係我攞完第一round蟹腳時已經為我地安排左一盤刺身～有北寄貝、三文魚、魷魚、希靈魚等等款款都好新鮮喜出望外！自己種好推介呢個咖哩炒蟹 咖哩炒蟹係泰國菜裏面好出名嘅菜式 咖哩唔算太辣但係濃郁嘅香氣入咗面入咗蟹之後就變得錦上添花咖哩嘅香氣真係令人齒頰留香 而屋企人就大讚呢個燕窩蟹粥好好味 粥底鮮甜再加上蟹味特出真係令人食完又想再食 熱盤仲有德

自助餐，就是貪選擇多。這個「味歷亞洲」海鮮自助晚餐，囊括港、日、韓、泰、新加坡菜。15日前訂位$288免加一，心動了。準備開動之際，送來一人一隻冰鎮鮑魚。原隻上，超彈牙。日式磯煮，淡淡的甜味剛好。必食之選北海道鱈場蟹腳，大長腿飽滿鮮甜，自帶海水鹹香。冰鎮海鮮較少見的魷魚圈，調味恰好，不韌好咬。刺身軟滑無筋，中規中矩，三文魚油脂滿滿。蘑菇湯勁足料，啖啖都是菇碎，遠遠就聞到香味，讚！燒牛柳生熟度控制得不錯，可惜是貨尾不算太熱。主角亞洲多國菜，大多是熟食。港式／中菜代表中，砂鍋螺頭雲吞雞雞肉嫩滑，鹵水豬腸、豆腐都夠入味。蠔仔粥勝在蠔夠大隻，但味道偏鹹。日系炸物香口好食，吉列豬扒算肉厚，還有一整鍋咖喱汁任加。韓系的幾款，基本都偏向fusion菜，哈韓族表示一般。至於泰國、新加坡菜，即煮新加坡喇沙、龍蝦冬陰公、烏頭看著吸引。不過要留肚，唯有pass……甜品款式超多，切餅、葡撻、馬卡龍、麵包布甸、奶凍，花多眼亂。連懷舊雪條，和自助班戟機都有！Mövenpick雪糕只有一種，正正是大愛的士多啤梨味。好搶手，手慢的唯有慢慢挖邊。甜品控，力戰了一碟又一碟。當中，以芒果大福最出色，外層軟糯可人。臨走才想起